सुनील दिवाण, पंढरपूर :
आषाढी यात्रा दोन दिवसांवर आली असताना रविवारी सकाळी प्रदक्षिणामार्गावर एक करोनाग्रस्त रुग्ण आढळल्याने प्रशासनाची डोकेदुखी वाढली आहे. असे असले तरी आषाढी एकादशीच्या दिवशी पादुकांच्या नगर प्रदक्षिणेला कोणतीही अडचण येणार नसल्याचे प्रांताधिकारी सचिन ढोले यांनी सांगितले.
करोनाच्या संकटामुळे यंदा आषाढी यात्रा भरणार नसली तरी मानाच्या संत पादुका मात्र येणार आहेत. एकादशीच्या दिवशी चंद्रभागा नदीवर स्नान करून मंदिराची नगरप्रदक्षिणा करण्याची शेकडो वर्षांची परंपरा आहे. मात्र, रविवारी सकाळी नेमके प्रदक्षिणा मार्गावर एक करोना रुग्ण आढळल्याने रविवारी सकाळीपासून अतिशय वरिष्ठ स्तरावर विचारविनिमय केल्यावर प्रदक्षिणेला अडचण नसल्याचे प्रशासनाने जाहीर केले आहे.
रविवारी सकाळी एका बँकेचे संचालक असणारे शिक्षक करोनाग्रस्त निघाल्याने त्यांच्या संपर्कात आलेल्या ४० पेक्षा अधिक जणांना प्रशासनाने क्वारंटाइन करण्यास सुरुवात केली आहे. संबंधित शिक्षक त्यांच्या शाळेतही जात असल्याने अजूनही त्यांच्या संपर्कात आलेल्यांची माहिती प्रशासन घेत आहे. विशेष म्हणजे तपासणी केल्यामुळे तहसीलदार यांनाही क्वारंटाइन होण्याची वेळ अली आहे. तसेच, संबंधित शिक्षकाने नगरपालिकेचे कोव्हिड योद्धा प्रमाणपत्राचे वितरण केल्याने आता कोव्हिड योद्धेही अडचणीत आले आहेत.
'नियोजनात बदल नाही'
दरम्यान, प्रशासनाने या घटनेमुळे आषाढी यात्रेच्या नियोजनात कोणताही बदल झाला नसल्याचे सांगून वारकऱ्यांच्या शेकडो वर्षाच्या परंपरा पाळण्यात येणार असल्याचे सांगितले. यंदा आषाढीला कोरोनामुळे कोणत्याही वारकऱ्याच्या पंढरपूरला न येत घरी बसूनच वारी करण्याचे आवाहन प्रांताधिकारी सचिन ढोले यांनी केले आहे.
आषाढी यात्रा दोन दिवसांवर आली असताना रविवारी सकाळी प्रदक्षिणामार्गावर एक करोनाग्रस्त रुग्ण आढळल्याने प्रशासनाची डोकेदुखी वाढली आहे. असे असले तरी आषाढी एकादशीच्या दिवशी पादुकांच्या नगर प्रदक्षिणेला कोणतीही अडचण येणार नसल्याचे प्रांताधिकारी सचिन ढोले यांनी सांगितले.
करोनाच्या संकटामुळे यंदा आषाढी यात्रा भरणार नसली तरी मानाच्या संत पादुका मात्र येणार आहेत. एकादशीच्या दिवशी चंद्रभागा नदीवर स्नान करून मंदिराची नगरप्रदक्षिणा करण्याची शेकडो वर्षांची परंपरा आहे. मात्र, रविवारी सकाळी नेमके प्रदक्षिणा मार्गावर एक करोना रुग्ण आढळल्याने रविवारी सकाळीपासून अतिशय वरिष्ठ स्तरावर विचारविनिमय केल्यावर प्रदक्षिणेला अडचण नसल्याचे प्रशासनाने जाहीर केले आहे.
रविवारी सकाळी एका बँकेचे संचालक असणारे शिक्षक करोनाग्रस्त निघाल्याने त्यांच्या संपर्कात आलेल्या ४० पेक्षा अधिक जणांना प्रशासनाने क्वारंटाइन करण्यास सुरुवात केली आहे. संबंधित शिक्षक त्यांच्या शाळेतही जात असल्याने अजूनही त्यांच्या संपर्कात आलेल्यांची माहिती प्रशासन घेत आहे. विशेष म्हणजे तपासणी केल्यामुळे तहसीलदार यांनाही क्वारंटाइन होण्याची वेळ अली आहे. तसेच, संबंधित शिक्षकाने नगरपालिकेचे कोव्हिड योद्धा प्रमाणपत्राचे वितरण केल्याने आता कोव्हिड योद्धेही अडचणीत आले आहेत.
'नियोजनात बदल नाही'
दरम्यान, प्रशासनाने या घटनेमुळे आषाढी यात्रेच्या नियोजनात कोणताही बदल झाला नसल्याचे सांगून वारकऱ्यांच्या शेकडो वर्षाच्या परंपरा पाळण्यात येणार असल्याचे सांगितले. यंदा आषाढीला कोरोनामुळे कोणत्याही वारकऱ्याच्या पंढरपूरला न येत घरी बसूनच वारी करण्याचे आवाहन प्रांताधिकारी सचिन ढोले यांनी केले आहे.