पुणे: पोलिसांना माहिती देतो म्हणून एका सामाजिक कार्यकर्त्यावर कोथरूडच्या सुतारदरा परिसरात धारदार शस्त्राने हल्ला केल्याची घटना शनिवारी दुपारी घडली. याप्रकरणी कोथरूड पोलिस ठाण्यात गुन्हा दाखल करण्यात आला असून एका आरोपीला अटक करण्यात आली आहे.
संदीप वामनराव कुंबरे (वय ४३, रा, कोथरूड) असे जखमी झालेल्या व्यक्तीचे नाव असून याप्रकरणी राहूल रामदास सणस (रा. सुतारदरा) याला अटक करण्यात आली आहे. कुंबरे हे सामाजिक कार्यकर्ते म्हणून काम करतात. शनिवारी दुपारी सुतारदरा येथील समर्थ मेडीकलजवळून दुचाकीवरून घरी जात होते. त्यावेळी आरोपींनी त्यांना शिवीगाळ करून तुला माज आला आहे. तू आमच्या खबरी पोलिसांना देतो, आज तुला खल्लास करतो, असे म्हणून त्यांच्यावर कोयत्याने वार केले. यामध्ये कुंबरे यांच्या हाताला व डोक्याला गंभीर दुखापत झाली. त्यामुळे त्यांना तत्काळ खासगी रुग्णालयात दाखल केले. तसेच, घटनेची माहिती मिळताच कोथरूड पोलिसांनी घटनास्थळी धाव घेतली. कुंबरे पोलिसांना आरोपींची माहिती देत असल्याच्या संशयावरून आरोपींनी हल्ला केल्यामुळे परिसरात चांगलीच दहशत निर्माण झाली होती. कोथरूड पोलिस ठाण्याच्या वरिष्ठ निरीक्षक प्रतिभा जोशी यांनी तत्काळ हल्ला करणाऱ्या आरोपीला अटक केली आहे. हल्ल्यामागे आणखी काही कारण आहे का याचा तपास केला जात आहे.
'कंटेनमेंट झोन'नंतर आता 'सीलबंद इमारती'; BMCची नवी वर्गवारी
संदीप वामनराव कुंबरे (वय ४३, रा, कोथरूड) असे जखमी झालेल्या व्यक्तीचे नाव असून याप्रकरणी राहूल रामदास सणस (रा. सुतारदरा) याला अटक करण्यात आली आहे. कुंबरे हे सामाजिक कार्यकर्ते म्हणून काम करतात. शनिवारी दुपारी सुतारदरा येथील समर्थ मेडीकलजवळून दुचाकीवरून घरी जात होते. त्यावेळी आरोपींनी त्यांना शिवीगाळ करून तुला माज आला आहे. तू आमच्या खबरी पोलिसांना देतो, आज तुला खल्लास करतो, असे म्हणून त्यांच्यावर कोयत्याने वार केले. यामध्ये कुंबरे यांच्या हाताला व डोक्याला गंभीर दुखापत झाली. त्यामुळे त्यांना तत्काळ खासगी रुग्णालयात दाखल केले. तसेच, घटनेची माहिती मिळताच कोथरूड पोलिसांनी घटनास्थळी धाव घेतली. कुंबरे पोलिसांना आरोपींची माहिती देत असल्याच्या संशयावरून आरोपींनी हल्ला केल्यामुळे परिसरात चांगलीच दहशत निर्माण झाली होती. कोथरूड पोलिस ठाण्याच्या वरिष्ठ निरीक्षक प्रतिभा जोशी यांनी तत्काळ हल्ला करणाऱ्या आरोपीला अटक केली आहे. हल्ल्यामागे आणखी काही कारण आहे का याचा तपास केला जात आहे.
'कंटेनमेंट झोन'नंतर आता 'सीलबंद इमारती'; BMCची नवी वर्गवारी