पुणे : 'सूर्यदत्त एज्युकेशन फाउंडेशन'च्या 'पुणे इन्स्टिट्यूट ऑफ अप्लाइड टेक्नॉलॉजी'तर्फे (पीआयएटी) नुकतेच 'ऑरा २०१९' या प्रदर्शनाचे आयोजन करण्यात आले होते. प्रदर्शनाचे हे सतरावे वर्ष होते. यंदा 'स्मार्टसिटी' ही या प्रदर्शनाची संकल्पना होती. प्रसिद्ध शिल्पकार अभिजित धोंडफळे यांच्या हस्ते प्रदर्शनाचे उद्घाटन झाले. समारोपाप्रसंगी महापालिकेचे सभागृह नेते धीरज घाटे, पालिकेचे सहायुक्त ज्ञानेश्वर मोळक, सचिन इटकर यांना डॉ. संजय चोरडिया यांच्या हस्ते 'एक्सलन्स' पुरस्काराने गौरविण्यात आले. संस्थेच्या उपाध्यक्ष डॉ. सुषमा चोरडिया, सिद्धांत चोरडिया, वास्तूरचनाकार महेश बांगड, प्रा. डॉ. पराग नारखेडे, महाविद्यालयाचे प्राचार्य अजित शिंदे आदी या वेळी उपस्थित होते. या प्रदर्शनात घर सजावटीसाठीच्या वस्तू, स्मार्ट सिटीतील जीवनशैली, पायाभूत सुविधा, अत्याधुनिक तंत्रज्ञान, प्लास्टिकमुक्त परिसर, सुंदर हरित शहर, ऊर्जेचे पर्याय, आपत्ती व्यवस्थापन, मेट्रो, फ्लाइंग कार असे प्रकल्प मांडण्यात आले होते. पल्लवी पुरंदरे, ऋतुजा माने, अनिकेत नाईकरे आणि अमित जगदाळे यांच्यासह दीपक कोळी यांनी विद्यार्थ्यांना मार्गदर्शन केले.
'ऑरा २०१९'लाउत्स्फूर्त प्रतिसाद
'सूर्यदत्त एज्युकेशन फाउंडेशन'च्या 'पुणे इन्स्टिट्यूट ऑफ अप्लाइड टेक्नॉलॉजी'तर्फे (पीआयएटी) नुकतेच 'ऑरा २०१९' या प्रदर्शनाचे आयोजन करण्यात आले होते...
महाराष्ट्र टाइम्स.कॉम 31 Dec 2019, 4:00 am