म. टा. प्रतिनिधी, पुणे
पुणे महानगर परिवहन महामंडळाच्या (पीएमपी) कोथरूड डेपोअंतर्गत पीपीपी तत्त्वावरील कार्यान्वित बस कर्मचाऱ्यांचे वेतन न झाल्याने त्यांनी संप पुकारला आहे. या संपामुळे कोथरूड डेपोतील सुमारे ६५ बस बंद असल्याने मार्गावरील प्रवाशांची मोठ्या प्रमाणावर गैरसोय होत आहे.
पीएमपीने स्व-मालकीच्या दोनशे बस प्रसन्न पर्पल कंपनीला ‘पीपीपी’ तत्त्वावर चालविण्यासाठी दिल्या आहेत. या बसवर कंत्राटी कर्मचारी कार्यरत आहेत. संबंधित कंत्राटदार कंपनीने त्यांचे वेतन अद्याप न केल्याने, त्या विरोधात कर्मचाऱ्यांनी काम बंद आंदोलन पुकारले आहे. संपात सहभागी कर्मचारी कोथरूड डेपोमध्ये बसून होते. त्यामुळे डेपोतील बस संचलन बिघडले आहे.
शहरातील महत्त्वाच्या डेपोंमध्यें कोथरूडचा समावेश होतो. शहराच्या अन्य उपनगरात या ठिकाणाहून बस धावतात. मात्र, सकाळी ऑफिस, शाळा-कॉलेजात जाणाऱ्यांची गर्दी असताना पुरेशा प्रमाणात बस संचलनात नसल्याने प्रवाशांची मोठी गैरसोय झाली. पीएमपीच्या काही बसद्वारे प्रवासी सेवा दिली जात आहे. मात्र, प्रचंड गर्दी होत असल्याने अडचणींत भरच पडत आहे. या प्रकाराची माहिती मिळताच पीएमपी प्रशासनाने दुसऱ्या डेपोतील कर्मचारी बोलावून कंत्राटी बसद्वारे प्रवासी सेवा देण्यास सुरुवात केली. त्यामुळे थोड्या वेळाने परिस्थिती पूर्ववत झाली.
दरम्यान, कंत्राटी कर्मचाऱ्यांच्या संपामुळे पीएमपीची सकाळच्या टप्प्यातील सेवा विस्कळीत झाली. कोथरूड डेपोतून दररोज १८८ फेऱ्या नियोजित असतात. त्यापैकी बुधवारी १२३ फेऱ्याच झाल्या. त्यामुळे प्रवाशांचे हाल झाले आणि पीएमपीचे आर्थिक नुकसानही झाले. त्यामुळे प्रसन्न पर्पलकडून याबाबतची भरपाई घेतली जाणार आहे, अशी माहिती पीएमपीच्या जनसंपर्क अधिकाऱ्यांनी दिली.
पुणे महानगर परिवहन महामंडळाच्या (पीएमपी) कोथरूड डेपोअंतर्गत पीपीपी तत्त्वावरील कार्यान्वित बस कर्मचाऱ्यांचे वेतन न झाल्याने त्यांनी संप पुकारला आहे. या संपामुळे कोथरूड डेपोतील सुमारे ६५ बस बंद असल्याने मार्गावरील प्रवाशांची मोठ्या प्रमाणावर गैरसोय होत आहे.
पीएमपीने स्व-मालकीच्या दोनशे बस प्रसन्न पर्पल कंपनीला ‘पीपीपी’ तत्त्वावर चालविण्यासाठी दिल्या आहेत. या बसवर कंत्राटी कर्मचारी कार्यरत आहेत. संबंधित कंत्राटदार कंपनीने त्यांचे वेतन अद्याप न केल्याने, त्या विरोधात कर्मचाऱ्यांनी काम बंद आंदोलन पुकारले आहे. संपात सहभागी कर्मचारी कोथरूड डेपोमध्ये बसून होते. त्यामुळे डेपोतील बस संचलन बिघडले आहे.
शहरातील महत्त्वाच्या डेपोंमध्यें कोथरूडचा समावेश होतो. शहराच्या अन्य उपनगरात या ठिकाणाहून बस धावतात. मात्र, सकाळी ऑफिस, शाळा-कॉलेजात जाणाऱ्यांची गर्दी असताना पुरेशा प्रमाणात बस संचलनात नसल्याने प्रवाशांची मोठी गैरसोय झाली. पीएमपीच्या काही बसद्वारे प्रवासी सेवा दिली जात आहे. मात्र, प्रचंड गर्दी होत असल्याने अडचणींत भरच पडत आहे. या प्रकाराची माहिती मिळताच पीएमपी प्रशासनाने दुसऱ्या डेपोतील कर्मचारी बोलावून कंत्राटी बसद्वारे प्रवासी सेवा देण्यास सुरुवात केली. त्यामुळे थोड्या वेळाने परिस्थिती पूर्ववत झाली.
दरम्यान, कंत्राटी कर्मचाऱ्यांच्या संपामुळे पीएमपीची सकाळच्या टप्प्यातील सेवा विस्कळीत झाली. कोथरूड डेपोतून दररोज १८८ फेऱ्या नियोजित असतात. त्यापैकी बुधवारी १२३ फेऱ्याच झाल्या. त्यामुळे प्रवाशांचे हाल झाले आणि पीएमपीचे आर्थिक नुकसानही झाले. त्यामुळे प्रसन्न पर्पलकडून याबाबतची भरपाई घेतली जाणार आहे, अशी माहिती पीएमपीच्या जनसंपर्क अधिकाऱ्यांनी दिली.