म. टा. प्रतिनिधी, पुणे
पाण्याचे कनेक्शन देण्यासाठी १७ हजार रुपयांची लाच स्वीकारताना महापालिकेच्या ठेकेदाराला लाच लुचपत प्रतिबंधक विभागाने (एसीबी) अटक केली. कर्वे रस्त्यावरील 'एसएनडीटी' परिसरात ही कारवाई करण्यात आली.
महेश तानाजी शिंदे (वय ४६) असे अटक केलेल्याचे नाव आहे. या प्रकरणी ५४ वर्षीय व्यक्तीने तक्रार दिली आहे. त्यानुसार डेक्कन पोलिस ठाण्यात भ्रष्टाचार प्रतिबंधक कायद्यानुसार गुन्हा दाखल करण्यात आला आहे. तक्रारदार यांनी त्यांच्या मिळकतीमध्ये पाण्याचे कनेक्शन मिळावे म्हणून महापालिकेच्या चतुःश्रृंगी पाणीपुरवठा विभाग येथे अर्ज केला होता. पाणीपुरवठा कनेक्शन देण्यासाठी महापालिकेचा ठेकेदार असलेल्या शिंदे याने ३० हजार रुपयांच्या लाचेची मागणी केली होती. याबाबत तक्रारदार यांनी एसीबीकडे तक्रार केली. या तक्रारीची पडताळणी केली असता शिंदे याने लाच मागितल्याचे निष्पन्न झाले. शिंदे हा मनपाच्या कनिष्ठ व सहायक अभियंत्यांना पैसे द्यावे लागतात, असे सांगत होता. या प्रकरणी पोलिस निरीक्षक प्रणेता सांगोलकर तपास करत आहेत.
पाण्याचे कनेक्शन देण्यासाठी १७ हजार रुपयांची लाच स्वीकारताना महापालिकेच्या ठेकेदाराला लाच लुचपत प्रतिबंधक विभागाने (एसीबी) अटक केली. कर्वे रस्त्यावरील 'एसएनडीटी' परिसरात ही कारवाई करण्यात आली.
महेश तानाजी शिंदे (वय ४६) असे अटक केलेल्याचे नाव आहे. या प्रकरणी ५४ वर्षीय व्यक्तीने तक्रार दिली आहे. त्यानुसार डेक्कन पोलिस ठाण्यात भ्रष्टाचार प्रतिबंधक कायद्यानुसार गुन्हा दाखल करण्यात आला आहे. तक्रारदार यांनी त्यांच्या मिळकतीमध्ये पाण्याचे कनेक्शन मिळावे म्हणून महापालिकेच्या चतुःश्रृंगी पाणीपुरवठा विभाग येथे अर्ज केला होता. पाणीपुरवठा कनेक्शन देण्यासाठी महापालिकेचा ठेकेदार असलेल्या शिंदे याने ३० हजार रुपयांच्या लाचेची मागणी केली होती. याबाबत तक्रारदार यांनी एसीबीकडे तक्रार केली. या तक्रारीची पडताळणी केली असता शिंदे याने लाच मागितल्याचे निष्पन्न झाले. शिंदे हा मनपाच्या कनिष्ठ व सहायक अभियंत्यांना पैसे द्यावे लागतात, असे सांगत होता. या प्रकरणी पोलिस निरीक्षक प्रणेता सांगोलकर तपास करत आहेत.