पुण्यात भीषण अपघात, सिमेंट मिक्सर झाडावर धडकून रिक्षांवर उलटला; १ ठार तर तीन जखमी

पुणे : राज्यात अपघाताचे सत्र काही थांबायचे नाव घेत नाहीये. रोज सकाळ ही अपघाताच्या बातमीने होत आहे. आज सकाळी साडेपाचच्या सुमारास पुण्यातील हडपसर येथील गाडीतळ येथे सिमेंट मिक्सर आणि रिक्षाचा भीषण अपघात झाला आहे. या अपघातात एका जणाचा जागीच मृत्यू झाला. तर ३ जण गंभीर जखमी झाले आहेत. सिमेंट मिक्सरने तीन रिक्षा आणि दोन दुचाकींना धडक दिली. यात रिक्षाचालकाचा मृत्यू झाला.

सिमेंट मिक्सरचा ट्रक हा सोलापूरहून पुण्याच्या दिशेने भरधाव येत होता. इतक्यात सोलापूर रस्त्यावर रवीदर्शन समोरील लक्झरी आणि एसटी बसच्या थांब्यावर एक दुचाकी चालक चुकीच्या दिशेने येत होता. त्या दुचाकीला वाचवताना ट्रक चालकाचे नियंत्रण सुटले. यामध्ये ट्रक एका झाडाला धडकून रिक्षांवर उलटला. यामध्ये चार रिक्षांचा चक्काचूर झाला आहे, अशी माहिती पोलिसांनी दिली.

Pune : दहावीतल्या विद्यार्थ्याने खुन्नस मनात धरली, घटनेने शिक्षकांसह संपूर्ण शाळाच हादरली

पोलीस आणि अग्निशामन दल घटनास्थळी दाखल झाले असून सिमेंट मिक्सरचा ट्रक क्रेनच्या साहाय्याने बाजूला करण्याचे काम सुरू आहे. या अपघातात जखमी झालेल्या तिघांना जवळच्या रुग्णालयात दाखल केले आहे. हडपसरचा गाडीतळ हा भाग वर्दळीचा भाग आहे. त्यामुळे सकाळपासूनच या भागात प्रचंड वाहतूक कोंडी झाली आहे.

पुण्यात 'एकावर एक फ्री'चं आमिष भोवलं, ४०० रुपयांची थाळी ३ लाखांना पडली, पाहा