म. टा. प्रतिनिधी, पिंपरी
महापौर आणि उपमहापौरांच्या निवडीनंतर पिंपरी-चिंचवड महापालिका मुख्य भवनात जेसीबी लावून भंडारा उधळणाऱ्या २०० जणांवर पिंपरी पोलिसांनी खटला दाखल केला आहे. शनिवारी (४ ऑगस्ट) महापौर आणि उपमहापौरांच्या निवडीनंतर कार्यकर्त्यांनी मुक्तहस्ते भंडारा उधळला होता. त्यातच या वेळी पावसाचा शिडकावा झाला. यामुळे या भंडाऱ्याचा चिखल होऊन १७ ते १८ जण घसरून पडले होते. यामध्ये एका दिव्यांग कर्मचाऱ्याचा देखील समावेश होता. या सर्व प्रकारानंतर अग्निशमन विभागाला बोलावून रस्ता धुवून काढावा लागला होता.
या घटनेनंतर जोरदार टीका झाली होती. माध्यमांनी याबाबत आवाज उठविल्यावर महापालिका प्रशासनाला जाग आली. महापालिका भवनात अस्वच्छता केल्याप्रकणी महापालिकेने पोलिसांकडे तक्रार दिली. या सर्व प्रकार सीसीटीव्ही कॅमेऱ्यात कैद झाला असतानाही खटला दाखल करण्यात आलेले २०० जण अज्ञात असल्याची नोंद पोलिस दफ्तरी करण्यात आली आहे.
महापौर आणि उपमहापौरांच्या निवडीनंतर पिंपरी-चिंचवड महापालिका मुख्य भवनात जेसीबी लावून भंडारा उधळणाऱ्या २०० जणांवर पिंपरी पोलिसांनी खटला दाखल केला आहे. शनिवारी (४ ऑगस्ट) महापौर आणि उपमहापौरांच्या निवडीनंतर कार्यकर्त्यांनी मुक्तहस्ते भंडारा उधळला होता. त्यातच या वेळी पावसाचा शिडकावा झाला. यामुळे या भंडाऱ्याचा चिखल होऊन १७ ते १८ जण घसरून पडले होते. यामध्ये एका दिव्यांग कर्मचाऱ्याचा देखील समावेश होता. या सर्व प्रकारानंतर अग्निशमन विभागाला बोलावून रस्ता धुवून काढावा लागला होता.
या घटनेनंतर जोरदार टीका झाली होती. माध्यमांनी याबाबत आवाज उठविल्यावर महापालिका प्रशासनाला जाग आली. महापालिका भवनात अस्वच्छता केल्याप्रकणी महापालिकेने पोलिसांकडे तक्रार दिली. या सर्व प्रकार सीसीटीव्ही कॅमेऱ्यात कैद झाला असतानाही खटला दाखल करण्यात आलेले २०० जण अज्ञात असल्याची नोंद पोलिस दफ्तरी करण्यात आली आहे.