भांडारकर हल्ला: 'ब्रिगेड'चे सर्व कार्यकर्ते निर्दोष

मटा ऑनलाइन वृत्त। मुंबई

२००४मधील भांडारकर प्राच्यविद्या संशोधन संस्थेतील तोडफोड प्रकरणी पुणे जिल्हा सत्र न्यायालयाने संभाजी ब्रिगेड आणि इतर संघटनांच्या ६८ जणांची आज निर्दोष मुक्तता केली आहे. या प्रकरणी एकूण ७२ जणांवर गुन्हा दाखल करणयात आला होता. त्यांपैकी ४ जणांचा मृत्यू झाला होता. म्हणजेच उर्वरित सर्वांची निर्दोष मुक्तता करण्यात आली आहे. सत्र न्यायालयाच्या न्यायाधीस श्रीमती एस. जे. घरत यांनी हा निकाल दिला आहे.

अमेरिकी लेखक जेम्स लेन याने शिवाजी: द हिंदू किंग इन इस्लामिक इंडिया या वादग्रस्त पुस्तकात छत्रपती शिवाजी महाराजांबद्दल आक्षेपार्ह आणि बदनामीकारक लिखाण करण्यात आले असा आरोप संभीजी ब्रिगेड या संघटनेने केला होता. जेम्स लेनला भांडारकर संस्थेमधील एकूण १२ जणांनी मदत केल्याचा दावाही संभाजी ब्रिगेडने केला होता.

१३ वर्षांपूर्वी ५ जानेवारी २००४ला बदनामीप्रकरणी संभाजी ब्रिगेडच्या १०० ते १५० कार्यकर्त्यांनी भांडारकर संस्थेची ची तोडफोड करण्यात आली होती. त्यानंतर या प्रकरणी एकूण ७२ जणांवर गुन्हा दाखल करण्यात आला होता. आरोपीतर्फे अॅडव्होकेट मिलिंद पवार यांनी काम पाहिले.