पुणे : पुण्यात ब्राउन शुगरची विक्री करण्यासाठी आलेल्या मुंबईतील महिलेला अमली पदार्थ विरोधी पथकाने पिंपरी परिसरात सापळा रचून अटक केली. तिच्या ताब्यातून पन्नास लाख रुपये किमतीची एक किलो ब्राउन शुगर जप्त करण्यात आली आहे. त्याची आंतरराष्ट्रीय बाजारपेठेतील किंमत एक कोटी रुपये आहे.
समीरा फैजानएहमद अन्सारी (वय २१, रा. आझाद चाळ, कुर्ला, मुंबई) असे अटक केलेल्या महिलेचे नाव आहे. ती यापूर्वीही पुण्यात अमली पदार्थ विक्री करून गेली आहे. ती या ठिकाणी कोणाला विक्री करणार होती, याचा तपास सुरू आहे, अशी माहिती अमली पदार्थ विरोधी पथकाच्या पोलिस निरीक्षक प्रतिभा जोशी यांनी दिली.
अमली पदार्थ विरोधी पथकाचे कर्मचारी विठ्ठल खिलारे यांना मिळालेल्या माहितीनुसार पिंपरी येथील आंबेडकर चौकातील रॉक्सी हॉटेलसमोर एक महिला ब्राउन शुगर देण्यासाठी येणार हाेती. त्यानुसार पोलिस उपायुक्त दीपक साकोरे यांच्या मार्गदर्शनाखाली निरीक्षक जोशी, सहायक निरीक्षक संजय ठेंगे, कर्मचारी अविनाश शिंदे, ज्ञानेश्वर घनवट, स्नेहल जाधव यांच्या पथकाने सापळा रचला. त्यांनी पिंपरी येथील रॉक्सी हॉटेलजवळील पुलाखाली बुरखा घालून उभ्या असलेल्या महिलेला संशयावरून ताब्यात घेतले. तिच्याकडे चौकशी केल्यानंतर तिच्याकडे ५० लाख रुपये किमतीचे एक किलो ब्राउन शुगर आढळले. या प्रकरणी तिच्यावर अमली पदार्थ विरोधी कायद्यानुसार पिंपरी पोलिस ठाण्यात गुन्हा दाखल करण्यात आला आहे. अन्सारी मूळची मुंबईची राहणारी आहे. तिचे लग्न झाले असून तिला दोन मुले आहेत. तिच्या पतीचे निधन झाले आहे. गेल्या काही महिन्यांपासून ती अमली पदार्थाची तस्कारी करत असल्याचे समोर आले आहे.
समीरा फैजानएहमद अन्सारी (वय २१, रा. आझाद चाळ, कुर्ला, मुंबई) असे अटक केलेल्या महिलेचे नाव आहे. ती यापूर्वीही पुण्यात अमली पदार्थ विक्री करून गेली आहे. ती या ठिकाणी कोणाला विक्री करणार होती, याचा तपास सुरू आहे, अशी माहिती अमली पदार्थ विरोधी पथकाच्या पोलिस निरीक्षक प्रतिभा जोशी यांनी दिली.
अमली पदार्थ विरोधी पथकाचे कर्मचारी विठ्ठल खिलारे यांना मिळालेल्या माहितीनुसार पिंपरी येथील आंबेडकर चौकातील रॉक्सी हॉटेलसमोर एक महिला ब्राउन शुगर देण्यासाठी येणार हाेती. त्यानुसार पोलिस उपायुक्त दीपक साकोरे यांच्या मार्गदर्शनाखाली निरीक्षक जोशी, सहायक निरीक्षक संजय ठेंगे, कर्मचारी अविनाश शिंदे, ज्ञानेश्वर घनवट, स्नेहल जाधव यांच्या पथकाने सापळा रचला. त्यांनी पिंपरी येथील रॉक्सी हॉटेलजवळील पुलाखाली बुरखा घालून उभ्या असलेल्या महिलेला संशयावरून ताब्यात घेतले. तिच्याकडे चौकशी केल्यानंतर तिच्याकडे ५० लाख रुपये किमतीचे एक किलो ब्राउन शुगर आढळले. या प्रकरणी तिच्यावर अमली पदार्थ विरोधी कायद्यानुसार पिंपरी पोलिस ठाण्यात गुन्हा दाखल करण्यात आला आहे. अन्सारी मूळची मुंबईची राहणारी आहे. तिचे लग्न झाले असून तिला दोन मुले आहेत. तिच्या पतीचे निधन झाले आहे. गेल्या काही महिन्यांपासून ती अमली पदार्थाची तस्कारी करत असल्याचे समोर आले आहे.