मटा ऑनलाइन वृत्त । पुणे
पुण्यात एका १६ वर्षीय अल्पवयीन नेपाळी मुलीवर शंभरहून अधिक लोकांनी बलात्कार करून तिला वेश्याव्यवसायात ढकलल्याची धक्कादायक घटना घडली आहे. या गुन्ह्यात दोन पोलिसांनीच आरोपींना मदत केल्याचेही उघड झाले असून सध्या ही मुलगी गायब आहे. या सेक्स रॅकेटची उच्च न्यायालयाने गंभीर दखल घेतली असून पीडित मुलीला शोधून काढण्याचे आदेश पोलिसांना दिले आहेत.
न्यायमूर्ती रणजीत मोरे आणि रेवती देरे यांच्या खंडपीठापुढं बुधवारी या प्रकरणाची सुनावणी झाली. दिल्लीतील वकील अॅड. अनुजा कपूर यांनी या संदर्भात याचिका दाखल केली आहे. गेल्या सहा महिन्यांपासून या मुलीवर बलात्कार करण्यात आल्याने आणि बलात्कार करणाऱ्यांची संख्या जास्त असल्याने हे प्रकरण सीबीआयकडे सोपविण्याची मागणी त्यांनी केली होती. दरम्यान, या बलात्कार प्रकरणात सहभागी असलेल्या दोन पोलिसांनाही कोर्टात हजर करण्याचे आदेश देण्यात आले आहेत.
काय आहे प्रकरण?
ब्युटी पार्लरमध्ये नोकरी देण्याच्या बहाण्याने या मुलीला पुण्यात आणून वेश्याव्यवसायात ढकलण्यात आले होते. पीडित मुलीनं पुण्यातून पळ काढून दिल्ली गाठली. तिथं जाऊन पोलिसांत तक्रार दाखल केल्यानंतर हा प्रकार उघडकीस आला. त्यानंतर हे प्रकरण पुणे पोलिसांकडे वर्ग करण्यात आले होते. पुणे पोलिसांनी या प्रकरणी ११३ लोकांच्या विरोधात गुन्हे दाखल केले होते. त्यात काही पोलिसांचाही समावेश आहे. संबंधित मुलीला वेश्याव्यवसायात ढकलणाऱ्या महिलेचा हैदराबाद, अहमदाबाद आणि भोपाळमध्ये चालणाऱ्या सेक्स रॅकेटशी संबंध आहे.
मॉडेलही अत्याचाराची बळी
दिल्लीतील एका मॉडेलवरील बलात्कार आणि तिच्या मानसिक छळवणुकीशीही हे प्रकरण संबंधित आहे. दिल्लीच्या एका मॉडेलला तिच्या मित्राने चित्रपटात काम देण्याचे आमिष दाखविले होते. ही मॉडेल पुण्यात आली तेव्हा तिच्या मित्राने त्याच्या बॉसबरोबर सेक्स करण्यासाठी तिच्यावर जबरदस्ती केली. ही महिला पीडीत मुलीसोबतच दिल्लीला पळून आली होती. तिचाही शोध घेण्याचे आदेश न्यायालयानं पोलिसांना दिले आहेत.
पुण्यात एका १६ वर्षीय अल्पवयीन नेपाळी मुलीवर शंभरहून अधिक लोकांनी बलात्कार करून तिला वेश्याव्यवसायात ढकलल्याची धक्कादायक घटना घडली आहे. या गुन्ह्यात दोन पोलिसांनीच आरोपींना मदत केल्याचेही उघड झाले असून सध्या ही मुलगी गायब आहे. या सेक्स रॅकेटची उच्च न्यायालयाने गंभीर दखल घेतली असून पीडित मुलीला शोधून काढण्याचे आदेश पोलिसांना दिले आहेत.
न्यायमूर्ती रणजीत मोरे आणि रेवती देरे यांच्या खंडपीठापुढं बुधवारी या प्रकरणाची सुनावणी झाली. दिल्लीतील वकील अॅड. अनुजा कपूर यांनी या संदर्भात याचिका दाखल केली आहे. गेल्या सहा महिन्यांपासून या मुलीवर बलात्कार करण्यात आल्याने आणि बलात्कार करणाऱ्यांची संख्या जास्त असल्याने हे प्रकरण सीबीआयकडे सोपविण्याची मागणी त्यांनी केली होती. दरम्यान, या बलात्कार प्रकरणात सहभागी असलेल्या दोन पोलिसांनाही कोर्टात हजर करण्याचे आदेश देण्यात आले आहेत.
काय आहे प्रकरण?
ब्युटी पार्लरमध्ये नोकरी देण्याच्या बहाण्याने या मुलीला पुण्यात आणून वेश्याव्यवसायात ढकलण्यात आले होते. पीडित मुलीनं पुण्यातून पळ काढून दिल्ली गाठली. तिथं जाऊन पोलिसांत तक्रार दाखल केल्यानंतर हा प्रकार उघडकीस आला. त्यानंतर हे प्रकरण पुणे पोलिसांकडे वर्ग करण्यात आले होते. पुणे पोलिसांनी या प्रकरणी ११३ लोकांच्या विरोधात गुन्हे दाखल केले होते. त्यात काही पोलिसांचाही समावेश आहे. संबंधित मुलीला वेश्याव्यवसायात ढकलणाऱ्या महिलेचा हैदराबाद, अहमदाबाद आणि भोपाळमध्ये चालणाऱ्या सेक्स रॅकेटशी संबंध आहे.
मॉडेलही अत्याचाराची बळी
दिल्लीतील एका मॉडेलवरील बलात्कार आणि तिच्या मानसिक छळवणुकीशीही हे प्रकरण संबंधित आहे. दिल्लीच्या एका मॉडेलला तिच्या मित्राने चित्रपटात काम देण्याचे आमिष दाखविले होते. ही मॉडेल पुण्यात आली तेव्हा तिच्या मित्राने त्याच्या बॉसबरोबर सेक्स करण्यासाठी तिच्यावर जबरदस्ती केली. ही महिला पीडीत मुलीसोबतच दिल्लीला पळून आली होती. तिचाही शोध घेण्याचे आदेश न्यायालयानं पोलिसांना दिले आहेत.