पुणे : लाल गुलाबी रंगाच्या, आकाराने लाहन आणि चवीला गोड असणाऱ्या चेरीची काश्मीरमधून गुलटेकडीच्या मार्केट यार्डात आवक झाली. चेरीच्या फळाचा हंगाम सुरू झाल्याने त्याला अधिक मागणी होऊ लागली आहे. मागणीच्या तुलनेत आवक कमी असल्याने त्याचे दर वाढले आहे. आता एका किलोसाठी २५० ते ३५० रुपयांपर्यंत दर आहे.
काश्मीरमधील सोपीयान जिल्ह्यातून चेरीच्या १२० ते १५० बॉक्सची रविवारी आवक झाली. चेरीचा हंगाम नुकताच सुरू झाला आहे. त्यामुळे आवक कमी प्रमाणात आहे. काही दिवसांत ही आवक आणखी वाढण्याच शक्यता आहे. आवक वाढल्यानंतर चेरीच्या दरात घसरण होऊ शकेल. हंगामात मोठ्या प्रमाणात आवक सुरू झाल्यावर एका किलोसाठी ८० ते १०० रुपये प्रतिकिलो दर मिळत आहे. जुलै महिन्यापर्यंत हा हंगाम सुरू राहील, अशी माहिती अरविंद मोरे यांनी दिली.
चेरीचे काश्मीर येथील उत्पादक फिरोज भट म्हणाले, ‘चेरीचे उत्पादन यंदा कमी आहे. पावसाचा फटका बसला नसल्याने उपलब्ध पिकाचा दर्जा चांगला आहे. इतर ठिकाणच्या बाजारांच्या तुलनेत पुण्यात चेरीला चांगला दर मिळतो. त्यामुळे काश्मीरच्या शेतकऱ्यांना पुण्याची बाजारपेठ महत्त्वाची वाटते. हा हंगाम दोन महिन्यापर्यंत सुरू राहील आणि आवकही चांगली होईल.’
काश्मीरमधील सोपीयान जिल्ह्यातून चेरीच्या १२० ते १५० बॉक्सची रविवारी आवक झाली. चेरीचा हंगाम नुकताच सुरू झाला आहे. त्यामुळे आवक कमी प्रमाणात आहे. काही दिवसांत ही आवक आणखी वाढण्याच शक्यता आहे. आवक वाढल्यानंतर चेरीच्या दरात घसरण होऊ शकेल. हंगामात मोठ्या प्रमाणात आवक सुरू झाल्यावर एका किलोसाठी ८० ते १०० रुपये प्रतिकिलो दर मिळत आहे. जुलै महिन्यापर्यंत हा हंगाम सुरू राहील, अशी माहिती अरविंद मोरे यांनी दिली.
चेरीचे काश्मीर येथील उत्पादक फिरोज भट म्हणाले, ‘चेरीचे उत्पादन यंदा कमी आहे. पावसाचा फटका बसला नसल्याने उपलब्ध पिकाचा दर्जा चांगला आहे. इतर ठिकाणच्या बाजारांच्या तुलनेत पुण्यात चेरीला चांगला दर मिळतो. त्यामुळे काश्मीरच्या शेतकऱ्यांना पुण्याची बाजारपेठ महत्त्वाची वाटते. हा हंगाम दोन महिन्यापर्यंत सुरू राहील आणि आवकही चांगली होईल.’