- गुन्हे शाखा युनिट चारची कारवाई
म. टा. प्रतिनिधी, पुणे
विमानाने येऊन मोठ्या शहरांमधील मॉलमध्ये शिरून ब्रँडेड घड्याळ, कपडे व इतर वस्तू चोरणाऱ्या आंतरराज्य टोळीतील तिघांना दिल्ली येथून गुन्हे शाखेच्या युनिट चारने अटक केली आहे. या टोळीनेच सेनापती बापट रस्त्यावरील पॅव्हेलियन मॉलमधील महागडी घड्याळे चोरल्याचे समोर आले आहे. तसेच, त्यांनी इतर दोन ठिकाणी चोरीचा प्रयत्न केल्याचे आढळून आले आहे.
आशिष कुशल बिस्त (वय ३०), आकाश बालकिशन ढाका (२६) आणि रवींदरसिंग अमरजित सिंग (३२, सर्वजण रा. नवी दिल्ली) अशी अटक केलेल्यांची नावे आहेत. या टोळीतील दहा ते बारा जण फरार असून, या टोळीने मुंबई, दिल्लीसह अनेक मोठ्या शहरात चोऱ्या केल्या आहेत. चोरटे चोरी करणाऱ्या शहरात विमानाने जात. तेथे गेल्यावर एखाद्या लॉजवर राहत. त्यानंतर त्या शहरातील मोठ्या मॉलमध्ये जाऊन ब्रँडेड वस्तू चोरून पसार होत. सर्व आरोपी सुशिक्षित असून त्यांचे राहणीमान उच्च असल्यामुळे ते चोर असल्याचे वाटत नव्हते, अशी माहिती गुन्हे शाखेचे अतिरिक्त आयुक्त अशोक मोराळे यांनी दिली.
पुण्यातील सेनापती बापट रस्त्यावर असलेल्या मॉलमधून रॅडो कंपनीची महागडी पाच लाखांची घड्याळे चोरून नेली होती. या प्रकरणी चतुःश्रृंगी पोलिस ठाण्यात गुन्हा दाखल होता. या गुन्ह्याचा युनिट चारकडून समांतर तपास सुरू होता. पोलिसांनी दुकानातील सीसीटीव्ही फुटेज तपासले असता त्यामध्ये दोन व्यक्ती चोरी करीत असल्याचे आढळून आले. या गुन्ह्याच्या तपासासाठी वरिष्ठ निरीक्षक अंजुम बागवान यांनी दोन टीम तयार केल्या. तपास करीत असताना चोरटे टॅक्सीने आले असल्याचे दिसले. त्या टॅक्सीचा माग काढल्यानंतर आरोपी मंगळवार पेठेतील एका लॉजवर राहिल्याचे समजले. पोलिस नाईक सचिन ढवळे यांना माहिती मिळाली, की चोरी करणारे आरोपी हे दिल्ली येथील आहेत. त्यानुसार उपनिरीक्षक नीलेशकुमार महाडीक यांच्या पथक आरोपीला पकडण्यासाठी दिल्लीला गेले. लोधीबाग परिसरातून तिघांना अटक केली. या कारवाईत अशोक शेलार, शंकर पाटील, राजू मचे, शंकर संपते, गणेश काळे यांनी सहभाग घेतला.
चोरट्यांचा हँडसम नावाचा ग्रुप
ब्रँडेड वस्तू चोरणाऱ्या आरोपींचे राहणीमान चांगले होते. चांगले कपडे घालून, ब्रँडेड वस्तू अंगावर असल्यामुळे दुकानातील सेल्समन यांना देखील त्यांच्यावर संशय येत नव्हता. अशा चोऱ्या करणाऱ्या दिल्लीतील आरोपींचा हँडसम नावाचा ग्रुप आहे. आरोपी चोरलेल्या ब्रँडेड वस्तू स्वतः वापरत असत. तर, काही वस्तूंची विक्री करीत असल्याचे आढळून आले आहे. मुंबईत मॉलमध्ये ब्रँडेड टी-शर्ट चोरताना त्यांना रंगेहाथ पकडले होते; परंतु त्यांना नंतर जामीन मिळाला होता.
