\Bजनजागृतीपर उपक्रम\B
नवरात्रीनिमित्त पिंपळे सौदागर येथील उन्नती सोशल फौउंडेशनच्या वतीने 'नऊ रंगांचे सामान्य माणसाच्या जीवनातील महत्त्व' विषयावर जनजागृती करण्यात आली. त्याअंतर्गत काव्य आणि लेखन स्पर्धा, वाहतुकीचे नियम पाळणे, वृक्षारोपण, सायकल रॅली, दिव्यांग मुलांना खाऊवाटप, रक्तदान शिबिर, महिला सन्मान आदी उपक्रम राबविण्यात आले. त्यामध्ये आनंद हास्य योग क्लब आणि नवचैतन्य हास्य योग परिवारातील सभासदांनी भाग घेतला.
....
\B'वॉकेथॉन'चे आयोजन\B
जागतिक मानसिक आरोग्य महिन्यानिमित्त थेरगाव येथील आदित्य बिर्ला हॉस्पिटलने 'वॉकेथॉन'चे आयोजन केले होते. त्याअंतर्गत डांगे चौक ते हॉस्पिटल आणि चापेकर चौक ते हॉस्पिटल या मार्गावर वॉकेथॉन घेण्यात आली. उपक्रमाबाबत हॉस्पिटलच्या मुख्य कार्यकारी अधिकारी रेखा दुबे म्हणाल्या, 'मानसिक संतुलन व्यवस्थित राहण्याबाबत जागृतीसाठी उपक्रम राबविण्यात येत आहे. मानसिक आजारांनी ग्रस्त रुग्णांना दिलासा देऊन त्यांचे मनोधैर्य वाढवण्याचा प्रयत्न करीत आहोत. मानसिक आरोग्य आणि तरुण पिढी जगात परिवर्तन घडवून आणते, ही आमची संकल्पना आहे. त्यामुळे तरुणांना भेडसावणाऱ्या समस्यांवर वेळीच उपाययोजना आवश्यक आहे. वॉकेथॉन आणि स्किट प्लेमुळे लोकांमध्ये जागृती होऊ शकेल.'
....
\Bनवरात्रातील स्पर्धांचे
पारितोषिक वितरण
\Bचिंचवड नवरात्र महोत्सवाच्या निमित्ताने आयोजित विविध स्पर्धांचे पारितोषिक वितरण बुधवारी करण्यात आले. रंग माझा साडीत वेगळा, मंगळागौर आणि भजन स्पर्धेतील विजेत्यांना पारितोषिके देण्यात आली. विजेत्यांमध्ये स्वामिनी, आनंदवन, सागरिका, रणरागिणी, गीताई ग्रुप तसेच जय गणेश भजनी मंडळ, संत ज्ञानेश्वर भजनी मंडळ, हरी ओम भजनी मंडळ यांचा समावेश आहे. सौरभ भोंडवे, अरुण बोनकर, चंद्रकला बिरादार यांचा विशेष सत्कार करण्यात आला. नगरसेविका अश्विनी चिंचवडे यांनी संयोजन केले. ज्ञानदेव बोरुडे, अरुण बोनकर, केशव नेर्लेकर, मधुकर मोरे, अविनाश लेले, मीरा काटमोरे, रावसाहेब परकाळे या वेळी उपस्थित होते.
....