म. टा. प्रतिनिधी, पुणे
सोसायटीची नोंदणी करण्यात आल्यानंतरही मूळ जागा नावे करून न दिल्याच्या प्रकरणात दाखल करण्यात आलेल्या दाव्यात कोर्टाने संबंधित बांधकाम व्यावसायिकाला कॅन्सरग्रस्त लोकांसाठी वर्षभर समुपदेशन आणि प्राणायाम शिबिरे आयोजित करण्याची शिक्षा दिली आहे.
संबंधित व्यावसायिकाने सिप्ला पॅलिटेटिव्ह केअर सेंटर, वारजे येथे किंवा अन्य कोठेही शिबिरे आयोजित करावीत तसेच त्याचा अहवाल सादर करावा असेही निकालात नमूद करण्यात आले आहे. या व्यावसायिकाचे वय ८० असून, ते लष्करातून १९८५ मध्ये निवृत्त झाले आहेत. त्यांनी बांधकाम व्यवसाय १९९५ मध्ये बंद केला. ते सध्या सामाजिक कार्य करतात. त्यांच्याविरुद्ध दाखल दाव्याचे स्वरूप लक्षात घेता त्यांना वरिलप्रमाणे शिक्षा सुनावण्यात येत असल्याचे निकालात नमूद केले आहे.
या प्रकरणी सॅनकुणी पुष्कर्णा (वय ५४ रा. अजिंक्यतारा को- ऑपरेटीव्ह सोसायटी, मोहनवाडी, येरवडा) यांनी फिर्याद दाखल केली होती. फिर्यादीतर्फे अॅड. ए. के. जांभळी यांनी कामकाज पाहिले.
फिर्यादींनी टिळक असोसिएट्सचे प्रोपायटर अशोक रामचंद्र टिळक ( रा. चिंतामणी बंगला, मंगलवाडी सोसायटी, सेनापती बापट रोड) यांच्याविरुद्ध दावा दाखल केला होता. या प्रकरणात एकाची निर्दोष मुक्तता करण्यात आली आहे. फिर्यादी यांनी टिळक यांच्याकडून येरवडा येथे उभारण्यात येत असलेल्या इमारतीतील दोन फ्लॅट खरेदी केले होते. बांधकाम पूर्ण झाल्यानंतर फिर्यादीला ताबा देण्यात आला होता. संबंधित इमारतीची नोंदणी करण्यात आली. नोंदणीनंतर बिल्डरतर्फे मूळ जागा नावे करून देण्यात आली नाही. महाराष्ट्र ओनरशिप फ्लॅटस (रेग्युलेशन ऑफ प्रमोशन ऑफ कन्स्ट्रक्शन सेल, मॅनेजमेंट अँड ट्रान्स्फर) अॅक्ट नुसार हा दावा करण्यात आला होता. या प्रकरणात कोर्टाने टिळक यांना समाजसेवेची शिक्षा सुनावली आहे.
सोसायटीची नोंदणी करण्यात आल्यानंतरही मूळ जागा नावे करून न दिल्याच्या प्रकरणात दाखल करण्यात आलेल्या दाव्यात कोर्टाने संबंधित बांधकाम व्यावसायिकाला कॅन्सरग्रस्त लोकांसाठी वर्षभर समुपदेशन आणि प्राणायाम शिबिरे आयोजित करण्याची शिक्षा दिली आहे.
संबंधित व्यावसायिकाने सिप्ला पॅलिटेटिव्ह केअर सेंटर, वारजे येथे किंवा अन्य कोठेही शिबिरे आयोजित करावीत तसेच त्याचा अहवाल सादर करावा असेही निकालात नमूद करण्यात आले आहे. या व्यावसायिकाचे वय ८० असून, ते लष्करातून १९८५ मध्ये निवृत्त झाले आहेत. त्यांनी बांधकाम व्यवसाय १९९५ मध्ये बंद केला. ते सध्या सामाजिक कार्य करतात. त्यांच्याविरुद्ध दाखल दाव्याचे स्वरूप लक्षात घेता त्यांना वरिलप्रमाणे शिक्षा सुनावण्यात येत असल्याचे निकालात नमूद केले आहे.
या प्रकरणी सॅनकुणी पुष्कर्णा (वय ५४ रा. अजिंक्यतारा को- ऑपरेटीव्ह सोसायटी, मोहनवाडी, येरवडा) यांनी फिर्याद दाखल केली होती. फिर्यादीतर्फे अॅड. ए. के. जांभळी यांनी कामकाज पाहिले.
फिर्यादींनी टिळक असोसिएट्सचे प्रोपायटर अशोक रामचंद्र टिळक ( रा. चिंतामणी बंगला, मंगलवाडी सोसायटी, सेनापती बापट रोड) यांच्याविरुद्ध दावा दाखल केला होता. या प्रकरणात एकाची निर्दोष मुक्तता करण्यात आली आहे. फिर्यादी यांनी टिळक यांच्याकडून येरवडा येथे उभारण्यात येत असलेल्या इमारतीतील दोन फ्लॅट खरेदी केले होते. बांधकाम पूर्ण झाल्यानंतर फिर्यादीला ताबा देण्यात आला होता. संबंधित इमारतीची नोंदणी करण्यात आली. नोंदणीनंतर बिल्डरतर्फे मूळ जागा नावे करून देण्यात आली नाही. महाराष्ट्र ओनरशिप फ्लॅटस (रेग्युलेशन ऑफ प्रमोशन ऑफ कन्स्ट्रक्शन सेल, मॅनेजमेंट अँड ट्रान्स्फर) अॅक्ट नुसार हा दावा करण्यात आला होता. या प्रकरणात कोर्टाने टिळक यांना समाजसेवेची शिक्षा सुनावली आहे.