अ‍ॅपशहर

ग्रामीण रुग्णालयाचे बांधकाम निकृष्ट

लाखो रुपये खर्चून बांधलेल्या चाकण ग्रामीण रुग्णालयाच्या इमारतीचे बांधकाम अत्यंत सुमार दर्जाचे करण्यात आले असल्याचे समोर आले आहे. या इमारतीच्या चारही बाजूच्या भिंतींना तडे गेले आहेत. त्यामुळे भविष्यात या इमारतींना धोका उत्पन्न होऊ शकतो. पाण्याच्या गळतीमुळे ऑपरेशन थिएटर बंद ठेवण्याची वेळ वैद्यकीय अधिकाऱ्यांवर येत आहे. याबाबत वारंवार पत्रव्यवहार करूनही संबंधितांकडून कोणत्याही प्रकारची दखल घेण्यात आलेली नाही.

Maharashtra Times 16 May 2017, 3:00 am
ऑपरेशन थिएटर बंद; चाकणमध्ये रुग्णांची गैरसोय
महाराष्ट्र टाइम्स.कॉम chakan rural hospital is not in good condition
ग्रामीण रुग्णालयाचे बांधकाम निकृष्ट

म. टा. वृत्तसेवा, राजगुरुनगर
लाखो रुपये खर्चून बांधलेल्या चाकण ग्रामीण रुग्णालयाच्या इमारतीचे बांधकाम अत्यंत सुमार दर्जाचे करण्यात आले असल्याचे समोर आले आहे. या इमारतीच्या चारही बाजूच्या भिंतींना तडे गेले आहेत. त्यामुळे भविष्यात या इमारतींना धोका उत्पन्न होऊ शकतो. पाण्याच्या गळतीमुळे ऑपरेशन थिएटर बंद ठेवण्याची वेळ वैद्यकीय अधिकाऱ्यांवर येत आहे. याबाबत वारंवार पत्रव्यवहार करूनही संबंधितांकडून कोणत्याही प्रकारची दखल घेण्यात आलेली नाही.
चाकण बसस्थानकासमोर चाकण ग्रामीण रुग्णालय आहे. पेशंटची गर्दी होत असल्याने येथील जागा अपुरी पडू लागली. त्यामुळे याच इमारतीच्या मागे नवीन दोन इमारत बांधण्यात आली. अद्यापही दुसऱ्या मजल्याचे बांधकाम सुरू आहे.
दरम्यान तळजल्याचे बांधकाम पूर्ण झाल्यानंतर जुन्या जागेत सुरू असलेले रुग्णालय नवीन जागेत स्थलांतरित करण्यात आले. अपुऱ्या जागेअभावी रुग्णांची होणारी गैरसोय टाळण्यासाठी इमारत पूर्णत्वाचा दाखला नसतानाही रुग्णालय प्रशासनाने तळमजल्याचा वापर सुरू केला. त्यामुळे वरच्या मजल्याचे बांधकाम चालू व खालच्या तळमजल्यावर रूग्णालय अशी परिस्थिती आहे.
तळमजल्याच्या छताला चांगल्या पद्धतीने जलरोधन न केल्यामुळे तळमजल्यावर मोठ्या प्रमाणात पाण्याची गळती सुरू झाली. ऑपरेशन थिएटर, लेबर रूम आदी ठिकाणी मोठ्या प्रमाणात गळती होत आहे. त्यामुळे काही वेळा ऑपरेशन थिएटर बंद ठेवण्याची वेळ येत आहे. भिंती आणि छताला मोठ्या प्रमाणात ओलावा आला आहे. परिणामी रुग्ण आणि नातेवाइकांना मनस्ताप होत आहे. याबाबत प्रशासनाने संबंधित जबाबदार अधिकारी व ठेकेदार यांना वारंवार सांगून त्यांच्याकडून कोणतीही कार्यवाही करण्यात आलेली नाही. जुन्या इमारतीतील शवविच्छेदन खोलीची अवस्था दयनीय झाली आहे. त्यामुळे शवविच्छेदन करताना मोठा त्रास सहन करावा लागतो.
...
‘निकृष्ट बांधकामाची चौकशी व्हावी’
नवीन बांधकाम असूनही जिन्याच्या छताला मात्र जुनाच पत्रा बसविण्यात आलेला आहे. याबाबत बोलताना ग्रामीण रुग्णालय चाकणचे वैद्यकीय अधिकारी डॉ. एम. बी. कनकवले म्हणाले, ‘सदर इमारतीचे बांधकाम समाधानकारक झालेले नाही. बांधकाम करताना महत्त्वाच्या गोष्टींकडे दुर्लक्ष करण्यात आलेले आहे. याबाबत संबंधित अधिकारी व ठेकेदारांना वारंवार सांगूनही त्याचा काहीही उपयोग झालेला नाही. या कामाची चौकशी होणे गरजेचे आहे.’ दरम्यान संबंधित सार्वजनिक बांधकाम विभागाच्या अधिकाऱ्यांची प्रतिक्रिया मिळू शकली नाही.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज