इंदापूर : पळसदेव येथील करोना संशयितांचे अहवाल निगेटिव्ह आल्याने इंदापूरमधील नागरिकांना मोठा दिलासा मिळाला आहे. मागील तीन दिवसांपासून हे अहवाल प्रलंबित होते. इंदापूर तालुक्यातील पळसदेव येथे आपल्या आईला भेटायला आलेल्या पोलिस कर्मचाऱ्याला पुण्यात गेल्यानंतर करोनाची लागण झाल्याचे स्पष्ट झाले होते. त्यामुळे त्याच्या संपर्कात आलेल्या १४ जणांचे अहवाल तपासणीसाठी पाठवण्यात आले होते. गेल्या तीन-चार दिवसांपासून हे अहवाल प्रलंबित होते. 'करोनाचा फैलाव रोखण्यासाठी परगावातून गावी परतलेल्या नागरिकांची माहिती लपवून ठेवू नका,' असे आवाहन इंदापूरच्या तहसीलदार सोनाली मेटकरी यांनी केले आहे.
पळसदेववासीयांना दिलासा
पळसदेव येथील करोना संशयितांचे अहवाल निगेटिव्ह आल्याने इंदापूरमधील नागरिकांना मोठा दिलासा मिळाला आहे मागील तीन दिवसांपासून हे अहवाल प्रलंबित होते...
महाराष्ट्र टाइम्स.कॉम 27 May 2020, 4:00 am