पुणे : नाट्य परिषदेतर्फे घेण्यात येणाऱ्या बालनाट्य संमेलनासाठी अध्यक्ष शोधण्याची वेळ परिषदेवर आली आहे. नाट्य परिषदेच्या कामाच्या रचनेत बालरंगभूमी ‘विंगेत’ असल्याने बालरंगभूमीवर कार्यरत असणाऱ्या रंगकर्मींची धड माहितीही नाट्य परिषदेकडे नाही. त्यामुळे आगामी संमेलनाच्या अध्यक्षपदाची माळ पूर्वीच्याच अध्यक्षांच्या गळ्यात घालण्याची सोयीची भूमिका परिषदेने घेतली आहे. दोन संमेलनांसाठी एकच अध्यक्ष, या परिषदेच्या अजब निर्णयाबाबत नाट्य वर्तुळात आश्चर्य व्यक्त केले जात आहे.
बालनाट्य स्पर्धा घेण्यापलीकडे परिषदेचे बालरंगभूमीसाठी भरीव काम होत नसल्याने अखिल भारतीय मराठी नाट्य परिषदेतर्फे गेल्या वर्षीपासून बालनाट्य संमेलन आयोजित करण्यात येत आहे. गेल्या वर्षी पहिले संमेलन सोलापूर येथे झाले. ज्येष्ठ रंगकर्मी कांचन सोनटक्के यांना या संमेलनाचे अध्यक्ष करण्यात आले. आता दुसरे संमेलन नांदेड येथे होत आहे. ६ ते ८ जानेवारी २०१७ या कालावधीत होणाऱ्या या संमेलनाचा अध्यक्ष कोण असेल, हे अद्याप जाहीर करण्यात आले नाही. पण संमेलनाच्या अध्यक्ष सोनटक्केच असतील, असा निर्णय परिषदेने घेतला आहे.
नवीन अध्यक्ष शोधण्यापेक्षा परिषदेने सोनटक्के यांनाच दुसऱ्या संमेलनासाठी अध्यक्षपद भूषविण्याची विनंती केली आहे. सोनटक्के यांनी ती मान्यही केली आहे. पहिल्या संमेलनासाठी सोनटक्के यांची निवड करताना अध्यक्षाचा कालावधी दोन वर्षांचा असेल, असे ठरले नव्हते. नाट्य परिषद बालरंगभूमीसाठी विशेष काम करत नाही, अशी टीका होत असल्याने परिषदेने बालनाट्य संमेलनाचा घाट घातला. पण या संमेलनासाठी घटना किंवा काही नियमावली नसल्याने परिषदेने सोनटक्के यांचे नाव पुढे करून स्वतःची सुटका करून घेतल्याचे बोलले जात आहे.
यंदाच्या बालनाट्य संमेलनाच्या अध्यक्ष कांचन सोनटक्के असतील. या संमेलनाच्या अध्यक्षांचा कालावधी दोन वर्षांचा करण्यात आला आहे. अध्यक्षपदासाठी निवडणूक प्रक्रिया नाही.
- दीपक करंजीकर, प्रमुख कार्यवाह, अखिल भारतीय मराठी नाट्य परिषद
बालनाट्य स्पर्धा घेण्यापलीकडे परिषदेचे बालरंगभूमीसाठी भरीव काम होत नसल्याने अखिल भारतीय मराठी नाट्य परिषदेतर्फे गेल्या वर्षीपासून बालनाट्य संमेलन आयोजित करण्यात येत आहे. गेल्या वर्षी पहिले संमेलन सोलापूर येथे झाले. ज्येष्ठ रंगकर्मी कांचन सोनटक्के यांना या संमेलनाचे अध्यक्ष करण्यात आले. आता दुसरे संमेलन नांदेड येथे होत आहे. ६ ते ८ जानेवारी २०१७ या कालावधीत होणाऱ्या या संमेलनाचा अध्यक्ष कोण असेल, हे अद्याप जाहीर करण्यात आले नाही. पण संमेलनाच्या अध्यक्ष सोनटक्केच असतील, असा निर्णय परिषदेने घेतला आहे.
नवीन अध्यक्ष शोधण्यापेक्षा परिषदेने सोनटक्के यांनाच दुसऱ्या संमेलनासाठी अध्यक्षपद भूषविण्याची विनंती केली आहे. सोनटक्के यांनी ती मान्यही केली आहे. पहिल्या संमेलनासाठी सोनटक्के यांची निवड करताना अध्यक्षाचा कालावधी दोन वर्षांचा असेल, असे ठरले नव्हते. नाट्य परिषद बालरंगभूमीसाठी विशेष काम करत नाही, अशी टीका होत असल्याने परिषदेने बालनाट्य संमेलनाचा घाट घातला. पण या संमेलनासाठी घटना किंवा काही नियमावली नसल्याने परिषदेने सोनटक्के यांचे नाव पुढे करून स्वतःची सुटका करून घेतल्याचे बोलले जात आहे.
यंदाच्या बालनाट्य संमेलनाच्या अध्यक्ष कांचन सोनटक्के असतील. या संमेलनाच्या अध्यक्षांचा कालावधी दोन वर्षांचा करण्यात आला आहे. अध्यक्षपदासाठी निवडणूक प्रक्रिया नाही.
- दीपक करंजीकर, प्रमुख कार्यवाह, अखिल भारतीय मराठी नाट्य परिषद