पुणे: पुण्यभूषण पुरस्काराची घोषणा लांबणीवर

पुणे: गेली ३१ वर्षे २३ मार्च रोजी सकाळी अकरा वाजता जाहीर होणारा 'पुण्यभूषण पुरस्कार' सोमवारी पहिल्यांदाच जाहीर झाला नाही. करोना विषाणूच्या प्रार्दुभावामुळे मानाच्या पुण्यभूषण पुरस्काराची घोषणा पुढे ढकलण्यात आल्याचे पुण्यभूषण फाउंडेशनचे ( त्रिदल, पुणे) प्रमुख डॉ. सतीश देसाई यांनी सोमवारी स्पष्ट केले.

पुण्यभूषण फाउंडेशनतर्फे ३१ वर्षे पुण्यभूषण पुरस्कार दिला जातो. पुण्याच्या नागरी जीवनात या पुरस्काराला खास स्थान आहे. क्रांतिकारी भगतसिंग, सुखदेव व राजगुरू या शहिदांच्या बलिदानाला अभिवादन करण्यासाठी २३ मार्च १९७७ रोजी त्रिदलची स्थापना करण्यात आली. १९८९ मध्ये पहिल्यांदा 'पुण्यभूषण पुरस्कार' देण्यात आला. तेव्हापासून क्रांतिकारकांच्या शहीद दिनी २३ मार्च रोजी 'पुण्यभूषण पुरस्कार' जाहीर केला जातो. यंदा मात्र करोनामुळे ही परंपरा खंडित झाली. 'करोनाचे संकट टळल्यानंतर पुरस्कार जाहीर केला जाईल तसेच पुरस्कार वितरण कार्यक्रमात दरवर्षीप्रमाणे स्वातंत्र्यसैनिकांचा सन्मान केला जाईल,' असे देसाई यांनी स्पष्ट केले.

सांगली: हज यात्रेहून आलेल्या इस्लामपुरातील चौघांना करोना

Live: घरीच थांबा, नितीन गडकरींचे आवाहन

महाराष्ट्रात कर्फ्यू लागू; सर्व जिल्ह्यांच्या सीमा सील