म. टा. प्रतिनिधी, पुणे
विमानाने येऊन मोठ्या शहरांमधील मॉलमध्ये शिरून ब्रँडेड घड्याळ, कपडे व इतर वस्तू चोरणाऱ्या आंतरराज्य टोळीतील तिघांना दिल्ली येथून गुन्हे शाखेच्या युनिट चारने अटक केली आहे. या टोळीनेच सेनापती बापट रस्त्यावरील पॅव्हेलियन मॉलमधील महागडी घड्याळे चोरल्याचे समोर आले आहे. तसेच, त्यांनी इतर दोन ठिकाणी चोरीचा प्रयत्न केल्याचे आढळून आले आहे.
आशिष कुशल बिस्त (वय ३०), आकाश बालकिशन ढाका (२६) आणि रवींदरसिंग अमरजित सिंग (३२, सर्वजण रा. नवी दिल्ली) अशी अटक केलेल्यांची नावे आहेत. या टोळीतील दहा ते बारा जण फरार असून, या टोळीने मुंबई, दिल्लीसह अनेक मोठ्या शहरात चोऱ्या केल्या आहेत. चोरटे चोरी करणाऱ्या शहरात विमानाने जात. तेथे गेल्यावर एखाद्या लॉजवर राहत. त्यानंतर त्या शहरातील मोठ्या मॉलमध्ये जाऊन ब्रँडेड वस्तू चोरून पसार होत. सर्व आरोपी सुशिक्षित असून त्यांचे राहणीमान उच्च असल्यामुळे ते चोर असल्याचे वाटत नव्हते, अशी माहिती गुन्हे शाखेचे अतिरिक्त आयुक्त अशोक मोराळे यांनी दिली.
पुण्यातील सेनापती बापट रस्त्यावर असलेल्या मॉलमधून रॅडो कंपनीची महागडी पाच लाखांची घड्याळे चोरून नेली होती. या प्रकरणी चतुःश्रृंगी पोलिस ठाण्यात गुन्हा दाखल होता. या गुन्ह्याचा युनिट चारकडून समांतर तपास सुरू होता. पोलिसांनी दुकानातील सीसीटीव्ही फुटेज तपासले असता त्यामध्ये दोन व्यक्ती चोरी करीत असल्याचे आढळून आले. या गुन्ह्याच्या तपासासाठी वरिष्ठ निरीक्षक अंजुम बागवान यांनी दोन टीम तयार केल्या. तपास करीत असताना चोरटे टॅक्सीने आले असल्याचे दिसले. त्या टॅक्सीचा माग काढल्यानंतर आरोपी मंगळवार पेठेतील एका लॉजवर राहिल्याचे समजले. पोलिस नाईक सचिन ढवळे यांना माहिती मिळाली, की चोरी करणारे आरोपी हे दिल्ली येथील आहेत. त्यानुसार उपनिरीक्षक नीलेशकुमार महाडीक यांच्या पथक आरोपीला पकडण्यासाठी दिल्लीला गेले. लोधीबाग परिसरातून तिघांना अटक केली. या कारवाईत अशोक शेलार, शंकर पाटील, राजू मचे, शंकर संपते, गणेश काळे यांनी सहभाग घेतला.
चोरट्यांचा हँडसम नावाचा ग्रुप
ब्रँडेड वस्तू चोरणाऱ्या आरोपींचे राहणीमान चांगले होते. चांगले कपडे घालून, ब्रँडेड वस्तू अंगावर असल्यामुळे दुकानातील सेल्समन यांना देखील त्यांच्यावर संशय येत नव्हता. अशा चोऱ्या करणाऱ्या दिल्लीतील आरोपींचा हँडसम नावाचा ग्रुप आहे. आरोपी चोरलेल्या ब्रँडेड वस्तू स्वतः वापरत असत. तर, काही वस्तूंची विक्री करीत असल्याचे आढळून आले आहे. मुंबईत मॉलमध्ये ब्रँडेड टी-शर्ट चोरताना त्यांना रंगेहाथ पकडले होते; परंतु त्यांना नंतर जामीन मिळाला होता.