म. टा. प्रतिनिधी, लोणावळा
मुंबई-पुणे एक्सप्रेस वेवर पावसामुळे तीन वाहनांच्या अपघातात तीन जण किरकोळ जखमी झाले असून, अपघातग्रस्त वाहनांमध्ये प्रसिद्ध सरकारी वकील उज्ज्वल निकम यांच्या ताफ्यातील कारचा सामवेश आहे. सुदैवाने यामध्ये कोणालाही कोणती गंभीर दुखापत नाही. मार्गावर बंद पडलेल्या एका ट्रकवर एका बँकेची जीप आदळली होती. हा अपघात सोमवारी रात्री पावणेसातच्या सुमारास खोपोली जवळील फूडमॉलजवळ झाला.
दस्तुरी (बोरघाट) महामार्ग पोलिसांनी दिलेल्या माहितीनुसार पुणे मुंबई एक्स्प्रेस वेवर किलोमीटर क्रमांक ३६ जवळील उतार व वळणावर मुंबईकडे जाणाऱ्या मार्गावर एक ट्रक बंद पडला होता. सोमवारी पाऊस पडल्याने मार्गही निसरडा झाला होता. या दरम्यान पुण्याहून मुंबईकडे एक बँक कर्मचारी त्यांच्या कारने (क्रमांक-एमएच-०१/बीजी-०३४८) जात होते. येथील वळण व उतारावर त्यांच्या कारचालकाचे गाडीवरील नियंत्रण सुटल्याने कार पुढे उभ्या असलेल्या ट्रकवर मागून आदळली. याच दरम्यान प्रसिद्ध सरकारी वकील उज्ज्वल निकम पुण्याहून मुंबईला जात होते. त्यांच्या ताफ्यातील पुढे असलेली एस्कॉर्टची बोलेरो जीप (क्रमांक-एमएच-०६/एए-१८९) बँकेच्या कारवर आदळली. दरम्यान निकम यांच्या कारचालकाने प्रसंगावधान राखून कारचा वेग कमी केला आणि गाडी थांबवली. मात्र, या अपघातात रायगडचे एस्कॉर्ट पोलिस कर्मचारी तोडसे व निलकर यांच्यासह बँकेच्या कारचा चालक व अधिकारी किरकोळ जखमी झाले आहे. सुदैवाने यात कोणालाही कोणतीही गंभीर दुखापत झाली नाही. अपघातानंतर या मार्गावरील वाहतूक काही काळ विस्कळित झाली होती. घटनेची माहिती कळताच दस्तुरी (बोरघाट) पोलिस व आयआरबीच्या कर्मचाऱ्यांनी घटनास्थळी धाव घेऊन घटनेची पाहाणी केली आणि अपघातग्रस्त वाहने बाजूला करून रस्ता वाहतुकीसाठी खुला केला. तत्पूर्वी पोलिसांनी जखमींना पनवेल येथील एमजीएम रुग्णालयात रवाना केले.
मुंबई-पुणे एक्सप्रेस वेवर पावसामुळे तीन वाहनांच्या अपघातात तीन जण किरकोळ जखमी झाले असून, अपघातग्रस्त वाहनांमध्ये प्रसिद्ध सरकारी वकील उज्ज्वल निकम यांच्या ताफ्यातील कारचा सामवेश आहे. सुदैवाने यामध्ये कोणालाही कोणती गंभीर दुखापत नाही. मार्गावर बंद पडलेल्या एका ट्रकवर एका बँकेची जीप आदळली होती. हा अपघात सोमवारी रात्री पावणेसातच्या सुमारास खोपोली जवळील फूडमॉलजवळ झाला.
दस्तुरी (बोरघाट) महामार्ग पोलिसांनी दिलेल्या माहितीनुसार पुणे मुंबई एक्स्प्रेस वेवर किलोमीटर क्रमांक ३६ जवळील उतार व वळणावर मुंबईकडे जाणाऱ्या मार्गावर एक ट्रक बंद पडला होता. सोमवारी पाऊस पडल्याने मार्गही निसरडा झाला होता. या दरम्यान पुण्याहून मुंबईकडे एक बँक कर्मचारी त्यांच्या कारने (क्रमांक-एमएच-०१/बीजी-०३४८) जात होते. येथील वळण व उतारावर त्यांच्या कारचालकाचे गाडीवरील नियंत्रण सुटल्याने कार पुढे उभ्या असलेल्या ट्रकवर मागून आदळली. याच दरम्यान प्रसिद्ध सरकारी वकील उज्ज्वल निकम पुण्याहून मुंबईला जात होते. त्यांच्या ताफ्यातील पुढे असलेली एस्कॉर्टची बोलेरो जीप (क्रमांक-एमएच-०६/एए-१८९) बँकेच्या कारवर आदळली. दरम्यान निकम यांच्या कारचालकाने प्रसंगावधान राखून कारचा वेग कमी केला आणि गाडी थांबवली. मात्र, या अपघातात रायगडचे एस्कॉर्ट पोलिस कर्मचारी तोडसे व निलकर यांच्यासह बँकेच्या कारचा चालक व अधिकारी किरकोळ जखमी झाले आहे. सुदैवाने यात कोणालाही कोणतीही गंभीर दुखापत झाली नाही. अपघातानंतर या मार्गावरील वाहतूक काही काळ विस्कळित झाली होती. घटनेची माहिती कळताच दस्तुरी (बोरघाट) पोलिस व आयआरबीच्या कर्मचाऱ्यांनी घटनास्थळी धाव घेऊन घटनेची पाहाणी केली आणि अपघातग्रस्त वाहने बाजूला करून रस्ता वाहतुकीसाठी खुला केला. तत्पूर्वी पोलिसांनी जखमींना पनवेल येथील एमजीएम रुग्णालयात रवाना केले.