पिंपरी : पिंपरी-चिंचवड महापालिका कर्मचारी महासंघाच्या वतीने थेरगाव येथे उभारण्यात येणाऱ्या कै. शंकर (अण्णा) गावडे स्मृती कामगार भवनचे भूमिपूजन येत्या रविवारी (१३ मे) पालकमंत्री गिरीश बापट यांच्या हस्ते करण्यात येणार आहे, अशी माहिती कर्मचारी महासंघाचे अध्यक्ष शशिकांत उर्फ बबन झिंजुर्डे यांनी दिली. थेरगाव येथे दिलीप वेंगसरकर क्रिकेट अॅकॅडमीजवळ प्रभाग क्रमांक २३ येथे हा कार्यक्रम होणार आहे. कार्यक्रमाच्या अध्यक्षस्थानी महापौर नितीन काळजे असतील. कामगार भवन दीड एकर जागेवर उभारण्यात येणार असून, १० कोटी रुपये खर्च अपेक्षित आहे. नागरिकांना कार्यक्रमासाठी अल्पदरात कामगार भवन उपलब्ध करण्यात येईल. पार्किंगची सोयही येथे असेल, असे झिंजुर्डे यांनी सांगितले. या वेळी महासंघाचे पदाधिकारी उपस्थित होते.
कामगार स्मृती भवनाचे रविवारी भूमीपूजन
पिंपरी-चिंचवड महापालिका कर्मचारी महासंघाच्या वतीने थेरगाव येथे उभारण्यात येणाऱ्या कै...
Maharashtra Times 11 May 2018, 4:00 am