म. टा. प्रतिनिधी, पुणे
मेंदूत रक्तस्त्राव झाल्याने उपचारादरम्यान ‘ब्रेनडेड’ झालेल्या ५० वर्षांच्या पेशंटमुळे चौघांना जीवदान मिळाले. यकृत, दोन मूत्रपिंडासह डोळेदेखील दान केल्याने चार जणांना आयुष्य नव्याने जगण्याची संधी मिळाली.
डेक्कन येथील सह्याद्री हॉस्पिटलमध्ये पन्नास वर्षांची व्यक्ती मेंदूत रक्तस्त्राव झाल्याने उपचारासाठी दाखल झाली होती. उपचार सुरू असताना त्यांचे शरीर प्रतिसाद देत नव्हते. अखेर त्या पेशंटला ९ जानेवारीला ‘ब्रेनडेड’ म्हणून जाहीर करण्यात आले. त्यानंतर अवयवदान करण्यासाठी त्याच्या कुटुंबीयांचे समुपदेशन करण्यात आले. त्यांच्या संमतीनंतर एक यकृत, दोन मूत्रपिंड तसेच डोळे दान करण्याचा निर्णय घेण्यात आला. सह्याद्री हॉस्पिटलमध्येच लिव्हर सिरॉसिसच्या आजाराने त्रस्त असलेल्या एका ३२ वर्षी पेशंटला यकृत दान करण्यात आले. तसेच मूत्रपिंडाच्या दुर्धर आजाराने त्रस्त असलेल्या आणि प्रतीक्षा यादीवरील एका ५७ वर्षीय महिलेला मूत्रपिंड देण्यात आले. दुसरे मूत्रपिंड यादीतील नाशिक येथील पेशंटसाठी पाठविण्यात आले. तसेच डोळे शहरातील खासगी हॉस्पिटलमधील पेशंटला दान करण्यात आले, अशी माहिती सह्याद्री हॉस्पिटलतर्फे देण्यात आली.
यकृत प्रत्यारोपण तज्ज्ञ डॉ. बिपीन विभुते म्हणाले, ‘५० वर्षीय पेशंट एका खासगी कंपनीत नोकरीला होते. डिसेंबरमध्ये त्यांना सह्याद्रीमध्ये दाखल करण्यात आले. त्यांच्या मेंदूत रक्तस्त्राव झाला होता. त्यांच्यावर उपचार सुरु होते. औषधे त्यांच्या आजाराला प्रतिसात देत नव्हते. अखेर ९ जानेवारीला त्यांना ब्रेनडेड घोषित करण्यात आले. नातेवाइकांच्या संमतीनंतर त्यांचे यकृत, मूत्रपिंडासह डोळे दान करण्यात आले. यामुळे चौघांना जीवनदान मिळाले.’
मेंदूत रक्तस्त्राव झाल्याने उपचारादरम्यान ‘ब्रेनडेड’ झालेल्या ५० वर्षांच्या पेशंटमुळे चौघांना जीवदान मिळाले. यकृत, दोन मूत्रपिंडासह डोळेदेखील दान केल्याने चार जणांना आयुष्य नव्याने जगण्याची संधी मिळाली.
डेक्कन येथील सह्याद्री हॉस्पिटलमध्ये पन्नास वर्षांची व्यक्ती मेंदूत रक्तस्त्राव झाल्याने उपचारासाठी दाखल झाली होती. उपचार सुरू असताना त्यांचे शरीर प्रतिसाद देत नव्हते. अखेर त्या पेशंटला ९ जानेवारीला ‘ब्रेनडेड’ म्हणून जाहीर करण्यात आले. त्यानंतर अवयवदान करण्यासाठी त्याच्या कुटुंबीयांचे समुपदेशन करण्यात आले. त्यांच्या संमतीनंतर एक यकृत, दोन मूत्रपिंड तसेच डोळे दान करण्याचा निर्णय घेण्यात आला. सह्याद्री हॉस्पिटलमध्येच लिव्हर सिरॉसिसच्या आजाराने त्रस्त असलेल्या एका ३२ वर्षी पेशंटला यकृत दान करण्यात आले. तसेच मूत्रपिंडाच्या दुर्धर आजाराने त्रस्त असलेल्या आणि प्रतीक्षा यादीवरील एका ५७ वर्षीय महिलेला मूत्रपिंड देण्यात आले. दुसरे मूत्रपिंड यादीतील नाशिक येथील पेशंटसाठी पाठविण्यात आले. तसेच डोळे शहरातील खासगी हॉस्पिटलमधील पेशंटला दान करण्यात आले, अशी माहिती सह्याद्री हॉस्पिटलतर्फे देण्यात आली.
यकृत प्रत्यारोपण तज्ज्ञ डॉ. बिपीन विभुते म्हणाले, ‘५० वर्षीय पेशंट एका खासगी कंपनीत नोकरीला होते. डिसेंबरमध्ये त्यांना सह्याद्रीमध्ये दाखल करण्यात आले. त्यांच्या मेंदूत रक्तस्त्राव झाला होता. त्यांच्यावर उपचार सुरु होते. औषधे त्यांच्या आजाराला प्रतिसात देत नव्हते. अखेर ९ जानेवारीला त्यांना ब्रेनडेड घोषित करण्यात आले. नातेवाइकांच्या संमतीनंतर त्यांचे यकृत, मूत्रपिंडासह डोळे दान करण्यात आले. यामुळे चौघांना जीवनदान मिळाले.’