म. टा. प्रतिनिधी, पुणे
वाहतूक पोलिसांबरोबर हुज्जत घालून सरकारी कामात अडथळा आणल्याप्रकरणी भाजपचे नगरसेवक अमोल बालवडकर यांना कोर्टाने न्यायालयीन कोठडी सुनावली आहे. बालवडकर यांची रवानगी येरवडा जेलमध्ये करण्यात आली आहे. दरम्यान, बालवडकर यांच्यातर्फे जामीन मिळावा म्हणून कोर्टात अर्ज दाखल करण्यात आला असून त्यावर गुरुवारी सुनावणी होणार आहे. अतिरिक्त मुख्य न्यायदंडाधिकारी ए. एम. भंडरवार यांच्या कोर्टात त्यांना हजर करण्यात आले होते.
जंगली महाराज रस्त्यावर कार पार्किंगच्या कारणावरून बालवडकर यांनी पोलिसांबरोबर हुज्जत घातली होती. या प्रकरणी शिवाजीनगर पोलिस स्टेशन येथे वाहतूक शाखेचे पोलिस निरीक्षक शंकर डामसे यांनी फिर्याद दाखल केली आहे. या प्रकरणात नगरसेवक अमोल रतन बालवडकर (रा. बालेवाडी), त्यांचा कारचालक गणेश वसंत चौधरी या दोघांवर गुन्हा दाखल करण्यात आला आहे.
शिवाजीनगर पोलिसांनी याप्रकरणी बालवडकर यांना अटक करून कोर्टात हजर केले होते. त्यांच्याकडे अधिक तपास करण्यासाठी त्यांची पोलिस कोठडी देण्यात यावी, अशी मागणी कोर्टात करण्यात आली होती. त्यांना चौकशी करून कोर्टात हजर करण्यात आले होते. कोर्टाने त्यांना न्यायालयीन कोठडी सुनावली. त्यानंतर त्यांच्यातर्फे कोर्टात जामीन मिळावा म्हणून अर्ज दाखल करण्यात आला. त्यांच्या जामीन अर्जाला सरकारी वकील एस. सी. शिंदे यांनी विरोध केला. बालवडकर यांनी पदाचा गैरवापर करून पोलिसांवर दबाव आणून सरकारी कामात अडथळा आणला. त्यांनी फिर्यादी हे दारू प्यायले असल्याचा आरोप करून त्यांना ब्रेथ अॅनालायझरवर टेस्ट करायला भाग पाडले. फिर्यादीची वरिष्ठांकडे खोटी तक्रार केली. नगरसेवक असलेल्या व्यक्तीकडून असे कृत्य अपेक्षित नाही, असा युक्तिवाद शिंदे यांनी कोर्टात केला. त्यांच्या जामीन अर्जावरील पुढील सुनावणी गुरुवारी होणार आहे.
जंगली महाराज मंदिरासमोर पोलिस निरीक्षक शंकर डामसे हे त्यांच्या सहकाऱ्यासह नो पार्किंग आणि नो-हॉल्टींगबाबत विशेष कारवाई करत होते. त्या वेळी जंगली महाराज मंदिरासमोर ‘नो पार्किंग’मध्ये कार लावून बालवडकर यांचा चालक चौधरी हा मोबाइलवर गेम खेळत होता. त्या वेळी वाहतूक शाखेच्या पोलिसांनी त्याला कार काढण्यास सांगितली. परंतु, त्याने पोलिसांशी हुज्जत घालत गाडी काढण्यास नकार दिला. त्यामुळे पोलिसांनी गाडीला जॅमर लावला. पुढील कारवाईसाठी ते निघून गेले.
बालवडकर यांनी वाहतूक शाखेचे पोलिस निरीक्षक डामसे यांना फोन करून ‘तुम्ही गाडीवर कारवाई करू नका, कारवाई केली तर तुम्हाला बघून घेतो’ अशी दमबाजी करत सरकारी कामात अडथळा आणला. तसेच चालक चौधरीला नाव विचारले असता, त्याने प्रशांत शंकर मोटे असे खोटे नाव सांगून पोलिसांची दिशाभूल केली.
