पुणे : पुरंदर येथील नियोजित आंतरराष्ट्रीय विमानतळाच्या भूसंपादनाची अधिसूचना काढल्यात आल्यामुळे जिल्हा प्रशासनाकडून संबंधित जमिनींच्या खरेदी आणि विक्रीवर बंदी घातली जाणार आहे. याबाबतचा आदेश काढण्याबाबत जिल्हा प्रशासनाकडून हालचाली सुरू झाल्या आहेत. कोणताही प्रकल्प येणार असल्यास त्या परिसरातील जमिनींची खरेदी आणि विक्री सुरू होते. त्यामध्ये जमीनमालकांचे नुकसान होते. हा प्रकार रोखण्यासाठी या व्यवहारांवर बंदी घालणे आवश्यक असते. राज्य सरकारकडून भूसंपादनाबाबत अधिसूचना काढण्यात येत नव्हती. त्यामुळे नियोजित विमानतळ आणि परिसरातील व्यवहारांवर बंधने आणता येत नव्हती. आता खरेदी आणि विक्रीवर बंदी घालण्याचे आदेश जिल्हाधिकाऱ्यांकडून काढले जाणार असल्याचे जिल्हा प्रशासनाकडून सांगण्यात आले.
जमिनींच्या खरेदी विक्रीवर बंदी?
पुरंदर येथील नियोजित आंतरराष्ट्रीय विमानतळाच्या भूसंपादनाची अधिसूचना काढल्यात आल्यामुळे जिल्हा प्रशासनाकडून संबंधित जमिनींच्या खरेदी आणि विक्रीवर ...
Maharashtra Times 19 Jul 2018, 4:00 am