म. टा. प्रतिनिधी, पुणे
बनावट कागदपत्रे तयार करून कोर्टात दावे दाखल करून फसवणूक केल्याच्या आरोपावरून खंडणीविरोधी पथकाने एका वकिलास अटक केली आहे. या वकिलाने बनावट दस्ताचा वापर करून मालमत्तेचे परस्पर हक्कसोड पत्र आणि दत्तकपत्र तयार करून मालमत्ता लाटण्याचा प्रयत्न केल्याचे समोर आले आहे.
राजेश खैरातीलाल बजाज उर्फ राजेश राज सचदेवा (वय ५५, रा. कमला नेहरू पार्क, एरंडवणे) असे अटक केलेल्याचे नाव आहे. या बाबत आदित्य जयंत दाढे (वय ३६, रा. औंध) यांनी तक्रार दिली आहे. पोलिसांनी दिलेल्या माहितीनुसार, दाढे यांनी कोथरूड येथील जमीन मूळ मालकाकडून कुलमुखत्यारपत्राने घेतली होती. परंतु, बजानने ही जमीन त्याच्या मालकीची असल्याचे सांगून २००१मध्ये महापालिका आणि शिवाजीनगर कोर्टात खोटे दावे केले होते. बजाज हा स्वत: वकील असल्याचे सांगतो. मात्र, त्याला उच्च न्यायालयाने वकिली करण्यास बंदी घातली आहे.
खैरतलाल बजाज यांनी त्याला दत्तकपुत्र करून घेतले आहे. तसेच, १९८८मध्ये त्यांनी मालमत्तेचे हक्कसोड पत्र करून दिले असल्याचे आरोपी सांगत आहे. मात्र, बजाजने १९८८मध्ये तयार केलेल्या हक्कसोड पत्रावरील रेव्हेन्यू स्टॅप हे २००३मधील आहे. त्यावरून त्याने फसवणूक केल्याचे स्पष्ट होत आहे. खैरतलाल बजाज यांच्या मुलाने देखील वडिलांनी अशाप्रकारे हक्कसोडपत्र दिले नसल्याचे सांगितले आहे. या प्रकरणाची चौकशी करून पोलिसांनी बजाजवर गुन्हा दाखल करून अटक केली आहे. कोर्टाने त्याला १७ ऑक्टोबरपर्यंत पोलिस कोठडी ठेवण्याचा आदेश दिला, अशी माहिती खंडणीविरोधी पथकाचे वरिष्ठ निरीक्षक रघुनाथ जाधव यांनी दिली. अधिक तपास सहायक निरीक्षक विठ्ठल शेलार करत आहेत.
बनावट कागदपत्रे तयार करून कोर्टात दावे दाखल करून फसवणूक केल्याच्या आरोपावरून खंडणीविरोधी पथकाने एका वकिलास अटक केली आहे. या वकिलाने बनावट दस्ताचा वापर करून मालमत्तेचे परस्पर हक्कसोड पत्र आणि दत्तकपत्र तयार करून मालमत्ता लाटण्याचा प्रयत्न केल्याचे समोर आले आहे.
राजेश खैरातीलाल बजाज उर्फ राजेश राज सचदेवा (वय ५५, रा. कमला नेहरू पार्क, एरंडवणे) असे अटक केलेल्याचे नाव आहे. या बाबत आदित्य जयंत दाढे (वय ३६, रा. औंध) यांनी तक्रार दिली आहे. पोलिसांनी दिलेल्या माहितीनुसार, दाढे यांनी कोथरूड येथील जमीन मूळ मालकाकडून कुलमुखत्यारपत्राने घेतली होती. परंतु, बजानने ही जमीन त्याच्या मालकीची असल्याचे सांगून २००१मध्ये महापालिका आणि शिवाजीनगर कोर्टात खोटे दावे केले होते. बजाज हा स्वत: वकील असल्याचे सांगतो. मात्र, त्याला उच्च न्यायालयाने वकिली करण्यास बंदी घातली आहे.
खैरतलाल बजाज यांनी त्याला दत्तकपुत्र करून घेतले आहे. तसेच, १९८८मध्ये त्यांनी मालमत्तेचे हक्कसोड पत्र करून दिले असल्याचे आरोपी सांगत आहे. मात्र, बजाजने १९८८मध्ये तयार केलेल्या हक्कसोड पत्रावरील रेव्हेन्यू स्टॅप हे २००३मधील आहे. त्यावरून त्याने फसवणूक केल्याचे स्पष्ट होत आहे. खैरतलाल बजाज यांच्या मुलाने देखील वडिलांनी अशाप्रकारे हक्कसोडपत्र दिले नसल्याचे सांगितले आहे. या प्रकरणाची चौकशी करून पोलिसांनी बजाजवर गुन्हा दाखल करून अटक केली आहे. कोर्टाने त्याला १७ ऑक्टोबरपर्यंत पोलिस कोठडी ठेवण्याचा आदेश दिला, अशी माहिती खंडणीविरोधी पथकाचे वरिष्ठ निरीक्षक रघुनाथ जाधव यांनी दिली. अधिक तपास सहायक निरीक्षक विठ्ठल शेलार करत आहेत.