म. टा. प्रतिनिधी, पुणे
'करोनाचा प्रभाव कधी कमी होईल, हे सध्या कोणालाच सांगता येणार नाही; तसेच या साथीमुळे उद्भवलेली परिस्थिती नियंत्रणात आल्यानंतर चित्रपटगृहांमध्ये रसिक प्रेक्षक येतील का, हेही सांगता येत नाही. अशा वेळी चित्रपटगृहे सुरू व्हायची वाट न पाहता मराठी चित्रपट निर्मात्यांनी ओव्हर द टॉप (ओटीटी) प्लॅटफॉर्मवर चित्रपट प्रदर्शित करावेत,' असे आवाहन अखिल भारतीय मराठी चित्रपट महामंडळाने केले आहे.
लॉकडाउनमुळे चित्रपटगृहे बंद असल्याने सुमारे १० ते १२ चित्रपट प्रदर्शित होऊ शकलेले नाहीत. शिवाय अनेक चित्रपटांची कामे शेवटच्या टप्प्यात आहेत. लॉकडाउनमध्ये शिथिलता मिळाल्याने ती कामेही लवकरच पूर्ण होतील. अशा चित्रपटांच्या निर्मात्यांनी फार काळ वाट न पाहता चित्रपट 'ओटीटी'वर प्रदर्शित करायला हरकत नाही. निदान त्याद्वारे होणारा तोटा कमी होईल, अशी भूमिका महामंडळाने मांडली आहे. या संदर्भात निर्मात्यांशी संपर्क साधून त्यांच्याशी चर्चा केली जात असल्याचे महामंडळाचे अध्यक्ष मेघराज राजेभोसले यांनी स्पष्ट केले आहे.
'चित्रपटगृहे सुरू झाल्यानंतर त्याला किती प्रेक्षक मिळेल, याबाबत चित्रपट क्षेत्रात शंका उपस्थित केल्या जात आहेत. पूर्वीप्रमाणे प्रेक्षक लगेच चित्रपटगृहात जाऊन चित्रपट बघेल, असे चित्र सध्यातरी दिसत नाही. या पार्श्वभूमीवर ओटीटी प्लॅटफॉर्म जर रसिकांना घरबसल्या चित्रपट पाहण्याची संधी देत असतील आणि त्यातून निर्मात्यांनाही चांगल्या प्रमाणात पैसे मिळत असतील तर निर्मात्यांनी आणि दिग्दर्शकांनी या पर्यायाचा विचार करायला हरकत नाही. बॉलिवूडच्या तुलनेत मराठी चित्रपटांचे बजेटही फार मोठे नाही त्यामुळे ओटीटीवर चित्रपट आला तरी निर्मात्यांना मोठ्या तोट्याला सामोरे जावे लागणार नाही. या सर्व बाबींचा विचार करून मराठी निर्मात्यांनी योग्य तो निर्णय घ्यावा,' असा सल्ला महामंडळाकडून देण्यात आला आहे.
मराठी चित्रपट निर्माते आणखी काही काळ थांबले तर त्यांना मोठ्या तोट्याला सामोरे जावे लागेल, असे सध्याचे चित्र आहे. चित्रपट तयार करण्यासाठी अनेकांनी कर्ज घेतलेले असते. सध्याचा 'ओटीटी'ची वाढलेली मागणी लक्षात घेऊन निर्मात्यांनी योग्यवेळी निर्णय घेणे गरजेचे आहे. या संदर्भात निर्मात्यांशी चर्चा सुरू आहे.
- मेघराज राजेभोसले, अध्यक्ष,
अखिल भारतीय मराठी चित्रपट महामंडळ
'करोनाचा प्रभाव कधी कमी होईल, हे सध्या कोणालाच सांगता येणार नाही; तसेच या साथीमुळे उद्भवलेली परिस्थिती नियंत्रणात आल्यानंतर चित्रपटगृहांमध्ये रसिक प्रेक्षक येतील का, हेही सांगता येत नाही. अशा वेळी चित्रपटगृहे सुरू व्हायची वाट न पाहता मराठी चित्रपट निर्मात्यांनी ओव्हर द टॉप (ओटीटी) प्लॅटफॉर्मवर चित्रपट प्रदर्शित करावेत,' असे आवाहन अखिल भारतीय मराठी चित्रपट महामंडळाने केले आहे.
लॉकडाउनमुळे चित्रपटगृहे बंद असल्याने सुमारे १० ते १२ चित्रपट प्रदर्शित होऊ शकलेले नाहीत. शिवाय अनेक चित्रपटांची कामे शेवटच्या टप्प्यात आहेत. लॉकडाउनमध्ये शिथिलता मिळाल्याने ती कामेही लवकरच पूर्ण होतील. अशा चित्रपटांच्या निर्मात्यांनी फार काळ वाट न पाहता चित्रपट 'ओटीटी'वर प्रदर्शित करायला हरकत नाही. निदान त्याद्वारे होणारा तोटा कमी होईल, अशी भूमिका महामंडळाने मांडली आहे. या संदर्भात निर्मात्यांशी संपर्क साधून त्यांच्याशी चर्चा केली जात असल्याचे महामंडळाचे अध्यक्ष मेघराज राजेभोसले यांनी स्पष्ट केले आहे.
'चित्रपटगृहे सुरू झाल्यानंतर त्याला किती प्रेक्षक मिळेल, याबाबत चित्रपट क्षेत्रात शंका उपस्थित केल्या जात आहेत. पूर्वीप्रमाणे प्रेक्षक लगेच चित्रपटगृहात जाऊन चित्रपट बघेल, असे चित्र सध्यातरी दिसत नाही. या पार्श्वभूमीवर ओटीटी प्लॅटफॉर्म जर रसिकांना घरबसल्या चित्रपट पाहण्याची संधी देत असतील आणि त्यातून निर्मात्यांनाही चांगल्या प्रमाणात पैसे मिळत असतील तर निर्मात्यांनी आणि दिग्दर्शकांनी या पर्यायाचा विचार करायला हरकत नाही. बॉलिवूडच्या तुलनेत मराठी चित्रपटांचे बजेटही फार मोठे नाही त्यामुळे ओटीटीवर चित्रपट आला तरी निर्मात्यांना मोठ्या तोट्याला सामोरे जावे लागणार नाही. या सर्व बाबींचा विचार करून मराठी निर्मात्यांनी योग्य तो निर्णय घ्यावा,' असा सल्ला महामंडळाकडून देण्यात आला आहे.
मराठी चित्रपट निर्माते आणखी काही काळ थांबले तर त्यांना मोठ्या तोट्याला सामोरे जावे लागेल, असे सध्याचे चित्र आहे. चित्रपट तयार करण्यासाठी अनेकांनी कर्ज घेतलेले असते. सध्याचा 'ओटीटी'ची वाढलेली मागणी लक्षात घेऊन निर्मात्यांनी योग्यवेळी निर्णय घेणे गरजेचे आहे. या संदर्भात निर्मात्यांशी चर्चा सुरू आहे.
- मेघराज राजेभोसले, अध्यक्ष,
अखिल भारतीय मराठी चित्रपट महामंडळ