भिडे गुरुजींसह त्यांच्या कार्यकर्त्यांवरही गुन्हा
म. टा. प्रतिनिधी, पुणे
संत ज्ञानेश्वर महाराजांच्या पालखी मार्गात घुसून गोंधळ घातल्याप्रकरणी शिव प्रतिष्ठानचे संभाजी भिडे गुरुजी यांच्यासह कार्यकर्त्यांवर डेक्कन पोलिस ठाण्यात गुन्हा दाखल करण्यात आला आहे. याबाबत डेक्कन पोलिस ठाण्याचे वरिष्ठ पोलिस निरीक्षक अजय कदम यांनी तक्रार दिली आहे. त्यावरून संभाजी विनायकराव भिडे गुरुजी, संजय विठ्ठल जठार, रावसाहेब देसाई, अविनाश मरकळे व त्यांच्या एक हजार कार्यकर्त्यांवर गुन्हा दाखल करण्यात आला.
पोलिसांनी दिलेल्या माहितीनुसार, संत ज्ञानेश्वर महाराज व संत तुकाराम महाराजांच्या पालख्यांचे रविवारी शहरात सायंकाळी आगमन झाले. या पालख्या संगम पूल येथून फर्ग्युसन महाविद्यालय रस्त्यावर क्रमाने मुक्कामी स्थळावर मार्गस्थ होतात. प्रथम संत तुकाराम, त्यानंतर संत गब्बर शेख, संताजी महाराज जगनाडे आणि संत ज्ञानेश्वर महाराज पालखी असा हा क्रम असतो. मात्र, या पालख्या फर्ग्युसन रस्त्यावरील गोखले चौकात आल्यानंतर संभाजी भिडे गुरुजी संघटनेचे कार्यकर्ते क्रमाने मार्गस्थ होणाऱ्या पालख्यांमध्ये घुसले. तसेच मोठमोठ्याने घोषणा देत होते. गेल्या तीन ते चार वर्षांपासून हा प्रकार सुरू होता. मोठमोठ्याने घोषणा आणि हातामध्ये तलवारी असल्याने त्यात आणखीनच गोंधळ उडाला. संत ज्ञानेश्वर महाराज पालखी प्रमुखांनी सतत होणाऱ्या प्रकारामुळे ज्ञानेश्वर महाराजांची पालखी या चौकातच थांबवली. डेक्कन पोलिस व वरिष्ठ अधिकाऱ्यांनी तत्काळ घटनास्थळी धाव घेतली. पालखी प्रमुखांनी हा प्रकार बंद झाल्याशिवाय पालखी पुढे मार्गस्थ होणार नाही, असा प्रवित्रा घेतला. त्यामुळे पोलिसांची धावपळ उडाली.
झोन एकचे पोलिस उपायुक्त बसवराज तेली यांनी पालखी प्रमुखांना यापुढे असा प्रकार होणार नसल्याचे आश्वासन दिले. त्यानंतर पालखी पुढे मार्गस्थ झाली. या सर्व गोंधळात तब्बल अर्धा तास पालखी चौकात होती. यामुळे परिसरात गोंधळ उडाला होता. त्यानंतर डेक्कन पोलिसांकडून रात्री उशिरा संभाजी भिडे गुरुजी व त्यांच्या एक हजार कार्यकर्त्यांवर गुन्हा दाखल झाला. या प्रकरणी डेक्कन पोलिस अधिक तपास करत आहेत.
म. टा. प्रतिनिधी, पुणे
संत ज्ञानेश्वर महाराजांच्या पालखी मार्गात घुसून गोंधळ घातल्याप्रकरणी शिव प्रतिष्ठानचे संभाजी भिडे गुरुजी यांच्यासह कार्यकर्त्यांवर डेक्कन पोलिस ठाण्यात गुन्हा दाखल करण्यात आला आहे. याबाबत डेक्कन पोलिस ठाण्याचे वरिष्ठ पोलिस निरीक्षक अजय कदम यांनी तक्रार दिली आहे. त्यावरून संभाजी विनायकराव भिडे गुरुजी, संजय विठ्ठल जठार, रावसाहेब देसाई, अविनाश मरकळे व त्यांच्या एक हजार कार्यकर्त्यांवर गुन्हा दाखल करण्यात आला.
पोलिसांनी दिलेल्या माहितीनुसार, संत ज्ञानेश्वर महाराज व संत तुकाराम महाराजांच्या पालख्यांचे रविवारी शहरात सायंकाळी आगमन झाले. या पालख्या संगम पूल येथून फर्ग्युसन महाविद्यालय रस्त्यावर क्रमाने मुक्कामी स्थळावर मार्गस्थ होतात. प्रथम संत तुकाराम, त्यानंतर संत गब्बर शेख, संताजी महाराज जगनाडे आणि संत ज्ञानेश्वर महाराज पालखी असा हा क्रम असतो. मात्र, या पालख्या फर्ग्युसन रस्त्यावरील गोखले चौकात आल्यानंतर संभाजी भिडे गुरुजी संघटनेचे कार्यकर्ते क्रमाने मार्गस्थ होणाऱ्या पालख्यांमध्ये घुसले. तसेच मोठमोठ्याने घोषणा देत होते. गेल्या तीन ते चार वर्षांपासून हा प्रकार सुरू होता. मोठमोठ्याने घोषणा आणि हातामध्ये तलवारी असल्याने त्यात आणखीनच गोंधळ उडाला. संत ज्ञानेश्वर महाराज पालखी प्रमुखांनी सतत होणाऱ्या प्रकारामुळे ज्ञानेश्वर महाराजांची पालखी या चौकातच थांबवली. डेक्कन पोलिस व वरिष्ठ अधिकाऱ्यांनी तत्काळ घटनास्थळी धाव घेतली. पालखी प्रमुखांनी हा प्रकार बंद झाल्याशिवाय पालखी पुढे मार्गस्थ होणार नाही, असा प्रवित्रा घेतला. त्यामुळे पोलिसांची धावपळ उडाली.
झोन एकचे पोलिस उपायुक्त बसवराज तेली यांनी पालखी प्रमुखांना यापुढे असा प्रकार होणार नसल्याचे आश्वासन दिले. त्यानंतर पालखी पुढे मार्गस्थ झाली. या सर्व गोंधळात तब्बल अर्धा तास पालखी चौकात होती. यामुळे परिसरात गोंधळ उडाला होता. त्यानंतर डेक्कन पोलिसांकडून रात्री उशिरा संभाजी भिडे गुरुजी व त्यांच्या एक हजार कार्यकर्त्यांवर गुन्हा दाखल झाला. या प्रकरणी डेक्कन पोलिस अधिक तपास करत आहेत.