पुणे:
चंदननगरमध्ये घरात घुसून महिलेवर गोळीबार करणाऱ्या आरोपीला पकडत असताना या आरोपीने पोलिसांवरही गोळीबार केल्याची धक्कादायक घटना घडली आहे. पुणे रेल्वे स्टेशनवरील फ्लॅटफार्म क्रमांक दोनवर हा धक्कादायक प्रकार घडला. त्यात पोलीस निरीक्षक जखमी झाला आहे.
चंदन नगर येथे लुटीच्या उद्देशाने एका महिलेवर गोळीबार करून हा आरोपी पुण्याबाहेर पळ काढण्याच्या तयारीत होता. तो झेलम एक्सप्रेसने जाणार असल्याची खबर मिळताच युनिट दोनच्या पोलिसांनी रेल्वे स्थानकावर सापळा रचला. आरोपी रेल्वेस्थानकात आल्यानंतर त्याला पकडत असताना त्याने पोलिसांच्या दिशेने गोळीबार करत पळ काढण्याचा प्रयत्न केला. त्यात पोलीस निरीक्षक गजानन पवार जखमी झाले. मात्र पोलिसांनी जीवावर उदार होऊन या आरोपीच्या मुसक्या आवळल्या आहेत. दरम्यान, पवार यांना रुग्णालयात दाखल करण्यात आले असून त्यांच्यावर उपचार सुरू आहेत.
आज दुपारी पावणे दोनच्या सुमारास आरोपीने चंदन नगरमधील इंद्रायणी गृहरचना सोसायटीत घुसून एकता ब्रिजेश भाटी यांच्यावर गोळीबार केला. त्यात त्यांचा मृत्यू झाला. गोळीबाराची माहिती समजताच चंदननगर व गुन्हे शाखेच्या पोलिसांनी घटनास्थळी धाव घेतली. पोलिसांनी परिसारीतल सीसीटीव्ही फुटेज तपासण्यासाठी घेतले असून याप्रकरणी अधिक तपास सुरू आहे.
चंदननगरमध्ये घरात घुसून महिलेवर गोळीबार करणाऱ्या आरोपीला पकडत असताना या आरोपीने पोलिसांवरही गोळीबार केल्याची धक्कादायक घटना घडली आहे. पुणे रेल्वे स्टेशनवरील फ्लॅटफार्म क्रमांक दोनवर हा धक्कादायक प्रकार घडला. त्यात पोलीस निरीक्षक जखमी झाला आहे.
चंदन नगर येथे लुटीच्या उद्देशाने एका महिलेवर गोळीबार करून हा आरोपी पुण्याबाहेर पळ काढण्याच्या तयारीत होता. तो झेलम एक्सप्रेसने जाणार असल्याची खबर मिळताच युनिट दोनच्या पोलिसांनी रेल्वे स्थानकावर सापळा रचला. आरोपी रेल्वेस्थानकात आल्यानंतर त्याला पकडत असताना त्याने पोलिसांच्या दिशेने गोळीबार करत पळ काढण्याचा प्रयत्न केला. त्यात पोलीस निरीक्षक गजानन पवार जखमी झाले. मात्र पोलिसांनी जीवावर उदार होऊन या आरोपीच्या मुसक्या आवळल्या आहेत. दरम्यान, पवार यांना रुग्णालयात दाखल करण्यात आले असून त्यांच्यावर उपचार सुरू आहेत.
आज दुपारी पावणे दोनच्या सुमारास आरोपीने चंदन नगरमधील इंद्रायणी गृहरचना सोसायटीत घुसून एकता ब्रिजेश भाटी यांच्यावर गोळीबार केला. त्यात त्यांचा मृत्यू झाला. गोळीबाराची माहिती समजताच चंदननगर व गुन्हे शाखेच्या पोलिसांनी घटनास्थळी धाव घेतली. पोलिसांनी परिसारीतल सीसीटीव्ही फुटेज तपासण्यासाठी घेतले असून याप्रकरणी अधिक तपास सुरू आहे.