म. टा. प्रतिनिधी, पुणे
जंगली महाराज रस्त्यावर भरदिवसा दोन तरुणांनी तरुणीला बेदम मारहाण केल्याची घटना गुरुवारी दुपारी घडली. प्रत्यक्षदर्शींनी दिलेल्या माहितीनुसार मारहाणीत तरुणीच्या गळ्याला जखम झाली आहे. या प्रकरणी डेक्कन पोलिस ठाण्यात अदखलपात्र गुन्हा दाखल करण्यात आला आहे.
तरुणी कारमधून जात असताना, 'उबर इट्स'च्या 'डिलिव्हरी बॉय'ची दुचाकी कारला घासली. त्यामुळे तरुणीच्या कारचे नुकसान झाल्याने तिने 'डिलिव्हरी बॉय'ला थांबवून भरपाई मागितली. त्यासाठी ती त्याला घेऊन जंगली महाराज रस्त्यावरील साई सर्व्हिस येथे आली. तेथे खर्चाचा अंदाज घेऊन तिने त्याच्याकडून पैसे घेण्याचे ठरवले होते. दरम्यान, संबंधित दुचाकी चालकाने आपल्या मित्राला साई सर्व्हिस येथे बोलावले. त्यानंतर पैशांच्या देवाण-घेवाणीवरून तरुणी आणि दुचाकी चालकामध्ये वाद झाला. या वादातून 'डिलिव्हरी बॉय' आणि त्याच्या मित्राने तरुणीला बेदम मारहाण केली. ही घटना दुपारी सव्वातीन ते साडेतीन वाजण्याच्या सुमारास घडली. तरुणीला मारहाण होत असताना मोठ्या प्रमाणावर बघ्यांची गर्दी जमली. त्यानंतर नजीकच्या पेट्रोल पंपावरील कर्मचारी तरुणीच्या मदतीला धावून आले. त्यांनी मारहाण करणाऱ्यांच्या तावडीतून तिची सुटका केली आणि तरुणांना चोप दिला. दरम्यान, डेक्कन पोलिस ठाण्यातील कर्मचारी त्या ठिकाणी दाखल झाले.
त्यांनी मारहाण करणाऱ्या 'डिलिव्हरी बॉय'सह त्याच्या मित्राला ताब्यात घेतले आणि तरुणीचा जबाब नोंदवून घेतला. प्रत्यक्षदर्शींच्या मते तरुणीला बेदम मारहाण करण्यात आली असून, तिच्या गळ्याला जखमही झाली होती. पेट्रोल पंपावरील काही कर्मचाऱ्यांनी हा सर्व प्रकार मोबाइलमध्ये चित्रित केल्याने त्यांचे मोबाइलही पोलिसांनी ताब्यात घेतल्याचे सूत्रांनी सांगितले.
...
जंगली महाराज रस्त्यावर तरुणीला मारहाण केल्याप्रकरणी अदखलपात्र गुन्हा दाखल करण्यात आला आहे. मिळालेल्या माहितीनुसार आरोपींनी तरुणीला किरकोळ मारहाण केली आहे.
दीपक लगड, वरिष्ठ निरीक्षक, डेक्कन पोलिस ठाणे
जंगली महाराज रस्त्यावर भरदिवसा दोन तरुणांनी तरुणीला बेदम मारहाण केल्याची घटना गुरुवारी दुपारी घडली. प्रत्यक्षदर्शींनी दिलेल्या माहितीनुसार मारहाणीत तरुणीच्या गळ्याला जखम झाली आहे. या प्रकरणी डेक्कन पोलिस ठाण्यात अदखलपात्र गुन्हा दाखल करण्यात आला आहे.
तरुणी कारमधून जात असताना, 'उबर इट्स'च्या 'डिलिव्हरी बॉय'ची दुचाकी कारला घासली. त्यामुळे तरुणीच्या कारचे नुकसान झाल्याने तिने 'डिलिव्हरी बॉय'ला थांबवून भरपाई मागितली. त्यासाठी ती त्याला घेऊन जंगली महाराज रस्त्यावरील साई सर्व्हिस येथे आली. तेथे खर्चाचा अंदाज घेऊन तिने त्याच्याकडून पैसे घेण्याचे ठरवले होते. दरम्यान, संबंधित दुचाकी चालकाने आपल्या मित्राला साई सर्व्हिस येथे बोलावले. त्यानंतर पैशांच्या देवाण-घेवाणीवरून तरुणी आणि दुचाकी चालकामध्ये वाद झाला. या वादातून 'डिलिव्हरी बॉय' आणि त्याच्या मित्राने तरुणीला बेदम मारहाण केली. ही घटना दुपारी सव्वातीन ते साडेतीन वाजण्याच्या सुमारास घडली. तरुणीला मारहाण होत असताना मोठ्या प्रमाणावर बघ्यांची गर्दी जमली. त्यानंतर नजीकच्या पेट्रोल पंपावरील कर्मचारी तरुणीच्या मदतीला धावून आले. त्यांनी मारहाण करणाऱ्यांच्या तावडीतून तिची सुटका केली आणि तरुणांना चोप दिला. दरम्यान, डेक्कन पोलिस ठाण्यातील कर्मचारी त्या ठिकाणी दाखल झाले.
त्यांनी मारहाण करणाऱ्या 'डिलिव्हरी बॉय'सह त्याच्या मित्राला ताब्यात घेतले आणि तरुणीचा जबाब नोंदवून घेतला. प्रत्यक्षदर्शींच्या मते तरुणीला बेदम मारहाण करण्यात आली असून, तिच्या गळ्याला जखमही झाली होती. पेट्रोल पंपावरील काही कर्मचाऱ्यांनी हा सर्व प्रकार मोबाइलमध्ये चित्रित केल्याने त्यांचे मोबाइलही पोलिसांनी ताब्यात घेतल्याचे सूत्रांनी सांगितले.
...
जंगली महाराज रस्त्यावर तरुणीला मारहाण केल्याप्रकरणी अदखलपात्र गुन्हा दाखल करण्यात आला आहे. मिळालेल्या माहितीनुसार आरोपींनी तरुणीला किरकोळ मारहाण केली आहे.
दीपक लगड, वरिष्ठ निरीक्षक, डेक्कन पोलिस ठाणे