कात्रज घाटत एसटी बस आणि दुचाकीला भीषण अपघात; तरुण जागीच ठार, एक गंभीर जखमी

पुणे : कात्रज घाटात एसटी बस आणि दुचाकीला भीषण अपघात झाला असून या अपघातात दुचाकीस्वार जागीच ठार झाला. तसंच दुचाकीवरील एकजण गंभीर जखमी झाला. शुक्रवारी सायंकाळी ही घटना घडली. या अपघातामुळे घाटात काही काळ वाहतूक कोंडी झाली होती.

अमोल टकले ( वय १८, रा. भवानी पेठ) असे अपघातात मृत्युमुखी पडलेल्या तरुणाचं नाव आहे. तर पवन जाधव, हा त्याच्यासोबत दुचाकीवर असणारा तरुण गंभीर जखमी झाला आहे.

'बारामतीत माझीच दादागिरी चालणार, माझ्याशी पंगा घेणारा...'; गोळीबार प्रकरणात धक्कादायक माहिती उघड

पोलिसांनी दिलेल्या माहितीनुसार, नाशिक-सांगली ही राज्य परिवहन महामंडळाची बस पुण्याहून कात्रज घाटातून सातारच्या दिशेने जात होती. दुचाकीवरील दोघे खेड शिवापूरहून घाटातून पुण्याकडे येत होते. घाटात तीव्र उतारावर ‌बस आणि दुचाकीचा अपघात झाला. या अपघातात तरुण जागीच ठार झाला. जखमीला उपचारासाठी रुग्णालयात दाखल करण्यात आलं आहे.

आदित्य ठाकरेंना हात जोडून नमस्कार, मराठी मालिका गाजवणारी अभिनेत्री म्हणते...

दरम्यान, मागील काही काळापासून रस्ते अपघातात मोठी वाढ झाली आहे. वाहनांच्या वेगमर्यादेचं पालन न केल्यानेच यातील बहुतांश दुर्घटना घडतात. अशा अपघातांमध्ये मृत्युमुखी पडणाऱ्यांमध्ये तरुणांचं प्रमाण सर्वाधिक आहे. त्यामुळे रस्त्यावर होणाऱ्या दुर्घटना टाळण्यासाठी नियमांचं पालन करण्याची गरज पुन्हा एकदा अधोरेखित झाली आहे.