पुणे : भरधाव डंपरने दुचाकीला पाठीमागून धडक दिल्याने माजी पोलिस पाटलाचा जागीच मृत्यू झाल्याची घटना धायरी येथील अभिरूची मॉलसमोर सकाळी दहाच्या सुमारास घडली. गर्दीच्यावेळी हा अपघात झाल्याने रोडवर मोठ्या प्रमाणात वाहतूक कोंडी झाली होती. याप्रकरणी डंपर चालकास सिंहगड रोड पोलिसांनी अटक केली आहे.
मधुकर रामभाऊ तोडकर (वय ४५, रा. यशगंगा, सोसायटी, धायरी फाटा) असे मृत्यू झालेल्या पोलिस पाटलाचे आहे. याप्रकरणी डंपरचालक नौशाद खान महंमद खान याला अटक केली आहे. तोडकर यांचा पुतण्या युवराज दिनकर तोडकर (वय १९) याने तक्रार दिली आहे. पोलिसांनी दिलेल्या माहितीनुसार, मधुकर तोडकर हे पानशेत जवळील खामगावचे पोलिस पाटील होते. त्यांचा धायरीमध्ये हनुमान दुग्धालय नावाने दूध विक्रीचा व्यवसाय आहे. काही दिवसांपासून ते आजारी होते. त्यांना गुरुवारीच हॉस्पिटलमधून घरी सोडण्यात आले होते. शुक्रवारी सकाळी ते पावणेदहाच्या सुमारास वडगावच्या दिशेने उड्डाणपुलाच्या खालून दुचाकीवरून जात होते. अभिरूची मॉलसमोर उड्डाणपुलावरून आलेल्या भरधाव डंपरने त्यांच्या दुचाकीला पाठीमागून जोराची धडक दिली. त्यामध्ये तोडकर हे डंपरच्या चाकाखाली आले. त्यात त्यांचा मृत्यू झाला. याप्रकरणी फौजदार धुळाजी कोळपे हे तपास करत आहेत.
मधुकर रामभाऊ तोडकर (वय ४५, रा. यशगंगा, सोसायटी, धायरी फाटा) असे मृत्यू झालेल्या पोलिस पाटलाचे आहे. याप्रकरणी डंपरचालक नौशाद खान महंमद खान याला अटक केली आहे. तोडकर यांचा पुतण्या युवराज दिनकर तोडकर (वय १९) याने तक्रार दिली आहे. पोलिसांनी दिलेल्या माहितीनुसार, मधुकर तोडकर हे पानशेत जवळील खामगावचे पोलिस पाटील होते. त्यांचा धायरीमध्ये हनुमान दुग्धालय नावाने दूध विक्रीचा व्यवसाय आहे. काही दिवसांपासून ते आजारी होते. त्यांना गुरुवारीच हॉस्पिटलमधून घरी सोडण्यात आले होते. शुक्रवारी सकाळी ते पावणेदहाच्या सुमारास वडगावच्या दिशेने उड्डाणपुलाच्या खालून दुचाकीवरून जात होते. अभिरूची मॉलसमोर उड्डाणपुलावरून आलेल्या भरधाव डंपरने त्यांच्या दुचाकीला पाठीमागून जोराची धडक दिली. त्यामध्ये तोडकर हे डंपरच्या चाकाखाली आले. त्यात त्यांचा मृत्यू झाला. याप्रकरणी फौजदार धुळाजी कोळपे हे तपास करत आहेत.