पुणे: लग्नासाठी कपड्यांची व इतर साहित्याची खरेदी करून गावाकडे परतत असताना पुणे-सोलापूर महामार्गावर झालेल्या अपघातात नवरी मुलीचा मृत्यू झाला आहे. तर, तिचा भाऊ गंभीर जखमी झाला असून त्याच्यावर उपचार सुरू आहेत. (Bride to be girl died in accident) काल सायंकाळी सात वाजताच्या सुमारास हा अपघात झाला. प्रतीक्षा सादशिव कांबळे (वय २१) असं मृत मुलीचं नाव आहे. तर, शुभम सदाशिव कांबळे (मलठण ता. दौंड) हा जखमी झाला आहे. पोलिसांनी दिलेल्या माहितीनुसार, प्रतीक्षा व शुभम हे दोघे गुरुवारी सकाळी मलठण येथून पुणे शहरात दुचाकीवरून लग्नाच्या खरेदीसाठी आले होते. दिवसभरात खरेदी आटोपून गावी परतत असताना कौठीचा मळा जवळ एका ट्रकने त्यांच्या दुचाकीला जोरदार धडक दिला. त्यामुळं दोघे गाडीवरून पडले. त्यात शुभम गंभीर जखमी झाला तर प्रतीक्षाच्या डोक्याला जबर मार लागल्यामुळे तिचा जागीच मृत्यू झाला. परिसरातील नागरिकांनी रुग्णवाहिका बोलावून दोघांना टोल नाक्यावरील रुग्णालयात दाखल केले असता तिथे प्रतीक्षाला मृत घोषित करण्यात आले तर भाऊ शुभमवर उपचार सुरू आहेत.
वाचा: बिबट्याच्या हल्ल्यामुळे कराडमध्ये खळबळ; पाच वर्षांच्या चिमुकल्याची मान पकडली!
भावा-बहिणीनं लग्नासाठी खरेदी केलेले कपडे व इतर साहित्य रस्त्यावर पडले. अपघातानंतर ट्रक चालकाने घाबरून जाऊन ट्रक घेऊन पळ काढला. शुभमच्या मोबाइल क्रमांकावरून त्याच्या कुटुंबीयांना अपघाताची माहिती देण्यात आली. काही दिवसांतच प्रतीक्षाचा विवाह पार पडणार होता. त्यामुळं घरात आनंदाचं वातावरण होतं. मात्र, या दुर्घटनेमुळं कांबळे कुटुंबावर दु:खाचा डोंगर कोसळला आहे.
वाचा: अमोल कोल्हे नथुराम गोडसेच्या भूमिकेत; निर्णयावर अनेकांची टीका
वाचा: बिबट्याच्या हल्ल्यामुळे कराडमध्ये खळबळ; पाच वर्षांच्या चिमुकल्याची मान पकडली!
भावा-बहिणीनं लग्नासाठी खरेदी केलेले कपडे व इतर साहित्य रस्त्यावर पडले. अपघातानंतर ट्रक चालकाने घाबरून जाऊन ट्रक घेऊन पळ काढला. शुभमच्या मोबाइल क्रमांकावरून त्याच्या कुटुंबीयांना अपघाताची माहिती देण्यात आली. काही दिवसांतच प्रतीक्षाचा विवाह पार पडणार होता. त्यामुळं घरात आनंदाचं वातावरण होतं. मात्र, या दुर्घटनेमुळं कांबळे कुटुंबावर दु:खाचा डोंगर कोसळला आहे.
वाचा: अमोल कोल्हे नथुराम गोडसेच्या भूमिकेत; निर्णयावर अनेकांची टीका