‘फर्ग्युसन कॉलेज’ स्वायत्त झाल्याने निर्णय
म. टा. प्रतिनिधी, पुणे
शहरातील नामवंत फर्ग्युसन कॉलेजमध्ये अकरावीला प्रवेश घेतला की पदवी घेऊनच बाहेर पडायचे, हे चित्र आता बदलले आहे. त्यामुळे दहावीच्या गुणवत्तेच्या आधारावर प्रवेश घेतलेल्या विद्यार्थ्यांना बारावीच्या परीक्षेतही आपली गुणवत्ता सिद्ध करावी लागणार आहे. कॉलेजला मिळालेल्या स्वायत्ततेमुळे ‘इन हाउस कोटा’ रद्द झाल्याने कॉलेजमधील ‘एफ-वाय’ प्रवेशासाठीची स्पर्धाही तीव्र झाली आहे.
फर्ग्युसन कॉलेजला गेल्या वर्षी विद्यापीठ अनुदान आयोगातर्फे पुढील सहा वर्षांसाठी शैक्षणिक स्वायत्तता देण्यात आली. त्यामुळे कॉलेजला स्वतःचे अभ्यासक्रम तयार करणे, स्वतंत्रपणे परीक्षा घेण्याबरोबरच अन्य बाबतीतही स्वायत्तता असणार आहे. या विद्यार्थ्यांना सावित्रीबाई फुले पुणे विद्यापीठाचीच पदवी मिळणार असली, तरी त्यामध्ये कॉलेजच्या स्वायत्ततेचा स्वतंत्र उल्लेख असणार आहे. स्वायत्ततेमुळे कॉलेजला मिळालेल्या अधिकारांनुसार कॉलेजने पदवीच्या पहिल्या वर्षाच्या प्रवेशासाठी स्वतंत्र प्रवेशप्रक्रिया राबविण्याचा निर्णय घेतला आहे. त्यानुसार प्रवेशासाठी स्वतंत्र प्रवेशप्रक्रिया राबवून गुणवत्ता यादी तयार करून त्याआधारेच प्रवेश देण्यात आले आहेत.
फर्ग्युसन कॉलेज नामवंत कॉलेज असल्याने अकरावीच्या प्रवेशासाठी येथील कट-ऑफ कायमच चढा राहिलेला आहे. येथील अकरावीचे प्रवेश ९०-९५ टक्क्यांना बंद होतात. त्यामुळे एकदा अकरावीला प्रवेश मिळाला की बारावी उत्तीर्ण झाल्यानंतर या विद्यार्थ्यांना त्याच कॉलेजमध्ये पदवीलाही प्रवेश मिळत होता. त्यासाठी त्यांना स्वतंत्र ‘इन हाउस कोटा’ उपलब्ध होत होता. त्यामुळे बारावीत कितीही गुण मिळाले, तरी त्यांना पदवीला प्रवेश मिळून पदवीचे शिक्षण फर्ग्युसन कॉलेजमधूनच पूर्ण करता येत होते. आता मात्र, कॉलेजला स्वायत्तता मिळाल्याने कोटा रद्द झाला आहे. परिणामी, विद्यार्थ्यांना पदवी प्रवेशासाठी स्वतंत्र प्रवेशप्रक्रियेतून जावे लागले आहे.
‘यूजीसीच्या धोरणानुसारच निर्णय’
‘विद्यापीठ अनुदान आयोगाने (यूजीसी) फर्ग्युसन कॉलेजला स्वायत्तता दिली आहे. तसेच, कॉलेज ऑफ एक्सलन्सचा दर्जाही देण्यात आला आहे. त्यातच कनिष्ठ महाविद्यालये आणि पदवीचे कॉलेज या दोन्ही स्वतंत्र बाबी आहेत. त्यामुळे हा निर्णय घेण्यात आला आहे. त्यामुळे बारावीनंतर विद्यार्थ्यांना पुन्हा स्वतंत्र प्रवेशप्रक्रियेतून गुणवत्तेच्याच आधारावर पदवी अभ्यासक्रमाला प्रवेश मिळेल,’ असे फर्ग्युसन कॉलेजचे प्राचार्य डॉ. रवींद्रसिंह परदेशी यांनी सांगितले.
