सिंहगड इन्स्टिट्यूटवर सीबीआयचे छापे

७५ कोटींच्या अफरातफरीचं प्रकरण

मटा ऑनलाइन वृत्त । पुणे

सिंहगड टेक्निकल इन्स्टिट्यूटच्या सर्व कार्यालयांवर सीबीआयने शुक्रवारी छापे मारून महत्वाची कागदपत्रे ताब्यात घेतली आहेत. पुण्यातील सिंहगड रस्ता, हडपसर, पुणे मुंबई रस्ता आदी ठिकाणी असलेल्या कार्यालयांत छापे टाकण्यात आले आहेत.

सिंहगड इन्स्टिट्यूट आणि संस्थापक मारुती नवले यांच्याविरुद्ध सेंट्रल बँकेकडून घेतलेले ७५ कोटी रुपये बेकायदेशीरपणे अन्यत्र वर्ग करून फसवणूक केल्याप्रकरणी सीबीआयने गुन्हा दाखल केला होता. शुक्रवारी सीबीआयच्या पथकाने छापे मारून महत्वाची कागदपत्रे ताब्यात घेतली. नवले यांच्या घराची झडती घेण्याचे कामही सध्या सुरू आहे. त्यांची बॅंक खाती आणि लॉकर्सचीही तपासणी करण्यात येणार असल्याचे सूत्रांनी सांगितले.