वाहतूक पोलिसांबरोबर हुज्जत घालून सरकारी कामात अडथळा आणल्याप्रकरणी भाजपचे नगरसेवक अमोल बालवडकर यांना कोर्टाने न्यायालयीन कोठडी सुनावली आहे. बालवडकर यांची रवानगी येरवडा जेलमध्ये करण्यात आली आहे. दरम्यान, बालवडकर यांच्यातर्फे जामीन मिळावा म्हणून कोर्टात अर्ज दाखल करण्यात आला असून त्यावर गुरुवारी सुनावणी होणार आहे. अतिरिक्त मुख्य न्यायदंडाधिकारी ए. एम. भंडरवार यांच्या कोर्टात त्यांना हजर करण्यात आले होते.
जंगली महाराज रस्त्यावर कार पार्किंगच्या कारणावरून बालवडकर यांनी पोलिसांबरोबर हुज्जत घातली होती. या प्रकरणी शिवाजीनगर पोलिस स्टेशन येथे वाहतूक शाखेचे पोलिस निरीक्षक शंकर डामसे यांनी फिर्याद दाखल केली आहे. या प्रकरणात नगरसेवक अमोल रतन बालवडकर (रा. बालेवाडी), त्यांचा कारचालक गणेश वसंत चौधरी या दोघांवर गुन्हा दाखल करण्यात आला आहे.
शिवाजीनगर पोलिसांनी याप्रकरणी बालवडकर यांना अटक करून कोर्टात हजर केले होते. त्यांच्याकडे अधिक तपास करण्यासाठी त्यांची पोलिस कोठडी देण्यात यावी, अशी मागणी कोर्टात करण्यात आली होती. त्यांना चौकशी करून कोर्टात हजर करण्यात आले होते. कोर्टाने त्यांना न्यायालयीन कोठडी सुनावली. त्यानंतर त्यांच्यातर्फे कोर्टात जामीन मिळावा म्हणून अर्ज दाखल करण्यात आला. त्यांच्या जामीन अर्जाला सरकारी वकील एस. सी. शिंदे यांनी विरोध केला. बालवडकर यांनी पदाचा गैरवापर करून पोलिसांवर दबाव आणून सरकारी कामात अडथळा आणला. त्यांनी फिर्यादी हे दारू प्यायले असल्याचा आरोप करून त्यांना ब्रेथ अॅनालायझरवर टेस्ट करायला भाग पाडले. फिर्यादीची वरिष्ठांकडे खोटी तक्रार केली. नगरसेवक असलेल्या व्यक्तीकडून असे कृत्य अपेक्षित नाही, असा युक्तिवाद शिंदे यांनी कोर्टात केला. त्यांच्या जामीन अर्जावरील पुढील सुनावणी गुरुवारी होणार आहे.
जंगली महाराज मंदिरासमोर पोलिस निरीक्षक शंकर डामसे हे त्यांच्या सहकाऱ्यासह नो पार्किंग आणि नो-हॉल्टींगबाबत विशेष कारवाई करत होते. त्या वेळी जंगली महाराज मंदिरासमोर ‘नो पार्किंग’मध्ये कार लावून बालवडकर यांचा चालक चौधरी हा मोबाइलवर गेम खेळत होता. त्या वेळी वाहतूक शाखेच्या पोलिसांनी त्याला कार काढण्यास सांगितली. परंतु, त्याने पोलिसांशी हुज्जत घालत गाडी काढण्यास नकार दिला. त्यामुळे पोलिसांनी गाडीला जॅमर लावला. पुढील कारवाईसाठी ते निघून गेले.
बालवडकर यांनी वाहतूक शाखेचे पोलिस निरीक्षक डामसे यांना फोन करून ‘तुम्ही गाडीवर कारवाई करू नका, कारवाई केली तर तुम्हाला बघून घेतो’ अशी दमबाजी करत सरकारी कामात अडथळा आणला. तसेच चालक चौधरीला नाव विचारले असता, त्याने प्रशांत शंकर मोटे असे खोटे नाव सांगून पोलिसांची दिशाभूल केली.