म. टा. प्रतिनिधी, पुणे
शहरातील नामवंत फर्ग्युसन कॉलेजमध्ये अकरावीला प्रवेश घेतला की पदवी घेऊनच बाहेर पडायचे, हे चित्र आता बदलले आहे. त्यामुळे दहावीच्या गुणवत्तेच्या आधारावर प्रवेश घेतलेल्या विद्यार्थ्यांना बारावीच्या परीक्षेतही आपली गुणवत्ता सिद्ध करावी लागणार आहे. कॉलेजला मिळालेल्या स्वायत्ततेमुळे ‘इन हाउस कोटा’ रद्द झाल्याने कॉलेजमधील ‘एफ-वाय’ प्रवेशासाठीची स्पर्धाही तीव्र झाली आहे.
फर्ग्युसन कॉलेजला गेल्या वर्षी विद्यापीठ अनुदान आयोगातर्फे पुढील सहा वर्षांसाठी शैक्षणिक स्वायत्तता देण्यात आली. त्यामुळे कॉलेजला स्वतःचे अभ्यासक्रम तयार करणे, स्वतंत्रपणे परीक्षा घेण्याबरोबरच अन्य बाबतीतही स्वायत्तता असणार आहे. या विद्यार्थ्यांना सावित्रीबाई फुले पुणे विद्यापीठाचीच पदवी मिळणार असली, तरी त्यामध्ये कॉलेजच्या स्वायत्ततेचा स्वतंत्र उल्लेख असणार आहे. स्वायत्ततेमुळे कॉलेजला मिळालेल्या अधिकारांनुसार कॉलेजने पदवीच्या पहिल्या वर्षाच्या प्रवेशासाठी स्वतंत्र प्रवेशप्रक्रिया राबविण्याचा निर्णय घेतला आहे. त्यानुसार प्रवेशासाठी स्वतंत्र प्रवेशप्रक्रिया राबवून गुणवत्ता यादी तयार करून त्याआधारेच प्रवेश देण्यात आले आहेत.
फर्ग्युसन कॉलेज नामवंत कॉलेज असल्याने अकरावीच्या प्रवेशासाठी येथील कट-ऑफ कायमच चढा राहिलेला आहे. येथील अकरावीचे प्रवेश ९०-९५ टक्क्यांना बंद होतात. त्यामुळे एकदा अकरावीला प्रवेश मिळाला की बारावी उत्तीर्ण झाल्यानंतर या विद्यार्थ्यांना त्याच कॉलेजमध्ये पदवीलाही प्रवेश मिळत होता. त्यासाठी त्यांना स्वतंत्र ‘इन हाउस कोटा’ उपलब्ध होत होता. त्यामुळे बारावीत कितीही गुण मिळाले, तरी त्यांना पदवीला प्रवेश मिळून पदवीचे शिक्षण फर्ग्युसन कॉलेजमधूनच पूर्ण करता येत होते. आता मात्र, कॉलेजला स्वायत्तता मिळाल्याने कोटा रद्द झाला आहे. परिणामी, विद्यार्थ्यांना पदवी प्रवेशासाठी स्वतंत्र प्रवेशप्रक्रियेतून जावे लागले आहे.
‘यूजीसीच्या धोरणानुसारच निर्णय’
‘विद्यापीठ अनुदान आयोगाने (यूजीसी) फर्ग्युसन कॉलेजला स्वायत्तता दिली आहे. तसेच, कॉलेज ऑफ एक्सलन्सचा दर्जाही देण्यात आला आहे. त्यातच कनिष्ठ महाविद्यालये आणि पदवीचे कॉलेज या दोन्ही स्वतंत्र बाबी आहेत. त्यामुळे हा निर्णय घेण्यात आला आहे. त्यामुळे बारावीनंतर विद्यार्थ्यांना पुन्हा स्वतंत्र प्रवेशप्रक्रियेतून गुणवत्तेच्याच आधारावर पदवी अभ्यासक्रमाला प्रवेश मिळेल,’ असे फर्ग्युसन कॉलेजचे प्राचार्य डॉ. रवींद्रसिंह परदेशी यांनी सांगितले.