आदित्य ठाकरे यांचे खंडोबा दर्शन; जेजुरी येथील देवाची तलवारही उचलली

जेजुरी (पुणे) : माजी आमदार विजय शिवतारे हे शिंदे गटासोबत गेल्याने पुरंदर शिवसेनेला खिंडार पडले असे वाटत होते. मात्र अनेक स्थानिक नेते शिवसेनेच्या संपर्कात असल्याचे बोलले जात आहे. शिवतारे गेल्याने काही फरक पडत नसल्याचे देखील स्थानिकांकडून सांगण्यात येत आहे. पुरंदर तालुक्यात शिवसेना नव्याने उभी करू, असा विश्वास अनेकांनी यावेळी आदित्य ठाकरे यांना दिला आहे.

राज्याचे माजी पर्यटनमंत्री शिवसेनेचे नेते आदित्य ठाकरे यांनी आज जेजुरी येथील खंडोबाचं दर्शन घेतल. ठाकरे खंडोबाच्या गडावर आले होते. जेजुरी येथील ग्रामस्थ व विश्वस्त मंडळांनी यावेळी त्यांचे स्वागत केले. आदित्य ठाकरे हे सांगोला येथे शेतकऱ्यांशी संवाद साधण्यासाठी गेले होते. यानंतर माघारी जाताना त्यांनी जेजुरीत खंडोबाचं दर्शन घेतले आहे.

वाचा- T20 Semi-Final: सेमीफायनलमध्ये इतिहास घडवण्याची संधी; टी-२० वर्ल्डकपमध्ये इंग्लंडविरुद्ध जिंकल्यास...

आपण खंडोबाच्या दर्शनासाठी आणि आशिर्वादासाठी आलो आहे.असा म्हणत त्यांनी माध्यमांना राजकीय विषयावर प्रतिक्रिया देण्यास त्यांनी नकार दिला. मंदिराच्या आवारात राजकारणावर बोलायला नको असे ते म्हणाले. यावेळी जेजुरी देवस्थानचे विश्वस्त स्थानिक ग्रामस्थ उपस्थित होते. ठाकरे यांनी तळी भंडारही केला. त्याच बरोबर जेजुरी येथील देवाची खंडा म्हणजेच तलवारही उचलली पुरंदर तालुक्यात आदित्य ठाकरे यांनी भेट दिल्याने स्थानिक शिवसैनिकांना बळ मिळण्यास मदत होणार आहे. यावेळी शिवसेनेचे अनेक स्थानिक नेते कार्यकर्ते उपस्थित होते.

वाचा- IND vs ENG: इंग्लंडविरुद्ध टीम इंडियाला सुवर्णसंधी; हा असेल उपांत्य लढतीचा 'एक्स फॅक्टर'

आदित्य ठाकरे यांनी जेजुरी गडावर येऊन खंडेरायाचे घेतलेले दर्शन हे निश्चितच पुरंदरसाठी आशादायी ठरेल हे नक्की.