पालकमंत्री गिरीश बापट यांचा आराेप
म. टा. प्रतिनिधी, पुणे
गेल्या दहा वर्षांच्या कालावधीत महानगरपालिकेतील कारभारी शहराचा विकास करण्यात सपशेल अपयशी ठरले असून, त्यांच्यामुळेच शहराच्या विकासाला खीळ बसली असल्याचा आरोप पालकमंत्री गिरीश बापट यांनी रविवारी केला.
महापालिकेतील सत्ताधाऱ्यांचा अकार्यक्षम आणि नियोजनशून्य कारभार जनतेसमोर आणण्यासाठी भारतीय जनता पक्षाच्या वतीने आयोजित ‘निष्क्रियतेची दहा वर्षे’ या प्रदर्शनाचे उद्घाटन बापट यांच्या हस्ते झाले. त्या वेळी ते बोलत होते.
‘कॉमन मॅन’च्या हस्ते काळी फीत कापून प्रदर्शनाचे निषेधात्मक उद्घाटन करण्यात आले. शहराध्यक्ष योगेश गोगावले, नगरसेवक अशोक येनपुरे, दिलीप काळोखे, धनंजय जाधव, मंजूश्री खर्डेकर, शाम सातपुते, सुहास कुलकर्णी, प्रकाश मंत्री, संदीप खर्डेकर या वेळी उपस्थित होते.
‘केंद्रात, राज्यात आणि महापालिकेत राष्ट्रवादी व काँग्रेसची एकहाती सत्ता होती; पण शहरातील विकासाचा कोणताही मोठा प्रकल्प मार्गी लागला नाही. याउलट भाजपने गेल्या दोन वर्षांत मेट्रो, स्मार्ट सिटी, पुणे विकास आराखडा, रिंग रोड, पीएमआरडीएची स्थापना, मुळा-मुठा शुद्धीकरण आदी प्रकल्पांना चालना दिली. त्यामुळे आगामी महापालिका निवडणुकीत पुणेकर भाजपच्या पाठीशी राहतील,’ असा विश्वास बापट यांनी व्यक्त केला.
निष्क्रियतेची दहा वर्षे हे प्रदर्शन पुढील काळात शहराच्या विविध भागांत आयोजित केले जाणार असून, पालिकेतील सत्ताधाऱ्यांचे शहराच्या विकासाकडे झालेले दुर्लक्ष शहराच्या विविध भागांतील नागरिकांपर्यंत नेण्यात येणार असल्याचे गोगावले यांनी सांगितले. येत्या मंगळवारपर्यंत (३१ जानेवारी) सकाळी १० ते रात्री ८ या वेळेत प्रदर्शन सर्वांसाठी खुले राहील.
म. टा. प्रतिनिधी, पुणे
गेल्या दहा वर्षांच्या कालावधीत महानगरपालिकेतील कारभारी शहराचा विकास करण्यात सपशेल अपयशी ठरले असून, त्यांच्यामुळेच शहराच्या विकासाला खीळ बसली असल्याचा आरोप पालकमंत्री गिरीश बापट यांनी रविवारी केला.
महापालिकेतील सत्ताधाऱ्यांचा अकार्यक्षम आणि नियोजनशून्य कारभार जनतेसमोर आणण्यासाठी भारतीय जनता पक्षाच्या वतीने आयोजित ‘निष्क्रियतेची दहा वर्षे’ या प्रदर्शनाचे उद्घाटन बापट यांच्या हस्ते झाले. त्या वेळी ते बोलत होते.
‘कॉमन मॅन’च्या हस्ते काळी फीत कापून प्रदर्शनाचे निषेधात्मक उद्घाटन करण्यात आले. शहराध्यक्ष योगेश गोगावले, नगरसेवक अशोक येनपुरे, दिलीप काळोखे, धनंजय जाधव, मंजूश्री खर्डेकर, शाम सातपुते, सुहास कुलकर्णी, प्रकाश मंत्री, संदीप खर्डेकर या वेळी उपस्थित होते.
‘केंद्रात, राज्यात आणि महापालिकेत राष्ट्रवादी व काँग्रेसची एकहाती सत्ता होती; पण शहरातील विकासाचा कोणताही मोठा प्रकल्प मार्गी लागला नाही. याउलट भाजपने गेल्या दोन वर्षांत मेट्रो, स्मार्ट सिटी, पुणे विकास आराखडा, रिंग रोड, पीएमआरडीएची स्थापना, मुळा-मुठा शुद्धीकरण आदी प्रकल्पांना चालना दिली. त्यामुळे आगामी महापालिका निवडणुकीत पुणेकर भाजपच्या पाठीशी राहतील,’ असा विश्वास बापट यांनी व्यक्त केला.
निष्क्रियतेची दहा वर्षे हे प्रदर्शन पुढील काळात शहराच्या विविध भागांत आयोजित केले जाणार असून, पालिकेतील सत्ताधाऱ्यांचे शहराच्या विकासाकडे झालेले दुर्लक्ष शहराच्या विविध भागांतील नागरिकांपर्यंत नेण्यात येणार असल्याचे गोगावले यांनी सांगितले. येत्या मंगळवारपर्यंत (३१ जानेवारी) सकाळी १० ते रात्री ८ या वेळेत प्रदर्शन सर्वांसाठी खुले राहील.