करोना संकट: पुणेकरांसाठी शनिवारी आली ही चांगली बातमी

म. टा. प्रतिनिधी, पुणेः पुणे शहर व जिल्ह्यात शनिवारी २६३९ रुग्णांना बाधा झाली असून गंभीर रुग्णांची संख्या वाढली आहे. ७१७ रुग्ण गंभीर असले तरी गेल्या काही दिवसांमध्ये सक्रीय रुग्णांची संख्या ८ हजारावरून १६ हजारापर्यंत ही संख्या खाली आल्याचे शनिवारी दिसून आले. त्यामुळे दिलासा मिळत आहे. १९६१ जणांना बरे झाल्याने घरी पाठवण्यात आले. तर आतापर्यंत सर्वाधिक ७० जणांचा मृत्यू जिल्ह्यात झाल्याची नोंद करण्यात आली आहे.

बापरे! एका दिवसात हजारावर पॉझिटिव्ह, कोल्हापूरची रुग्णसंख्या १० हजारावर

राज्याने ओलांडला ५ लाखांचा टप्पा; आज १२८२२ नवे करोना बाधित

शहरात शनिवारी १२९० जणांना लागण झाली. ७१७ रुग्ण गंभीर असून त्यापैकी ४४३ रुग्ण व्हेंटिलेटरवर आहेत. तर २७४ रुग्ण हे अतिदक्षता विभागात उपचार घेत आहेत. तसेच २३१८ रुग्ण हे ऑक्सिजनवर आहेत. शहरात आजमितीला १६ हजार ३२५ रुग्ण सक्रिय आहेत. गेल्या काही दिवसांपूर्वी सक्रीय रुग्णांची संख्या ही १८ हजारापर्यंत पोहोचल्याने चिंता वाढली होती. मात्र, शनिवारी सक्रीय रुग्णांची संख्या घटल्याचे दिसल्याने दिलासा मिळाला आहे. त्याशिवाय पुण्यात १९६१ तर जिल्ह्यात २९१७ रुग्णांना बरे वाटल्याने डिस्चार्ज देण्यात आला आहे. आजमितीला शहरात ४६ हजार ७३५ तर जिल्हयात एकूण ७६४२६ रुग्ण बरे वाटल्याने घरी परतले आहेत. शहरात ५०५१ एवढ्या चाचण्या शनिवारी घेण्यात आल्या. पुणे शहरात ३७ तर जिल्ह्यात एकूण ७० जणांचा मृत्यू झाल्याची नोंद आरोग्य विभागाने केली आहे. आतापर्यंतचे सर्वाधिक मृत्यूची नोंद असून मृतांची संख्या २४१४ एवढी झाली आहे.