म. टा. प्रतिनिधी, पिंपरी
पिंपरी-चिंचवड शहरात वेगवान सार्वजनिक वाहतूक व्यवस्थेसाठी रस्त्यांवर बस रॅपिड ट्रान्झिट सिस्टिमचे (बीआरटीएस) जाळे उभारण्यात येणार आहे. त्यासाठी यंदाच्या अंदाजपत्रकात एकूण ४१६ कोटी ५४ लाखांची तरतूद करण्यात आली. त्यापैकी 'विशेष योजना' या लेखाशीर्षाखाली २०५ कोटी ८२ लाख, जेएनएनयूआरएम आणि यूटीएफ अंतर्गत १८५ कोटी ७२ लाख, तर महसुली कामांसाठी २५ कोटींची तरतूद करण्यात आली आहे. याद्वारे बीआरटीएस अंर्तगत विविध रस्ते, पूल, स्काय वॉक, ग्रेड सेपरेटर, सायकल रॅम्प बांधण्यात येणार आहेत.
शहरातील दळणवळण व्यवस्था सक्षम करण्यासाठी सार्वजनिक वाहतुकीसाठी स्वतंत्र लेन करणे आवश्यक आहे. त्यासाठी शहरात 'बीआरटी'चे जाळे उभारण्यात येणार आहे. 'बीआरटी'अंर्तगत शहरात विवध रस्ते, पूल, नदीवरील पूल, सायकल रॅम्प, ग्रेड सेपरेटरचे जाळे विणण्यात येणार आहे.
.
'बीआरटी'अंतर्गत कामे : निधी
- भक्ती शक्ती चौक ग्रेड सेपरेटर : ४ कोटी
- बोपखेल - आळंदी रस्ता : १ कोटी
- भक्ती-शक्ती चौक ते मुक्ताई चौक, किवळे : १० कोटी ९१ लाख
- निसर्ग दर्शन सोसायटी, रेल्वेवरील पूल : ४ कोटी
- कोकणे चौक ते काळेवाडी फाटा द्रुतगती मार्ग : ७ कोटी ६० लाख
- नाशिक ते वाकड बीआरटीएस रस्त्यावर रहाटणी येथे दोन समांतर पूल बांधणे : १३ कोटी ८३ लाख
- नाशिक फाटा ते वाकड रस्त्यावर सुदर्शन चौक, ग्रेड सेपरेटर : १३ कोटी ८३ लाख
- गोविंद - यशदा चौ, पिंपळे सौदागर येथील अंडरपास : १० लाख
- प्रायोगिक तत्त्वांवर पाच रस्त्यांवर ६.८० किमीचे रस्ते विकसित करणे : १६ कोटी ३९ लाख
- सायकल मार्ग : १५ कोटी
- एम्पायर इस्टेट पुलासाठी लिंकरोड येथे लूप : ३ कोटी ४५ लाख
- नाशिक फाटा ते वाकड ते हिंजवडी फ्री वे : ५ कोटी
- सांगवी, बोपोडीत मुळा नदीवरील पूल : १ कोटी
- वाल्हेकरवाडी ते ताथवडेपर्यंतचा रस्ता आणि पवना नदीवरील पूल : ३० कोटी
- पवना नदीवर बास्केट ब्रिजशेजारी समांतर पूल : ५० लाख
- डांगे चौक येथून हिंजवडी मार्गावर ग्रेड सेपरेटर : १५ कोटी
- बोपखेल येथे मुळा नदीवरील पूल : २४ कोटी २० लाख
- शहरात ३० किमीचे एचसीएमटीआर रस्ता विकसन : ५० कोटी