२३ फेब्रुवारी
रविवार
अश्विनी भिडे यांची मैफल
ऋत्विक फाउंडेशनतर्फे विदुषी अश्विनी भिडे-देशपांडे यांच्या गायन मैफलीचे आयोजन करण्यात आले आहे. 'स्वरानुभूती' या कार्यक्रमात सकाळचे विविध राग ऐकता येतील; तसेच जयपूर-अत्रौली घराण्याच्या गायकीचे वैशिष्ट्य समजून घेता येईल. भरत कामत तबल्याची आणि सुयोग कुंडलकर हार्मोनियमची साथ करणार आहेत.
ऋत्विक फाउंडेशन, वेदभवनच्या मागे, कोथरूड : स. ९
संगीत सभेचे आयोजन
गायक अनिलकुमार हंप्रस यांच्या एकसष्ठीनिमित्त स्वरांजली संस्थेतर्फे संगीत सभेचे आयोजन करण्यात आले आहे. सानिका आणि रसिका कुलकर्णी (सोलापूर) यांचे सहगायन; तसेच पं. अतुलकुमार उपाध्ये यांचे व्हायोलिन वादन होणार आहे. हंप्रस यांचा सत्कार करण्यात येणार आहे. गायक पं. मोहन दरेकर यांनी हा कार्यक्रम आयोजित केला आहे.
प्रभू ज्ञान मंदिर, नवी पेठ : सायं. ५
मुकेश यांच्या गाण्यांची मैफल
के सेरा सेरा मल्टिइव्हेंट्सतर्फे मुकेश यांच्या सदाबहार गाण्यांची मैफल आयोजित करण्यात आली आहे. मुकेश ललगुणकर, अर्चना सुतार, सुप्रिया ठाकूर, हर्षदा ताम्हाणे, पपीशकुमार ललगुणकर, गफार मोमीन, अयान मोमीन व क्रांती शहा यांचा सहभाग असेल.
निवारा सभागृह, नवी पेठ : सायं. ५
शेफाली अल्वारेसची कॉन्सर्ट
'सुबाह होने ना दे', 'ओ गुजरिया', 'पार्टी ऑन युअर माइंड' यांसारखी गाणी गायलेली पार्श्वगायिका शेफाली अल्वारेसची कॉन्सर्ट ऐकण्याची संधी मिळणार आहे. शेफालीने बॉलिवूडमध्ये अनेक लोकप्रिय गाणी गायली आहेत.
प्रीमियम शॉपिंग डेस्टिनेशन, एल्प्रो सिटी स्क्वेअर मॉल, पिंपरी-चिंचवड : सायं. ७
'आम्ही दुनियेचे राजे'चे आयोजन
वाइड विंग्ज मीडिया आणि डीव्हर्ब एक्स्प्रेशन्स यांच्या वतीने 'आम्ही दुनियेचे राजे' हा कार्यक्रम आयोजित करण्यात आला आहे. मराठी चित्रपट संगीताची पहिली पाच दशके या कार्यक्रमातून अनुभवता येतील. कार्यक्रमाचे संगीत दिग्दर्शन देवेंद्र भोमे यांनी केले आहे. अभिजित खांडकेकर, गौतमी देशपांडे, केतन पवार, जयदीप वैद्य, आशुतोष मुंगळे, श्रुती आठवले, मुक्ता जोशी यांचा सहभाग असेल.
यशवंतराव चव्हाण नाट्यगृह : रा. ९.३०