कँटोन्मेंटमध्ये रस्त्यासाठी जागेच्या बदल्यात मागणी
म. टा. प्रतिनिधी, पुणे
मुंबई-पुणे रस्त्याच्या रुंदीकरणासाठी खडकी कँटोन्मेंट बोर्डाच्या हद्दीतील अडीच किलोमीटर रस्त्यासाठी लागणाऱ्या जमिनीपोटी २०० कोटी रुपयांचे उड्डाणपूल, ग्रेड सेपरेटर आणि भुयारी मार्ग तयार करून द्यावेत, अशी अट लष्कराने घातली आहे. लष्कराच्या या ‘डावपेचा’मुळे महापालिका अडचणीत आली असून ७० कोटी रुपयांच्या कामासाठी २०० कोटी रुपयांचा अतिरिक्त खर्च कसा करायचा, असा पेच महापालिकेसमोर निर्माण झाला आहे.
पुणे महापालिकेने जुन्या पुणे-मुंबई रस्त्याच्या रुंदीकरणाचा निर्णय घेतला असून त्यासाठी ७० कोटी रुपयांची तरतूद केली आहे. यातील जवळपास अडीच किलोमीटर रस्त्याची जागा ही खडकी कँटोन्मेंटच्या हद्दीत येत असून ही जागा संपादीत करण्यासाठी महापालिकेने प्रयत्न सुरू केले आहेत. पुणे महापालिकेने त्या संदर्भात लष्कराच्या बॉम्बे इंजिनीअरिंग ग्रुपशी (बीईजी) पत्रव्यवहार केला होता. त्यावर लष्कराने पाठविलेल्या पत्रात विकास कामे करण्याची अट घालण्यात आली आहे.
महानगरपालिकेने एलफिंस्टन्स चौकात उड्डाणपुल अथवा ग्रेडसेपरेटर बांधून द्यावा, तसेच खडकी पोलिस स्टेशनसमोरील ऑल सेंट चर्च चौकात भुयारी मार्ग, खडकी पोलिस ठाणे येथे रेल्वे पूल ओलांडून जाणारा रेल्वेलाइनखाली नवीन बोगदा तयार करून द्यावा, अशी मागणी केली आहे. त्यामुळे महापालिकेसमोर अडचणी उभ्या राहिल्या आहेत.
जुन्या पुणे-मुंबई राष्ट्रीय महामार्गावर पुणे महापालिकेच्या हद्दीत रस्ता रुंदीकरणाची आवश्यकता आहे. पिंपरी-चिंचवड महानगरपालिकेच्या हद्दीत खडकी पुलापर्यंत रुंदीकरण झाले असून वाहनांसाठी प्रशस्त रस्ता तयार करण्यात आला आहे. मात्र, केवळ पूल ओलांडून पुणे महापालिकेच्याहद्दीत प्रवेश करताच अरुंद रस्त्याला सामोरे जावे लागते. या पार्श्वभूमीवर या रस्त्याच्या रुंदीकरणाचा निर्णय घेण्यात आला आहे.
जुन्या पुणे-मुंबई रस्त्याच्या रुंदीकरणाचे काम पुणे महापालिकेने हाती घेतले आहे. पुणे महापालिकेच्या हद्दीतील हॅरिस पूल ते वाकडेवाडीपर्यंतच्या रस्त्याचे रुंदीकरण करण्यात येणार आहे. बोपोडी येथील एलफिंस्टन्स चौकातील काही घरे या रुंदीकरणामध्ये येत असल्याने या रस्त्याचे काम रखडले आहे. महापालिकेकडून येथील जागा संपादीत करण्यासाठी प्रयत्न सुरू आहेत. मात्र, याच दरम्यान लष्कराने पुढील जागा ताब्यात देताना विकास कामांची अट घातली आहे.
म. टा. प्रतिनिधी, पुणे
मुंबई-पुणे रस्त्याच्या रुंदीकरणासाठी खडकी कँटोन्मेंट बोर्डाच्या हद्दीतील अडीच किलोमीटर रस्त्यासाठी लागणाऱ्या जमिनीपोटी २०० कोटी रुपयांचे उड्डाणपूल, ग्रेड सेपरेटर आणि भुयारी मार्ग तयार करून द्यावेत, अशी अट लष्कराने घातली आहे. लष्कराच्या या ‘डावपेचा’मुळे महापालिका अडचणीत आली असून ७० कोटी रुपयांच्या कामासाठी २०० कोटी रुपयांचा अतिरिक्त खर्च कसा करायचा, असा पेच महापालिकेसमोर निर्माण झाला आहे.
पुणे महापालिकेने जुन्या पुणे-मुंबई रस्त्याच्या रुंदीकरणाचा निर्णय घेतला असून त्यासाठी ७० कोटी रुपयांची तरतूद केली आहे. यातील जवळपास अडीच किलोमीटर रस्त्याची जागा ही खडकी कँटोन्मेंटच्या हद्दीत येत असून ही जागा संपादीत करण्यासाठी महापालिकेने प्रयत्न सुरू केले आहेत. पुणे महापालिकेने त्या संदर्भात लष्कराच्या बॉम्बे इंजिनीअरिंग ग्रुपशी (बीईजी) पत्रव्यवहार केला होता. त्यावर लष्कराने पाठविलेल्या पत्रात विकास कामे करण्याची अट घालण्यात आली आहे.
महानगरपालिकेने एलफिंस्टन्स चौकात उड्डाणपुल अथवा ग्रेडसेपरेटर बांधून द्यावा, तसेच खडकी पोलिस स्टेशनसमोरील ऑल सेंट चर्च चौकात भुयारी मार्ग, खडकी पोलिस ठाणे येथे रेल्वे पूल ओलांडून जाणारा रेल्वेलाइनखाली नवीन बोगदा तयार करून द्यावा, अशी मागणी केली आहे. त्यामुळे महापालिकेसमोर अडचणी उभ्या राहिल्या आहेत.
जुन्या पुणे-मुंबई राष्ट्रीय महामार्गावर पुणे महापालिकेच्या हद्दीत रस्ता रुंदीकरणाची आवश्यकता आहे. पिंपरी-चिंचवड महानगरपालिकेच्या हद्दीत खडकी पुलापर्यंत रुंदीकरण झाले असून वाहनांसाठी प्रशस्त रस्ता तयार करण्यात आला आहे. मात्र, केवळ पूल ओलांडून पुणे महापालिकेच्याहद्दीत प्रवेश करताच अरुंद रस्त्याला सामोरे जावे लागते. या पार्श्वभूमीवर या रस्त्याच्या रुंदीकरणाचा निर्णय घेण्यात आला आहे.
जुन्या पुणे-मुंबई रस्त्याच्या रुंदीकरणाचे काम पुणे महापालिकेने हाती घेतले आहे. पुणे महापालिकेच्या हद्दीतील हॅरिस पूल ते वाकडेवाडीपर्यंतच्या रस्त्याचे रुंदीकरण करण्यात येणार आहे. बोपोडी येथील एलफिंस्टन्स चौकातील काही घरे या रुंदीकरणामध्ये येत असल्याने या रस्त्याचे काम रखडले आहे. महापालिकेकडून येथील जागा संपादीत करण्यासाठी प्रयत्न सुरू आहेत. मात्र, याच दरम्यान लष्कराने पुढील जागा ताब्यात देताना विकास कामांची अट घातली आहे.