म. टा. प्रतिनिधी, पिंपरी
देशातील कामगार कायद्यांमध्ये होत असलेले बदल घातक असल्याचा आरोप करून विविध हक्कांसाठी येत्या गुरुवारी (२६ नोव्हेंबर) पुकारलेल्या देशव्यापी बंदमध्ये पुणे जिल्ह्यातील कामगार संघटना स्वयंस्फूर्तीने सहभागी होणार आहेत, अशी माहिती कामगार संघटना संयुक्त कृती समितीच्या प्रमुख पदाधिकाऱ्यांनी मंगळवारी पत्रकार परिषदेत दिली.
देशाच्या संविधान दिनी (२६ नोव्हेंबर) केंद्रातील मोदी सरकारच्या विरोधात एकदिवसीय संप पुकारला आहे, असे समितीचे अध्यक्ष डॉ. कैलास कदम, निमंत्रक अजित अभ्यंकर, रघुनाथ कुचिक, दिलीप पवार, किशोर ढोकले, अनिल रोहम यांनी स्पष्ट केले. 'घटना बचाओ, देश बचाओ' यासाठी पुकारलेल्या बंदमध्ये पुणे जिल्ह्यातील सर्व औद्योगिक वसाहतींमधील इंटक, आयटक, सिटू, भारतीय कामगार सेना, श्रमिक एकता महासंघ, राष्ट्रीय श्रमिक एकता महासंघ, यूटीयूसी, केंद्रीय कामगार संघटनांशी संलग्न तसेच स्वतंत्र कामगार संघटना, बँका, विमा, वीज मंडळ, संरक्षण सार्वजनिक क्षेत्रातील कर्मचारी, अंगणवाडी-आशा, आरोग्य परिचारक, योजना कर्मचारी, मार्केट यार्डशी संबंधित कर्मचारी, हमाल, घर कामगार सहभागी होणार आहेत.
संपामधील प्रमुख मागण्या आणि सरकारची धोरणे याबाबत नागरिकांनी माहिती देण्यासाठी कृती समितीने 'शेतकरी-कामगार विरोधात मोदी सरकार' ही पुस्तिका प्रकाशित करून, तिच्या दहा हजार प्रतींची विक्री केली आहे. करोनामुळे संपाच्या दिवशी मोर्चे काढले जाणार नसून कामगार तोंडाला मास्क लावून, रस्त्याच्या दोन्ही बाजूस रहदारीस कोणताही अडथळा न करता व योग्य अंतर राखून मानवी साखळी करतील, असे स्पष्ट करण्यात आले आहे.
कामगारांच्या प्रमुख मागण्या
- करोनामुळे रोजगार गमावलेल्यांना दरमहा ७,५०० रुपये.
- गरजूंना प्रतिमहा १० किलो मोफत धान्य.
- कामगार कायद्यातील बदल मागे घ्या.
- कंत्राटी कामगारांची प्रथा तत्काळ बंद.
- खासगीकरण बंद आणि सार्वजनिक क्षेत्राचे सक्षमीकरण.
- असंघटितांसाठी सामाजिक सुरक्षा योजना.
- सरकारी कर्मचाऱ्यांना २००४ पूर्वीची पेन्शन योजना.
- स्थानिक स्वराज्य संस्थांना सेवेसाठी पुरेसा निधी.
....
मानवी साखळीची ठिकाणे (कंसात वेळ)
भारतरत्न डॉ. बाबासाहेब आंबेडकर पुतळा चौक, पिंपरी (सकाळी ९.३०), एशियन चौक, रांजणगाव (सकाळी ९.३०), जिल्हाधिकारी कचेरी (११), चौफुला, पुणे सोलापूर मार्ग (९.३०), एमआयडीसी मुख्य चौक, बारामती (९.३०), अलका टॉकीज चौक ते लक्ष्मी रोड सिटी पोस्ट चौक (१०), हडपसर ओव्हर ब्रीजखाली, कर्वे पुतळा, सिंहगड रोड पु. ल. देशपांडे उद्यान, येरवडा मच्छी मार्केट, कात्रज-कोंढवा मार्ग, हॉटेल महाबळेश्वर पेट्रोल पंपजवळ (दुपारी २.३०).
....
पोलिसांना कोणी अधिकार दिला?
कामगार संघटनांनी बेकायदा संप पुकारला आहे, असा दावा करून रांजणगाव पोलिसांनी तक्रारीसाठी संपर्क साधण्याचे आवाहन केले आहे. त्याला प्रत्युत्तर देताना कामगार संघटना संयुक्त कृती समितीने संप बेकायदेशीर आहे, असे म्हणण्याचा अधिकार पोलिसांना कोणी दिला, असा सवाल केली आहे. 'आमच्या हक्कांसाठी आम्ही लढा देत आहोत. तो आमचा अधिकार आहे. हा लढा बेकायदा म्हणण्याचा पोलिसांना अधिकार नाही. त्यांच्याविरोधात आम्ही लवकरच वरिष्ठ पोलिस अधिकाऱ्यांची भेट घेणार आहोत,' असे समितीच्या पदाधिकाऱ्यांनी स्पष्ट केले.
