अरविंद पारिख यांना
भीमसेन जोशी पुरस्कार
मुंबई : राज्य सरकारतर्फे देण्यात येणारा यंदाचा भारतरत्न पं. भीमसेन जोशी जीवनगौरव पुरस्कार ज्येष्ठ सतारवादक अरविंद पारिख यांना जाहीर करण्यात आला आहे. पाच लाख रुपये, मानपत्र, स्मृतिचिन्ह असे या पुरस्काराचे स्वरूप आहे. सांस्कृतिक कार्यमंत्री विनोद तावडे यांच्या अध्यक्षतेखालील पुरस्कार निवड समितीने सन २०१९साठीच्या पुरस्कारासाठी ही निवड केली.
\Bदिब्रिटोंचे नाव आघाडीवर\B
पुणे : उस्मानाबाद येथे होणाऱ्या ९३ व्या अखिल भारतीय मराठी साहित्य संमेलनाच्या अध्यक्षपदी ज्येष्ठ साहित्यिक फादर फ्रान्सिस दिब्रिटो यांचे नाव आघाडीवर आहे. आज, रविवारी उस्मानाबाद येथे अखिल भारतीय मराठी साहित्य महामंडळाच्या होणाऱ्या बैठकीत दिब्रिटो यांची अध्यक्ष म्हणून निवड होण्याची शक्यता असल्याची माहिती महामंडळातील सूत्रांनी 'महाराष्ट्र टाइम्स'ला दिली. अध्यक्ष निवडीबरोबरच संमेलनाच्या तारखा तसेच संमेलनाचा कार्यक्रम जाहीर होणार आहे.
सविस्तर वृत्त...३