पुणे : ग्रामस्थांच्या तक्रारी, गैरकारभार, बेजाबदार व्यवस्थापन, तसेच लेखापरीक्षण अहवाल दाखल न करणे या कारणास्तव कुर्ला येथील एकवीरा देवस्थानच्या विश्वस्तांविरोधात धर्मादाय सहआयुक्त दिलीप देशमुख यांनी सार्वजनिक विश्वस्त अधिनियमाच्या कलम ४१ (ड) नुसार कारवाईची प्रक्रिया सुरू केली आहे. एकवीरा देवीच्या देवस्थानच्या विश्वस्तांचा गैरकारभार, सुविधांचा अभाव, बेजाबदार व्यवस्थापनाबाबत ग्रामस्थांच्या तक्रारी होत्या. त्या तक्रारींची धर्मादाय आयुक्तालयातील निरीक्षकांमार्फत चौकशी करण्यात आली. त्या चौकशीचा अहवाल सहआयुक्त दिलीप देशमुख यांच्याकडे दाखल करण्यात आला. त्या अहवालात ग्रामस्थांच्या तक्रारीत तथ्य असल्याचे आढळले. देवस्थानासाठी विश्वस्तांनी कर्ज घेताना धर्मादाय सहआयुक्तांची परवानगी घेणे आवश्यक होते. ती न घेताच कर्ज काढले. या कारणांवरून सार्वजनिक विश्वस्त अधिनियम कलम ४१ (ड) नुसार विश्वस्तांविरोधात निलंबन, पदावरून काढून टाकणे किंवा बडतर्फ करणे यापैकी एक कारवाईची प्रक्रिया सहआयुक्तांनी सुरू केली आहे.
एकवीरा देवस्थानच्याविश्वस्तांवर कारवाई
ग्रामस्थांच्या तक्रारी, गैरकारभार, बेजाबदार व्यवस्थापन, तसेच लेखापरीक्षण अहवाल दाखल न करणे या कारणास्तव कुर्ला येथील एकवीरा देवस्थानच्या ...
30 18 Jan 2019, 4:00 am