म. टा. प्रतिनिधी, पुणे
औंध येथील ब्रेमेन चौक ते परिहार चौक हा अर्ध्या किलोमीटर लांबीचा नव्याने तयार करण्यात आला रस्ता तसेच बाणेर येथे प्लेस मेकिंग प्रकल्पातर्गंत दोन ठिकाणांच्या विकासकामांचे उद्घाटन बुधवारी सकाळी करण्यात आले.
औंध येथील ब्रेमेन चौक ते परिहार चौक हा अर्ध्या किलोमीटर लांबीचा रस्ता नव्याने तयार करण्यात आला असून, त्याचे उद्घाटन पालकमंत्री गिरीश बापट यांच्या हस्ते बुधवारी सकाळी झाले. या प्रसंगी महापौर मुक्ता टिळक, उपमहापौर डॉ. सिद्धार्थ धेंडे, आमदार विजय काळे, मेधा कुलकर्णी, स्थायी समितीचे अध्यक्ष मुरलीधर मोहोळ, सभागृह नेते श्रीनाथ भिमाले, ‘स्मार्टसिटी’चे सीईओ राजेंद्र जगताप, नगरसेवक विजय शेवाळे, प्रकाश ढोरे, अमोल बालडवकर, अर्चना मुसळे, स्वप्नाली सायकर, ज्योती कळमकर, सुनिता वाडकर, बाबुराव चांदेरे, दत्ता गायकवाड, शहर अभियंता प्रशांत वाघमारे, राजेंद्र राऊत आदी उपस्थित होते.
बाणेर येथील स्पेस मेकिंग प्रकल्पांतर्गत दोन स्मार्ट स्थळांचेही उद्घाटनही या वेळी करण्यात आले. महापौर टिळक, आमदार कुलकर्णी यांची भाषणे झाली.
तीन हजार कोटींचे प्रकल्प राबविणार
स्मार्टसिटी अंतर्गत ५२ प्रकल्प राबविण्यात येणार असून, त्यासाठी दोन हजार ९५० कोटी रुपये खर्च करण्यात येणार आहेत. त्यातील जवळपास एक हजार कोटी रुपये महापालिका, केंद्र आणि राज्य सरकारकडून उपलब्ध होणार आहेत. इतर प्रकल्प हे ‘पीपीपी’ आणि ‘बीओटी’च्या धर्तीवर राबविण्यात येणार आहे. औंध, बाणेर-बालेवाडीच्या परिसरात साडेआठ किलोमीटरचे ‘स्मार्ट स्ट्रिट’ तयार करण्यात येणार असल्याचे जगताप यांनी प्रास्तविकात सांगितले. औंध, बाणेर-बालेवाडी करण्यात आलेला विकास शहराच्या विविध भागांत राबविण्यात येणार आहे, असेही त्यांनी सांगितले.
बापटांच्या कोपरखळ्या
व्यासपीठावर राष्ट्रवादी काँग्रेसचे नगरसेवक बाबुराव चांदेरे आणि माजी महापौर दत्ता गायकवाड उपस्थित होते. बापट यांनी भाषणात त्यांनाही कोपरखळ्या मारल्या. पालकमंत्री म्हणून सगळ्यांना बरोबर घेऊन काम करण्याची माझी पद्धत आहे. गायकवाड यांना उद्देशून, ‘तुम्ही निवडून आलात की नाही, याकडे लक्ष न देता आम्ही तुम्हाला व्यासपीठावर बसवतो आणि आमचा नगरसेवक खाली बसतो. विरोधकांना सन्मानाची वागणूक देण्याची आमची पद्धत आहे, असेही ते म्हणाले.
औंध येथील ब्रेमेन चौक ते परिहार चौक हा अर्ध्या किलोमीटर लांबीचा नव्याने तयार करण्यात आला रस्ता तसेच बाणेर येथे प्लेस मेकिंग प्रकल्पातर्गंत दोन ठिकाणांच्या विकासकामांचे उद्घाटन बुधवारी सकाळी करण्यात आले.
औंध येथील ब्रेमेन चौक ते परिहार चौक हा अर्ध्या किलोमीटर लांबीचा रस्ता नव्याने तयार करण्यात आला असून, त्याचे उद्घाटन पालकमंत्री गिरीश बापट यांच्या हस्ते बुधवारी सकाळी झाले. या प्रसंगी महापौर मुक्ता टिळक, उपमहापौर डॉ. सिद्धार्थ धेंडे, आमदार विजय काळे, मेधा कुलकर्णी, स्थायी समितीचे अध्यक्ष मुरलीधर मोहोळ, सभागृह नेते श्रीनाथ भिमाले, ‘स्मार्टसिटी’चे सीईओ राजेंद्र जगताप, नगरसेवक विजय शेवाळे, प्रकाश ढोरे, अमोल बालडवकर, अर्चना मुसळे, स्वप्नाली सायकर, ज्योती कळमकर, सुनिता वाडकर, बाबुराव चांदेरे, दत्ता गायकवाड, शहर अभियंता प्रशांत वाघमारे, राजेंद्र राऊत आदी उपस्थित होते.
बाणेर येथील स्पेस मेकिंग प्रकल्पांतर्गत दोन स्मार्ट स्थळांचेही उद्घाटनही या वेळी करण्यात आले. महापौर टिळक, आमदार कुलकर्णी यांची भाषणे झाली.
तीन हजार कोटींचे प्रकल्प राबविणार
स्मार्टसिटी अंतर्गत ५२ प्रकल्प राबविण्यात येणार असून, त्यासाठी दोन हजार ९५० कोटी रुपये खर्च करण्यात येणार आहेत. त्यातील जवळपास एक हजार कोटी रुपये महापालिका, केंद्र आणि राज्य सरकारकडून उपलब्ध होणार आहेत. इतर प्रकल्प हे ‘पीपीपी’ आणि ‘बीओटी’च्या धर्तीवर राबविण्यात येणार आहे. औंध, बाणेर-बालेवाडीच्या परिसरात साडेआठ किलोमीटरचे ‘स्मार्ट स्ट्रिट’ तयार करण्यात येणार असल्याचे जगताप यांनी प्रास्तविकात सांगितले. औंध, बाणेर-बालेवाडी करण्यात आलेला विकास शहराच्या विविध भागांत राबविण्यात येणार आहे, असेही त्यांनी सांगितले.
बापटांच्या कोपरखळ्या
व्यासपीठावर राष्ट्रवादी काँग्रेसचे नगरसेवक बाबुराव चांदेरे आणि माजी महापौर दत्ता गायकवाड उपस्थित होते. बापट यांनी भाषणात त्यांनाही कोपरखळ्या मारल्या. पालकमंत्री म्हणून सगळ्यांना बरोबर घेऊन काम करण्याची माझी पद्धत आहे. गायकवाड यांना उद्देशून, ‘तुम्ही निवडून आलात की नाही, याकडे लक्ष न देता आम्ही तुम्हाला व्यासपीठावर बसवतो आणि आमचा नगरसेवक खाली बसतो. विरोधकांना सन्मानाची वागणूक देण्याची आमची पद्धत आहे, असेही ते म्हणाले.