भोसले गार्डनमध्ये अस्वच्छता, दुर्गंधीमुळे नागरिक त्रस्त
म. टा. प्रतिनिधी, हडपसर
महापालिकेच्या भोसले गार्डन परिसरातील खेळाच्या मैदानावर घाणीचे साम्राज्य पसरले आहे. मैदानावर गवत व झुडपे वाढल्याने लहान मुलांना व नागरिकांना त्रास होत आहे. तसेच मैदानाची स्वच्छता होत नसल्याने मैदानाला कचराकुंडीचे स्वरूप आले आहे. याबाबत वारंवार तक्रारी करूनही महापालिका दुर्लक्ष करत आहे. या मैदानाची साफसफाई करून मैदान सुस्थितीत ठेवावे अशी मागणी परिसरातील नागरिकांनी केली आहे.
हडपसर येथे महापालिकेचे भोसले गार्डन खेळाच्या मैदानातील गवत गुढघ्यापेक्षा उंच झाले आहे. त्यामुळे मुलांना या ठिकाणी खेळणे अवघड झाले आहे. मैदानात सकाळी आणि संध्याकाळी फिरायला येणाऱ्या नागरिकांनाही गवतातून चालणे असुरक्षित वाटते. मैदानातील बाकडी निकृष्ट दर्जाची असून, अनेक बाकड्यांची दुरवस्था झाली आहे. मैदानातील शौचालयाची स्वच्छता गेले कित्येक महिने झालेली नाही. तसेच शौचालयात पाणी नसल्याने तेथे मोठी दुर्गंधी पसरली आहे. मैदानात काही ठिकाणी काही तरुण दारू पिताना आढळले आहेत. त्या ठिकाणी सिगरेटची पाकिटे, दारूच्या रिकाम्या फोडून मैदानात काचा टाकण्यात आल्या आहेत. महापालिकेने मैदानाच्या भिंतींवर ‘स्वच्छ पुणे-सुंदर पुणे’ आणि इतर स्वच्छतेबाबतच्या घोषणा लिहिल्या आहेत. मात्र, या मैदानात अस्वच्छतेचे साम्राज्य पसरल्याचे आढळून येत आहे. मैदानातील अस्वच्छतेमुळे डासांचा प्रादुर्भाव झाला आहे. त्यामुळे परिसरात डेंगीच्या पेशंटची संख्या वाढत आहे.
...
खेळण्यांची दुरवस्था
लहान मुलांना खेळण्यासाठी मैदानात ठेवण्यात आलेल्या लोखंडी खेळण्यांच्या चारही बाजूला उंच गवत वाढले आहे. या ठिकाणी साप, विंचूही आढळून आले आहेत. तसेच, खेळण्यांची अवस्थाही फारशी चांगली नाही. त्यामुळे मुलांना या खेळण्यांचा उपयोग करता येत नाही. खेळण्यांच्या परिसराची स्वच्छता तातडीने करावी अशी मागणी नागरिकांकडून होत आहे.
....
मैदानाची दुरवस्था झाल्याने सकाळी फिरण्यासाठी मैदानात येणे नको वाटते. चारही बाजूला घाण, दुर्गंधी पसरली आहे. सिगरेट, दारू पिणारी तरुण मंडळी येथे कायम असतात. मैदानाबाबत महापालिका उदासीन असल्याचे दिसते.
- प्रतिभा जोशी, नागरिक
०००००.
भोसले गार्डनमध्ये मुलांना खेळण्यासाठी खेळणी आहेत. पण या खेळण्यांवर तरुणांची टोळकी दारू पित बसलेली असतात. दारूच्या बाटल्या फोडून त्याच्या काचा या मैदानात टाकून ही मंडळी जातात. मैदानात अत्यंत अस्वच्छता आहे. त्यामुळे येथे येणे नको वाटते.
ृ- प्रा. अमोल तोष्णीवाल, नागरिक
०००
भोसले गार्डन मैदानातील अस्वच्छता तत्काळ दूर केली जाईल. मैदानाची सफाई करण्याचे आदेश दिले आहेत. मैदानात बसणाऱ्या तरुणांच्या टोळक्यांवर गैरवर्तन केल्यास पोलिसांद्वारे कारवाई केली जाईल.