....
देशातील कामगार कायद्यांमध्ये होत असलेले बदल घातक असल्याचा आरोप करून विविध हक्कांसाठी येत्या गुरुवारी (२६ नोव्हेंबर) पुकारलेल्या देशव्यापी बंदमध्ये पुणे जिल्ह्यातील कामगार संघटना स्वयंस्फूर्तीने सहभागी होणार आहेत, अशी माहिती कामगार संघटना संयुक्त कृती समितीच्या प्रमुख पदाधिकाऱ्यांनी मंगळवारी पत्रकार परिषदेत दिली.
देशाच्या संविधान दिनी (२६ नोव्हेंबर) केंद्रातील मोदी सरकारच्या विरोधात एकदिवसीय संप पुकारला आहे, असे समितीचे अध्यक्ष डॉ. कैलास कदम, निमंत्रक अजित अभ्यंकर, रघुनाथ कुचिक, दिलीप पवार, किशोर ढोकले, अनिल रोहम यांनी स्पष्ट केले. 'घटना बचाओ, देश बचाओ' यासाठी पुकारलेल्या बंदमध्ये पुणे जिल्ह्यातील सर्व औद्योगिक वसाहतींमधील इंटक, आयटक, सिटू, भारतीय कामगार सेना, श्रमिक एकता महासंघ, राष्ट्रीय श्रमिक एकता महासंघ, यूटीयूसी, केंद्रीय कामगार संघटनांशी संलग्न तसेच स्वतंत्र कामगार संघटना, बँका, विमा, वीज मंडळ, संरक्षण सार्वजनिक क्षेत्रातील कर्मचारी, अंगणवाडी-आशा, आरोग्य परिचारक, योजना कर्मचारी, मार्केट यार्डशी संबंधित कर्मचारी, हमाल, घर कामगार सहभागी होणार आहेत.
संपामधील प्रमुख मागण्या आणि सरकारची धोरणे याबाबत नागरिकांनी माहिती देण्यासाठी कृती समितीने 'शेतकरी-कामगार विरोधात मोदी सरकार' ही पुस्तिका प्रकाशित करून, तिच्या दहा हजार प्रतींची विक्री केली आहे. करोनामुळे संपाच्या दिवशी मोर्चे काढले जाणार नसून कामगार तोंडाला मास्क लावून, रस्त्याच्या दोन्ही बाजूस रहदारीस कोणताही अडथळा न करता व योग्य अंतर राखून मानवी साखळी करतील, असे स्पष्ट करण्यात आले आहे.
कामगारांच्या प्रमुख मागण्या
- करोनामुळे रोजगार गमावलेल्यांना दरमहा ७,५०० रुपये.
- गरजूंना प्रतिमहा १० किलो मोफत धान्य.
- कामगार कायद्यातील बदल मागे घ्या.
- कंत्राटी कामगारांची प्रथा तत्काळ बंद.
- खासगीकरण बंद आणि सार्वजनिक क्षेत्राचे सक्षमीकरण.
- असंघटितांसाठी सामाजिक सुरक्षा योजना.
- सरकारी कर्मचाऱ्यांना २००४ पूर्वीची पेन्शन योजना.
- स्थानिक स्वराज्य संस्थांना सेवेसाठी पुरेसा निधी.
....
मानवी साखळीची ठिकाणे (कंसात वेळ)
भारतरत्न डॉ. बाबासाहेब आंबेडकर पुतळा चौक, पिंपरी (सकाळी ९.३०), एशियन चौक, रांजणगाव (सकाळी ९.३०), जिल्हाधिकारी कचेरी (११), चौफुला, पुणे सोलापूर मार्ग (९.३०), एमआयडीसी मुख्य चौक, बारामती (९.३०), अलका टॉकीज चौक ते लक्ष्मी रोड सिटी पोस्ट चौक (१०), हडपसर ओव्हर ब्रीजखाली, कर्वे पुतळा, सिंहगड रोड पु. ल. देशपांडे उद्यान, येरवडा मच्छी मार्केट, कात्रज-कोंढवा मार्ग, हॉटेल महाबळेश्वर पेट्रोल पंपजवळ (दुपारी २.३०).
....
पोलिसांना कोणी अधिकार दिला?
कामगार संघटनांनी बेकायदा संप पुकारला आहे, असा दावा करून रांजणगाव पोलिसांनी तक्रारीसाठी संपर्क साधण्याचे आवाहन केले आहे. त्याला प्रत्युत्तर देताना कामगार संघटना संयुक्त कृती समितीने संप बेकायदेशीर आहे, असे म्हणण्याचा अधिकार पोलिसांना कोणी दिला, असा सवाल केली आहे. 'आमच्या हक्कांसाठी आम्ही लढा देत आहोत. तो आमचा अधिकार आहे. हा लढा बेकायदा म्हणण्याचा पोलिसांना अधिकार नाही. त्यांच्याविरोधात आम्ही लवकरच वरिष्ठ पोलिस अधिकाऱ्यांची भेट घेणार आहोत,' असे समितीच्या पदाधिकाऱ्यांनी स्पष्ट केले.
....