म. टा. प्रतिनिधी, पुणे
उद्योजिका देवयानी हजारे यांना दिवा पेजेंट्स कार्यक्रमात 'मिसेस महाराष्ट्र-इम्प्रेस ऑफ महाराष्ट्र' हा किताब मिळाला. पन्नास स्पर्धकांमधून देवयानी यांची निवड झाली. 'मिसेस महाराष्ट्र ब्युटी विथ ए परपज' हा किताबही त्यांना मिळाला. 'मी घरीच तयारी केली. तज्ज्ञांसोबत चर्चा, वाचन, निरीक्षण यामुळे कौशल्यांमध्ये अधिक भर पडली. संतुलित आहार, नियमित व्यायाम यामुळे आरोग्य चांगले झाले,' असे हजारे यांनी सांगितले. वर्षा उसगावकर, झोया अफ्रोज, डॉ. विरल देसाई, डॉ. सुहानी मेंडोन्सा, रचना गुप्ता, कमल शर्मा, कार्ल मस्करेन्हास यांनी परीक्षक म्हणून काम पाहिले. अभिनेते गुलशन ग्रोव्हर या वेळी उपस्थित होते.