नांदेड : येथील पंजाब भवन यात्रीनिवास जवळील पोलिस चौकी नव्याने बांधून देण्यासाठी गुरुद्वारा बोर्ड संस्थेने पुढाकार घेतला आहे. जुन्या चौकीच्या जागेत शनिवारी सकाळी अतिरिक्त पोलिस अधीक्षक दत्ताराम राठोड यांच्या हस्ते नव्या चौकी बांधकामाचे भूमिपूजन करण्यात आले.
यावेळी उपविभागीय अधिकारी अभिजीत फसगे, गुरुद्वारा बोर्डाचे सचिव स. रविंदरसिंग बुंगाई, व्यवस्थापन समिती सदस्य देवेंद्रसिंग मोटरावाले, नौनिहालसिंग जागीरदार, गुलाबसिंग कंधारवाले, माजी सचिव रंजितसिंग कामठेककर, जगजीतसिंग चिरागीया, गुरुद्वारा बोर्ड अधीक्षक गुरविंदरसिंग वाधवा, प्रशाकीय अधिकारी डी. पी. सिंग, नारायणसिंग नंबरदार, हरजीत सिंघ कडेवाले, रविंदरसिंग कपूर, विजयसिंग कपूर, अवतारसिंग पहेरेदार, वजिराबाद पोलिस निरीक्षक संदीप शिवले, नारायणसिंग पहेलवान, जगजीत सिंग शिलेदार, दिलबाग सिंग सुपरवाईसर, अभय भुरेवार, बिट जमादार मोरे आदींची उपस्थिती होती.
परंपरेनुसार मूलमंत्र पाठ आणि अरदास करून चौकी बांधकामास सुरुवात करण्यात आली. नव्या चौकीमुळे यात्रेकरूंना सुरक्षा पुरवण्यात मदत होणार आहे. जुनी चौकी जीर्ण झाल्यामुळे नव्याप्रणालीची चौकी बांधून देण्यासाठी पोलिस विभागाचा गुरुद्वारा बोर्डाकडे प्रस्ताव होता. त्यानुसार नवीन चौकीचे ५७० स्केअर फुटाचे बांधकाम करण्यात येणार आहे. त्यासोबतच गुरुद्वारासाठी येणाऱ्या भाविकांच्या वाहनातील चालक आणि इतर व्यक्तींसाठी या चौकीला लागूनच नवीन बाथरूम, शौचालय व पाण्याची सुविधा उपलब्ध करून देण्यात येणार आहे. पोलिस निरीक्षक संदीप शिवले यांनी नवीन चौकी बांधकाम सुरू झाल्याने आनंद व्यक्त केला आहे.
फोटो ओळी....
पंजाब भवन यात्रीनिवास जवळ नव्या चौकी बांधकामाचे भूमिपूजन शनिवारी अतिरिक्त पोलिस अधीक्षक दत्ताराम राठोड यांच्या हस्ते करण्यात आले.