बीड : खरीप २०१९ च्या पात्र विमाधारक शेतकऱ्यांना महसूलच्या पंचनाम्यानुसार पीकविमा नुकसान भरपाई द्या, पीक कापणी प्रयोगानंतर नुकसान भरपाई वाटपास झालेल्या विलंबाच्या कालावधीसाठी १२ टक्के व्याजदराने शेतकऱ्यांना पैसे द्या, क्लेम नाकारलेल्या शेतकऱ्यांना २१ तारखेपर्यंत क्लेम नाकारल्याच्या कारणासह माहिती द्या, राज्यस्तरीय समितीवर शेतकरी आणि लोकप्रतिनिधी घ्या यासह महत्वाचे निर्णय बीड जिल्ह्यातील प्रलंबित पीक विमा नुकसान भरपाईच्या संदर्भात आयोजित केलेल्या बैठकीमध्ये करण्यात आले. जिल्ह्याचे पालकमंत्री धनंजय मुंडे यांच्या विनंतीवरून कृषीमंत्री दादा भुसे यांच्या उपस्थितीत पीक विमा कंपनी आणि उच्चस्तरीय अधिकाऱ्यांची बैठक झाली. बैठकीला आमदार प्रकाश सोळंके, कृषी आयुक्त सुहास दिवसे यांच्यासह पीक विमा कंपन्यांचे प्रतिनिधी व संबंधित अधिकारी उपस्थित होते.
‘पीकविमा नुकसान भरपाई द्या’
खरीप २०१९ च्या पात्र विमाधारक शेतकऱ्यांना महसूलच्या पंचनाम्यानुसार पीकविमा नुकसान भरपाई द्या, पीक कापणी प्रयोगानंतर नुकसान भरपाई वाटपास झालेल्या ...
महाराष्ट्र टाइम्स.कॉम 14 Mar 2020, 4:00 am