अ‍ॅपशहर

चांदणी चौकातील पूल पाडण्याच्या वेळेत बदल?; हे आहे कारण

नियोजनानुसार शनिवारी मध्यरात्री दोन वाजता मर्यादित स्फोटकांचा वापर करून हा पूल पाडला जाणार आहे. त्यासाठी रात्री ११ ते रविवारी सकाळी आठ या वेळेत वाहतूक बंद ठेवली जाणार आहे. तसेच, शनिवारी रात्री नऊपासूनच चांदणी चौक परिसर निर्मनुष्य केला जाणार आहे.

Edited byम. टा. प्रतिनिधी | महाराष्ट्र टाइम्स 1 Oct 2022, 8:48 am
पुणे : चांदणी चौकातील जुना पूल पाडण्याच्या वेळेत बदल होण्याची शक्यता निर्माण झाली आहे. आवश्यक पूर्वतयारी लवकर पूर्ण झाल्यास मध्यरात्री दोनऐवजी बारा ते एकच्या दरम्यान पूल पाडला जाऊ शकतो, अशी माहिती सूत्रांनी दिली.
महाराष्ट्र टाइम्स.कॉम chandani chawk pune
चांदणी चौकातील पूल पाडण्याच्या वेळेत बदल?; हे आहे कारण


राष्ट्रीय महामार्ग प्राधिकरण आणि जिल्हा प्रशासनाच्या वतीने कात्रज-देहूरोड बायपासवरील चांदणी चौक येथील जुना पूल पाडण्याचे नियोजन करण्यात आले आहे. हे काम ‘नोएडा’ येथील ट्वीन टॉवर पाडणाऱ्या कंपनीकडे सोपविले आहे. नियोजनानुसार शनिवारी मध्यरात्री दोन वाजता मर्यादित स्फोटकांचा वापर करून हा पूल पाडला जाणार आहे. त्यासाठी रात्री ११ ते रविवारी सकाळी आठ या वेळेत वाहतूक बंद ठेवली जाणार आहे. तसेच, शनिवारी रात्री नऊपासूनच चांदणी चौक परिसर निर्मनुष्य केला जाणार आहे. मात्र, शहरात दोन दिवसांत सायंकाळी आणि रात्री झालेल्या जोरदार पावसामुळे महामार्ग प्राधिकरण आणि जिल्हा प्रशासनाने शुक्रवारी सायंकाळी नियोजनाचा फेरआढावा घेऊन जोराचा पाऊस झाल्यास काय पर्याय आहेत, याची चाचपणी केली.

पावसाचा परिणाम नाही

पावसाचा प्रत्यक्ष पूल पाडकाम किंवा ब्लास्टिंगवर परिणाम होणार नसल्याचे संबंधित यंत्रणांनी स्पष्ट केले आहे. मात्र, शक्य झाल्यास ब्लास्टिंगची वेळ मध्यरात्री दोनऐवजी अलीकडे आणणे शक्य होईल का, याचा गांभीर्याने विचार करण्यात आला आहे. तसे झाल्यास ब्लास्टिंगनंतर होणारा राडारोडा हटवण्यासाठी अधिक वेळ मिळेल, असे प्रशासनाचे म्हणणे आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज