तेंडुलकर-दुबे स्मृती पुरस्काराचे आज वितरण
म. टा. प्रतिनिधी, पुणे
समाजात आजूबाजूला घडणाऱ्या घटनांचे चित्र समाजाला नाटकांमधून दाखवण्याचा मानस असून, त्याद्वारे जनजागृती करण्यावर भर देणार आहे. प्रायोगिक नाटकांच्या चळवळीला अधिक उभारी द्यायची आहे, तसेच ग्रामीण भागात रंगभूमीचा प्रसार करण्यावर भर देणार असल्याचा निर्धार फॉयजा जलाली, भारवी, आशिष पाठोडे, अजित सिंग पालावत आणि शीना खालिद यांनी व्यक्त केला आहे. या तरुण कलाकारांना आज (२६ फेब्रुवारी) तेंडुलकर- दुबे स्मृती पुरस्काराने (विनोद दोशी फेलोशिप) सन्मानित करण्यात येणार आहे.
रंगभूमीच्या प्रसारासाठीचे कार्य लक्षात घेऊन त्यांना एक लाख रुपयांचा पुरस्कार देऊन गौरविले जाणार आहे. देशात घडणाऱ्या घटनांविषयी समाजामध्ये जनजागृती करण्याचा या कलाकारांचा प्रयत्न आहे. त्याविषयी ‘मटा’ने त्यांची भावना जाणून घेतली. ‘तेंडुलकर –दुबे पुरस्कारासारखा प्रतिष्ठेचा पुरस्कार मला कधी प्राप्त होईल, असा विचारही केला नव्हता. तो जाहीर झाल्यानंतर आपण अनेक दिवसांपासून करत असलेल्या कामाची कोणीतरी दखल घेत आहे, याची खात्री झाली. या पुरस्कारामुळे आणखी हुरूप आला असून, देशातील प्रायोगिक नाटकांची चळवळ वाढवायची आहे. त्यासाठी समाजमनाचा वेध घेण्यासाठी उत्सुक असल्याचे,’ अभिनेत्री आणि दिग्दर्शिका फॉयजा जलाली हीने सांगितले. अभिनेता आशिष पाठोडे म्हणाला की, ‘रंगभूमीची अवस्था सुधारण्यावर माझा अधिक भर असणार आहे. एकपात्री प्रयोगांची सध्या संख्या घटत चालली आहे. त्यासाठी अधिकाधिक एकपात्री प्रयोग करून या नाट्यप्रकाराला पुन्हा एकदा मानाचे स्थान मिळवून देण्याचा माझा प्रयत्न असेल. ग्रामीण भागामध्ये नाट्यचळवळ वाढावी, यासाठी अधिकाधिक प्रयोग ग्रामीण भागात करण्यावर भर राहील.’
‘गेल्या १६ वर्षांपासून रंगभूमीची सेवा करीत आहे. भारतात ज्या ज्या ठिकाणी नाटकांचे महोत्सव आयोजित केले जातात, त्या ठिकाणी नाटके पाहण्याचा आणि सादर करण्यावर माझा भर असतो. देशातील इतर प्रदेशांमध्ये रंगभूमीचा विकास कशापद्धतीने होत आहे, या उत्सुकतेपोटीच मी देशभर फिरत राहतो. भारतीय प्रायोगिक रंगभूमी विकसीत करण्यावर माझा भर असणार आहे,’ असे बेंगळुरू येथील कलाकार भारवी याने सांगितले. तेंडुलकर-दुबे पुरस्कारासारखे सन्मान मिळतात, तेव्हा जबाबदारी वाढते आणि आणखी झोकून काम करण्याची ऊर्जा मिळते, प्रायोगिक नाटकाचा विकास होणे गरजेचे असून, त्यासाठी नाट्यसंस्थांनी पुढाकार घेणे आवश्यक आहे. सध्या अभिषेक मजुमदार, मोहित टाकळकर या प्रायोगिक चळवळींमध्ये काम करणाऱ्या कलाकारांबरोबर काम करणार आहे, असे अजितसिंग पालावत यांनी सांगितले. ‘
ज्येष्ठ समीक्षक आणि नाट्य अभ्यासक श्रीमती पुष्पा भावे यांच्या हस्ते आज, रविवारी (२६ फेब्रुवारी) या पुरस्कारांचे वितरण करण्यात येणार आहे.
अनेक दिवसांपासून करत असलेल्या कामाची कोणीतरी दखल घेत आहे, याची खात्री झाली. या पुरस्कारामुळे आणखी हुरूप आला असून, देशातील प्रायोगिक नाटकांची चळवळ वाढवायची आहे. त्यासाठी समाजमनाचा वेध घेण्यासाठी उत्सुक आहे.
फॉयजा जलाली, दिग्दर्शिका आणि अभिनेत्री
रंगभूमीची अवस्था सुधारण्यावर माझा अधिक भर असणार आहे. एकपात्री प्रयोगांची सध्या संख्या घटत चालली आहे. त्यासाठी अधिकाधिक एकपात्री प्रयोग करून या नाट्यप्रकाराला पुन्हा एकदा मानाचे स्थान मिळवून देण्याचा माझा प्रयत्न असेल.
आशिष पाठोडे, एकपात्री कलाकार
म. टा. प्रतिनिधी, पुणे
समाजात आजूबाजूला घडणाऱ्या घटनांचे चित्र समाजाला नाटकांमधून दाखवण्याचा मानस असून, त्याद्वारे जनजागृती करण्यावर भर देणार आहे. प्रायोगिक नाटकांच्या चळवळीला अधिक उभारी द्यायची आहे, तसेच ग्रामीण भागात रंगभूमीचा प्रसार करण्यावर भर देणार असल्याचा निर्धार फॉयजा जलाली, भारवी, आशिष पाठोडे, अजित सिंग पालावत आणि शीना खालिद यांनी व्यक्त केला आहे. या तरुण कलाकारांना आज (२६ फेब्रुवारी) तेंडुलकर- दुबे स्मृती पुरस्काराने (विनोद दोशी फेलोशिप) सन्मानित करण्यात येणार आहे.
रंगभूमीच्या प्रसारासाठीचे कार्य लक्षात घेऊन त्यांना एक लाख रुपयांचा पुरस्कार देऊन गौरविले जाणार आहे. देशात घडणाऱ्या घटनांविषयी समाजामध्ये जनजागृती करण्याचा या कलाकारांचा प्रयत्न आहे. त्याविषयी ‘मटा’ने त्यांची भावना जाणून घेतली. ‘तेंडुलकर –दुबे पुरस्कारासारखा प्रतिष्ठेचा पुरस्कार मला कधी प्राप्त होईल, असा विचारही केला नव्हता. तो जाहीर झाल्यानंतर आपण अनेक दिवसांपासून करत असलेल्या कामाची कोणीतरी दखल घेत आहे, याची खात्री झाली. या पुरस्कारामुळे आणखी हुरूप आला असून, देशातील प्रायोगिक नाटकांची चळवळ वाढवायची आहे. त्यासाठी समाजमनाचा वेध घेण्यासाठी उत्सुक असल्याचे,’ अभिनेत्री आणि दिग्दर्शिका फॉयजा जलाली हीने सांगितले. अभिनेता आशिष पाठोडे म्हणाला की, ‘रंगभूमीची अवस्था सुधारण्यावर माझा अधिक भर असणार आहे. एकपात्री प्रयोगांची सध्या संख्या घटत चालली आहे. त्यासाठी अधिकाधिक एकपात्री प्रयोग करून या नाट्यप्रकाराला पुन्हा एकदा मानाचे स्थान मिळवून देण्याचा माझा प्रयत्न असेल. ग्रामीण भागामध्ये नाट्यचळवळ वाढावी, यासाठी अधिकाधिक प्रयोग ग्रामीण भागात करण्यावर भर राहील.’
‘गेल्या १६ वर्षांपासून रंगभूमीची सेवा करीत आहे. भारतात ज्या ज्या ठिकाणी नाटकांचे महोत्सव आयोजित केले जातात, त्या ठिकाणी नाटके पाहण्याचा आणि सादर करण्यावर माझा भर असतो. देशातील इतर प्रदेशांमध्ये रंगभूमीचा विकास कशापद्धतीने होत आहे, या उत्सुकतेपोटीच मी देशभर फिरत राहतो. भारतीय प्रायोगिक रंगभूमी विकसीत करण्यावर माझा भर असणार आहे,’ असे बेंगळुरू येथील कलाकार भारवी याने सांगितले. तेंडुलकर-दुबे पुरस्कारासारखे सन्मान मिळतात, तेव्हा जबाबदारी वाढते आणि आणखी झोकून काम करण्याची ऊर्जा मिळते, प्रायोगिक नाटकाचा विकास होणे गरजेचे असून, त्यासाठी नाट्यसंस्थांनी पुढाकार घेणे आवश्यक आहे. सध्या अभिषेक मजुमदार, मोहित टाकळकर या प्रायोगिक चळवळींमध्ये काम करणाऱ्या कलाकारांबरोबर काम करणार आहे, असे अजितसिंग पालावत यांनी सांगितले. ‘
ज्येष्ठ समीक्षक आणि नाट्य अभ्यासक श्रीमती पुष्पा भावे यांच्या हस्ते आज, रविवारी (२६ फेब्रुवारी) या पुरस्कारांचे वितरण करण्यात येणार आहे.
अनेक दिवसांपासून करत असलेल्या कामाची कोणीतरी दखल घेत आहे, याची खात्री झाली. या पुरस्कारामुळे आणखी हुरूप आला असून, देशातील प्रायोगिक नाटकांची चळवळ वाढवायची आहे. त्यासाठी समाजमनाचा वेध घेण्यासाठी उत्सुक आहे.
फॉयजा जलाली, दिग्दर्शिका आणि अभिनेत्री
रंगभूमीची अवस्था सुधारण्यावर माझा अधिक भर असणार आहे. एकपात्री प्रयोगांची सध्या संख्या घटत चालली आहे. त्यासाठी अधिकाधिक एकपात्री प्रयोग करून या नाट्यप्रकाराला पुन्हा एकदा मानाचे स्थान मिळवून देण्याचा माझा प्रयत्न असेल.
आशिष पाठोडे, एकपात्री कलाकार