- हेमलता मगर, नगरसेविका
म. टा. प्रतिनिधी, हडपसर
महापालिकेच्या भोसले गार्डन परिसरातील खेळाच्या मैदानावर घाणीचे साम्राज्य पसरले आहे. मैदानावर गवत व झुडपे वाढल्याने लहान मुलांना व नागरिकांना त्रास होत आहे. तसेच मैदानाची स्वच्छता होत नसल्याने मैदानाला कचराकुंडीचे स्वरूप आले आहे. याबाबत वारंवार तक्रारी करूनही महापालिका दुर्लक्ष करत आहे. या मैदानाची साफसफाई करून मैदान सुस्थितीत ठेवावे अशी मागणी परिसरातील नागरिकांनी केली आहे.
हडपसर येथे महापालिकेचे भोसले गार्डन खेळाच्या मैदानातील गवत गुढघ्यापेक्षा उंच झाले आहे. त्यामुळे मुलांना या ठिकाणी खेळणे अवघड झाले आहे. मैदानात सकाळी आणि संध्याकाळी फिरायला येणाऱ्या नागरिकांनाही गवतातून चालणे असुरक्षित वाटते. मैदानातील बाकडी निकृष्ट दर्जाची असून, अनेक बाकड्यांची दुरवस्था झाली आहे. मैदानातील शौचालयाची स्वच्छता गेले कित्येक महिने झालेली नाही. तसेच शौचालयात पाणी नसल्याने तेथे मोठी दुर्गंधी पसरली आहे. मैदानात काही ठिकाणी काही तरुण दारू पिताना आढळले आहेत. त्या ठिकाणी सिगरेटची पाकिटे, दारूच्या रिकाम्या फोडून मैदानात काचा टाकण्यात आल्या आहेत. महापालिकेने मैदानाच्या भिंतींवर ‘स्वच्छ पुणे-सुंदर पुणे’ आणि इतर स्वच्छतेबाबतच्या घोषणा लिहिल्या आहेत. मात्र, या मैदानात अस्वच्छतेचे साम्राज्य पसरल्याचे आढळून येत आहे. मैदानातील अस्वच्छतेमुळे डासांचा प्रादुर्भाव झाला आहे. त्यामुळे परिसरात डेंगीच्या पेशंटची संख्या वाढत आहे.
...
खेळण्यांची दुरवस्था
लहान मुलांना खेळण्यासाठी मैदानात ठेवण्यात आलेल्या लोखंडी खेळण्यांच्या चारही बाजूला उंच गवत वाढले आहे. या ठिकाणी साप, विंचूही आढळून आले आहेत. तसेच, खेळण्यांची अवस्थाही फारशी चांगली नाही. त्यामुळे मुलांना या खेळण्यांचा उपयोग करता येत नाही. खेळण्यांच्या परिसराची स्वच्छता तातडीने करावी अशी मागणी नागरिकांकडून होत आहे.
....
मैदानाची दुरवस्था झाल्याने सकाळी फिरण्यासाठी मैदानात येणे नको वाटते. चारही बाजूला घाण, दुर्गंधी पसरली आहे. सिगरेट, दारू पिणारी तरुण मंडळी येथे कायम असतात. मैदानाबाबत महापालिका उदासीन असल्याचे दिसते.
- प्रतिभा जोशी, नागरिक
०००००.
भोसले गार्डनमध्ये मुलांना खेळण्यासाठी खेळणी आहेत. पण या खेळण्यांवर तरुणांची टोळकी दारू पित बसलेली असतात. दारूच्या बाटल्या फोडून त्याच्या काचा या मैदानात टाकून ही मंडळी जातात. मैदानात अत्यंत अस्वच्छता आहे. त्यामुळे येथे येणे नको वाटते.
ृ- प्रा. अमोल तोष्णीवाल, नागरिक
०००
भोसले गार्डन मैदानातील अस्वच्छता तत्काळ दूर केली जाईल. मैदानाची सफाई करण्याचे आदेश दिले आहेत. मैदानात बसणाऱ्या तरुणांच्या टोळक्यांवर गैरवर्तन केल्यास पोलिसांद्वारे कारवाई केली जाईल.
- हेमलता मगर, नगरसेविका