अ‍ॅपशहर

'पिंपरी-चिंचवड महापालिकेची निवडणूक आदित्य ठाकरेंच्या नेतृत्वाखाली लढणार'

महापालिका निवडणुकीच्या संदर्भात आदित्य ठाकरे यांच्या समवेत मुंबईतील सह्याद्री अतिथीगृहात चर्चा झाली. शिवसेनेचे पुणे जिल्हा संपर्कप्रमुख सचिन अहिर आणि घोळवे या वेळी उपस्थित होते.

Authored byम. टा. प्रतिनिधी | महाराष्ट्र टाइम्स 13 Feb 2022, 7:24 am
पिंपरी : 'आगामी पुणे आणि पिंपरी-चिंचवड महापालिकेची निवडणूक शिवसेनेकडून युवा सेनाप्रमुख व पर्यटनमंत्री आदित्य ठाकरे यांच्या नेतृत्वाखाली लढविली जाणार आहे. त्यांनी जास्तीत जास्त सभा घेण्याचे आश्वासन दिले आहे,' अशी माहिती शिवसेनेचे राज्य संघटक गोविंद घोळवे यांनी दिली.
महाराष्ट्र टाइम्स.कॉम aditya thackeray


महापालिका निवडणुकीच्या संदर्भात आदित्य ठाकरे यांच्या समवेत मुंबईतील सह्याद्री अतिथीगृहात चर्चा झाली. शिवसेनेचे पुणे जिल्हा संपर्कप्रमुख सचिन अहिर आणि घोळवे या वेळी उपस्थित होते.

मुंबईत मोठी कारवाई, खोल समुद्रात ८०० किलो अंमली पदार्थ जप्त
घोळवे म्हणाले, 'पुणे व पिंपरी-चिंचवड महापालिकेत जास्तीत-जास्त नगरसेवक निवडून आणून महाविकास आघाडीची सत्ता आणण्यासाठी प्रयत्न करीत आहेत. उपमुख्यमंत्री अजित पवार यांनी आघाडीचे संकेत दिले आहेत. त्याबाबत मुख्यंमत्री उद्धव ठाकरे अंतिम निर्णय घेतील. भ्रष्टाचार हाच भाजपचा ध्यास आहे. या पक्षाला 'भूलभुलैय्या पार्टी' म्हणून ओळखले जाते. त्यामुळे दोन्ही पालिकांमध्ये शिवसेनेला मोठे यश मिळेल.'

लवकरच दोन्ही महानगरपालिकेसंदर्भात 'कोअर कमिटी'ची निवड करण्यात येणार आहे. शिवसेना आघाडीतील घटक पक्षांना बरोबर घेऊन जाण्याचा प्रयत्न करणार आहे. आघाडीसंदर्भात लवकरच बैठक घेण्यात येईल, असे घोळवे यांनी सांगितले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज